Read Хуыцауы Дзырд иронау Иов 41 Bible Online

Иов 41 - Хуыцауы Дзырд иронау bible

Иов 41

¹Ахӕм ныфс дӕ ӕппындӕр ма уӕд! Йӕ иу бакастӕй дӕр нӕ нырриздзынӕ?

²Уый смӕсты кӕнын чи бауӕнддзӕн, ныхӕй-ныхмӕ йӕм чи ӕрлӕудзӕн?

³Мӕ размӕ чи ралӕууа, уымӕн Ӕз аккаг фӕуыдзынӕн. Арвы бын цыдӕриддӕр ис, уыдон иууылдӕр Мӕн сты.

⁴Йе уӕнгты тыххӕй ӕнӕзӕгъгӕ нӕ фӕуыдзынӕн: хъаруйӕ ӕххӕст сты, кондӕй — рӕсугъд.

⁵Йӕ дарӕсы кӕроныл ын чи схӕцдзӕн, йӕ дывӕр згъӕр ын чи фӕхуынкъ кӕндзӕн?

⁶Йӕ ком ын чи байгом кӕндзӕн? Йӕ дӕндӕгты равӕрд тас ӕфтауы.

⁷Йе рагъыл — уартыты рӕнхъытӕ, сасмӕй ныхӕстау, ӕнгомӕвӕрд.

⁸Кӕрӕдзимӕ афтӕ хӕстӕг сты, ӕмӕ сӕ астӕуты уӕлдӕф дӕр нӕ ацӕудзӕн.

⁹Иу дзы иннӕмӕ йӕхи нылхъывта, ӕддӕг-мидӕг ауадысты.

¹⁰Йе ’хснырстӕй арв ферттивы, йӕ цӕстытӕ — сӕуӕхсиды ӕнгӕс;

¹¹йӕ комӕй арт бырсы, зынджы стъӕлфӕнтӕ дзы хауы;

¹²йӕ фындзы хуынчъытӕй фӕздӕг кӕлы, цыма къонайы сӕрмӕ арт пӕлхъ-пӕлхъ кӕны, уыйау;

¹³йӕ комулӕфтӕй сзынг вӕййы ӕвзалы, арт цӕуы йӕ комӕй.

¹⁴Йӕ хъуыры кондыл бӕрӕг у йӕ хъару, йӕ бакастӕй тас ӕфтауы.

¹⁵Йӕ фыдтӕ кӕрӕдзимӕ афтӕ ӕнгом сты, ӕмӕ нӕ фенкъуысдзысты.

¹⁶Йӕ зӕрдӕ дурӕй уӕлдай нӕу, куыройы фыдау хъӕбӕр у.

¹⁷Йӕ уындӕй тыхджынтӕ дӕр фӕтӕрсынц, сӕ сӕр сӕ кой свӕййы.

¹⁸Йӕ ныхмӕ нӕ фӕлӕудзысты нӕдӕр кард, нӕдӕр арц, нӕдӕр згъӕр.

¹⁹Уый ӕфсӕн хъӕмпыл нымайы, ӕрхуы та — ӕмбыд къодахыл.

²⁰Фаты тасӕй лидзӕг нӕ фӕуыдзӕн, дурӕхсӕны дуртӕ уымӕн зыгуымӕй уӕлдай не сты.

²¹Ӕфсӕн лӕдзӕг хъӕмпыхалыл нымайы, арцы ӕхситт ӕм худӕгау кӕсы.

²²Йӕ гуыбыны цъар — дурыны сӕстытау, похци кӕнӕгау уый фӕцӕйбыры цъыфыл.

²³Хуыдым рафыцын кӕны, агау, фыцгӕ сойы аг фестын кӕны денджыз.

²⁴Цӕхӕркалгӕ фӕд уадзы йӕ фӕстӕ, ӕгӕрон арф цыма урс фынг фестади, уыйау.

²⁵Зӕххыл уый хуызӕн нӕй, йе сконд афтӕ у, ӕмӕ ницӕмӕй тӕрсы.

²⁶Бӕрзондӕй цыдӕриддӕр ис, уыдонӕй алцӕмӕ дӕр сӕрбӕрзондӕй кӕсы: ӕппӕт сӕрыстыртӕн сӕ паддзах у уый».