Read Хуыцауы Дзырд иронау Езра 2 Bible Online

Езра 2 - Хуыцауы Дзырд иронау bible

Езра 2

¹Мӕнӕ адон сты, Вавилоны паддзах Навуходоносор йемӕ уацары кӕй акодта ӕмӕ фӕстӕмӕ Йерусалиммӕ ӕмӕ Иудеймӕ — алчи йӕхи сахармӕ — чи ӕрыздӕхти, нӕ уыцы ӕмбӕстӕгтӕ.

²Уыдон ӕрыздӕхтысты Зоровавелимӕ, Йешуаимӕ, Неемиаимӕ, Сераимӕ, Реелайаимӕ, Мардохеимӕ, Билшанимӕ, Миспаримӕ, Бигваимӕ, Рехумимӕ ӕмӕ Баанаимӕ. Уыцы израилӕгты нымӕц у:

³Парошы мыггаг — дыууӕ мин сӕдӕ ӕвдай дыууӕ;

⁴Шефатийы мыггаг — ӕртӕсӕдӕ ӕвдай дыууӕ;

⁵Арахы мыггаг — авдсӕдӕ ӕвдай фондз;

⁶Пахат-Моавы мыггаг (Йешуа ӕмӕ Йоавы байзӕддӕгтӕ) — дыууӕ мин астсӕдӕ дыууадӕс;

⁷Еламы мыггаг — иу мин дыууӕсӕдӕ фӕндзай цыппар;

⁸Заттуйы мыггаг — фарастсӕдӕ цыппор фондз;

⁹Заккайы мыггаг — авдсӕдӕ ӕхсай;

¹⁰Банийы мыггаг — ӕхсӕзсӕдӕ цыппор дыууӕ;

¹¹Бевайы мыггаг — ӕхсӕзсӕдӕ дыууын ӕртӕ;

¹²Азгады мыггаг — иу мин дыууӕсӕдӕ дыууын дыууӕ;

¹³Адоникамы мыггаг — ӕхсӕзсӕдӕ ӕхсай ӕхсӕз;

¹⁴Бигвайы мыггаг — дыууӕ мин фӕндзай ӕхсӕз;

¹⁵Адины мыггаг — цыппарсӕдӕ фӕндзай цыппар;

¹⁶Атеры мыггаг (Езекиайы байзӕддӕгтӕ) — нӕуӕдз аст;

¹⁷Бецайы мыггаг — ӕртӕсӕдӕ дыууын ӕртӕ;

¹⁸Йорайы мыггаг — сӕдӕ дыууадӕс;

¹⁹Хашумы мыггаг — дыууӕсӕдӕ дыууын ӕртӕ;

²⁰Гибары мыггаг — нӕуӕдз фондз;

²¹Вифлеемӕй рацӕуджытӕ — сӕдӕ дыууын ӕртӕ;

²²Нетофӕй рацӕуджытӕ — фӕндзай ӕхсӕз;

²³Анатотӕй рацӕуджытӕ — сӕдӕ дыууын аст;

²⁴Азмаветӕй рацӕуджытӕ — цыппор дыууӕ;

²⁵Кирйат-Иаримӕй, Кефирайӕ ӕмӕ Бееротӕй рацӕуджытӕ — авдсӕдӕ цыппор ӕртӕ;

²⁶Рамайӕ ӕмӕ Гевӕйӕ рацӕуджытӕ — ӕхсӕзсӕдӕ дыууын иу;

²⁷Михмасӕй рацӕуджытӕ — сӕдӕ дыууын дыууӕ;

²⁸Вефилӕй ӕмӕ Гайӕ рацӕуджытӕ — дыууӕсӕдӕ дыууын дыууӕ;

²⁹Невойӕ рацӕуджытӕ — фӕндзай дыууӕ;

³⁰Магбишӕй рацӕуджытӕ — сӕдӕ фӕндзай ӕхсӕз;

³¹иннӕ Еламӕй рацӕуджытӕ — мин дыууӕсӕдӕ фӕндзай цыппар;

³²Харимы мыггаг — ӕртӕсӕдӕ дыууын;

³³Лодӕй, Хадидӕй ӕмӕ Онойӕ рацӕуджытӕ — авдсӕдӕ дыууын фондз;

³⁴Йерихонӕй рацӕуджытӕ — ӕртӕсӕдӕ цыппор фондз;

³⁵Сенаайӕ рацӕуджытӕ — ӕртӕ мин ӕхсӕзсӕдӕ ӕртын;

³⁶сауджынтӕ: Иедайайы мыггагӕй (Йешуайы байзӕддӕгтӕ) — фарастсӕдӕ ӕвдай ӕртӕ;

³⁷Иммеры мыггаг — иу мин фӕндзай дыууӕ;

³⁸Пашхуры мыггаг — иу мин дыууӕсӕдӕ цыппор авд;

³⁹Харимы мыггаг — иу мин ӕвддӕс.

⁴⁰Левиттӕ: Йешуайы ӕмӕ Кадмиелы мыггӕгтӕй (Ходавийы байзӕддӕгтӕ) — ӕвдай цыппар.

⁴¹Зарӕггӕнджытӕ: Асафы мыггагӕй — сӕдӕ дыууын авд.

⁴²Кувӕндоны дуаргӕстӕ: Шаллумы, Атеры, Талмоны, Аккувы, Хатитайы, Шовайы мыггӕгтӕ — ӕдӕппӕтӕй сӕдӕ ӕртын фараст лӕджы.

⁴³Кувӕндоны лӕггадгӕнджытӕ: Цихайы, Хасуфайы, Таббаоты,

⁴⁴Керосы, Сиахайы, Падоны,

⁴⁵Леванайы, Хагавайы, Аккувы,

⁴⁶Хагавы, Шалмайы, Хананы,

⁴⁷Гидделы, Гахары, Реаиайы,

⁴⁸Рецины, Некодайы, Газамы,

⁴⁹Уззайы, Пасеахы, Бесайы,

⁵⁰Аснайы, Меунимы, Нефусимы,

⁵¹Бакбукы, Хакуфайы, Хархуры,

⁵²Бацлиты, Мехидайы, Харшайы,

⁵³Баркосы, Сисерайы, Темахы,

⁵⁴Нециахы, Хатифайы мыггӕгтӕ.

⁵⁵Соломоны цагъарты байзӕддӕгтӕ: Сотайы, Софереты, Перудайы,

⁵⁶Иалайы, Дарконы, Гидделы,

⁵⁷Шефатийы, Хаттилы, Покерет-Цеваимы ӕмӕ Амийы байзӕддӕгтӕ.

⁵⁸Кувӕндоны кусджыты ӕмӕ Соломоны цагъарты байзӕддӕгтӕ ӕдӕппӕтӕй — ӕртӕсӕдӕ нӕуӕдз дыууӕ.

⁵⁹Стӕй ма, Тел-Мелах, Тел-Харша, Керув, Аддан, Иммерӕй чи рацыд, фӕлӕ йӕ хӕдзарвӕндаг ӕмӕ мыггаг Израилӕй сты ӕви нӕ, уый бӕлвырдӕй зӕгъын йӕ бон кӕмӕн нӕ бацис, уыдон:

⁶⁰Делаийы, Товиайы, Некодайы байзӕддӕгтӕ — ӕхсӕзсӕдӕ фӕндзай дыууӕ.

⁶¹Сауджынты хӕдзарвӕндӕгтӕй: Ховайайы, Хакоцы, Барзиллайы (ацы лӕг галаадаг Барзиллайы чызджытӕй иуы ракуырдта ӕмӕ йӕ каисы ном хӕссын райдыдта) байзӕддӕгтӕ.

⁶²Сауджынты хӕдзарвӕндӕгты номхыгъды сӕ фыдӕлты агуырдтой, фӕлӕ сӕ не ссардтой ӕмӕ уымӕ гӕсгӕ сыгъдӕгыл нымад не ’рцыдысты ӕмӕ сауджынты номхыгъдмӕ нал бахаудтой.

⁶³Иудейы бӕстыхицау сын загъта: «Цалынмӕ сауджын сымах тыххӕй Хуыцаумӕ урим ӕмӕ туммимимӕ скува, уӕдмӕ уын сыгъдӕг нывӕндтӕй хӕрӕн нӕй».

⁶⁴Ӕппӕт дзыллӕйы нымӕц иумӕ уыди цыппор дыууӕ мин ӕртӕсӕдӕ ӕхсай.

⁶⁵Сӕ унӕуттӕ ӕмӕ цагъарты сын куынӕ нымайай, уӕд. Нӕлгоймаг ӕмӕ сӕм сылгоймаг унӕуттӕ ӕмӕ цагъартӕ та уыди авд мин ӕртӕсӕдӕ ӕртын авд; семӕ ма ноджы — уадынгӕрзтыл цӕгъдджытӕ ӕмӕ зарӕггӕнджытӕ, дыууӕсӕдӕ нӕлгоймаджы ӕмӕ сылгоймаджы.

⁶⁶Бӕхтӕ сӕм уыдис авдсӕдӕ ӕртын ӕхсӕз, хӕргӕфсытӕ — дыууӕсӕдӕ цыппор фондз,

⁶⁷теуатӕ — цыппарсӕдӕ ӕртын фондз, хӕрджытӕ — ӕхсӕз мин авдсӕдӕ дыууын.

⁶⁸Хӕдзарвӕндӕгты хистӕртӕй чидӕртӕ, Дунедарӕгӕн Йерусалимы цы хӕдзар ис, уырдӕм барвӕндоны нывӕндтимӕ ӕрбацыдысты, цӕмӕй Хуыцауы хӕдзар бындуронӕй ногӕй арӕзт ӕрцӕуа, уый тыххӕй.

⁶⁹Йӕ къух кӕмӕн куыд амыдта, афтӕ хӕдзар ногӕй саразынӕн радтой ӕхсай иу мин драхмӕйы сыгъзӕрин, фондз мин минӕйы ӕвзист ӕмӕ сӕдӕ фӕлысты та сауджыны дарӕстӕ.

⁷⁰Сауджынтӕ дӕр, левиттӕ дӕр, адӕм дӕр, уадынгӕрзтыл цӕгъдджытӕ ӕмӕ зарӕггӕнджытӕ дӕр, дуаргӕстӕ дӕр, Кувӕндоны кусджытӕ дӕр ӕрбынӕттон сты сахарты ӕмӕ сӕ алфамбылӕйтты. Израил иууылдӕр сӕ сахарты цӕрын райдыдтой.