Read Хуыцауы Дзырд иронау Иов 23 Bible Online

Иов 23 - Хуыцауы Дзырд иронау bible

Иов 23

¹Ӕмӕ дзуапп радта Иов:

²«Раздӕрау мӕ судзаг хъӕстытӕ кӕнын, Йӕ къухы уӕзӕй хъӕрзын.

³Тӕхуды, кӕм ӕй агурон, уый куы зонин! Тӕхуды, Йӕ цӕрӕнмӕ мын бацӕуӕн куы уаид!

⁴Уӕд Ын ӕз бамбарын кӕнин мӕ хъуыддаг ӕз мӕхи сраст кӕнин Йӕ разы!

⁵Цы дзуапп мын ратдзӕн, уый базонин ӕмӕ, цы зӕгъы, уый бамбарин.

⁶Ау, Йе ’ппӕт хъомыс мӕ ныхмӕ саразид? Нӕ! Байхъусид мӕм Уый!

⁷Уӕд рӕстуд быцӕу кӕнид Йемӕ, мӕ Тӕрхонгӕнӕг мӕ сраст кӕнид мыггагмӕ.

⁸Фӕлӕ, скӕсӕнмӕ ацӕуон — уым нӕй, ныгуылӕнмӕ здӕхон — нӕ Йыл хӕст кӕнын;

⁹цӕгаты исты араза — нӕ мӕм зыны, хуссары зила — нӕ Йӕ уынын.

¹⁰Фӕлӕ мын Уый зоны мӕ фӕндаг, сыгъзӕринау мӕ бафӕлвардзӕн куынцгомы.

¹¹Ӕз Ын Йӕ фӕндагыл фидар хӕцын, ничердӕм дзы здӕхын;

¹²Йӕ фӕдзӕхстыты сӕрты нӕ хизын, Йӕ ныхӕстӕ Йын арф дарын мӕ зӕрдӕйы.

¹³Фӕлӕ чи рацӕудзӕн Йӕ уынаффӕйы ныхмӕ? Йӕхи куыд фӕнды, афтӕ кӕны.

¹⁴Рахӕсдзӕн мын ӕмбӕлгӕ тӕрхон — ахӕмтӕй Йе ’вӕрӕнтӕ дзаг сты.

¹⁵Уымӕн Йӕ разы ӕмризӕджы ризын, уыдӕттыл куы ахъуыды кӕнын, уӕд мыл тас бахӕцы.

¹⁶Хуыцау мын мӕ уды хъару басаста, Ӕппӕтхъомыс мын тас бауагъта мӕ зӕрдӕйы.

¹⁷Тӕхуды ӕмӕ куы фесӕфин тары, тӕхуды, мӕ хур куы аныгуылид!