Read Хуыцауы Дзырд иронау Псаломттӕ 31 Bible Online

Псаломттӕ 31 - Хуыцауы Дзырд иронау bible

Псаломттӕ 31

¹Давиды зондамонӕн псалом. Тӕхудиаг у, йӕ азым барст кӕмӕн ӕрцыд, кӕй тӕригъӕдтӕ нал ӕрымысдзысты!

²Тӕхудиаг у, Дунедарӕг йӕ тӕригъӕдтӕ кӕмӕн нӕ банымайдзӕн, йӕ зӕрдӕйы мӕнгарддзинад кӕмӕн нӕй!

³Цалынмӕ мӕ тӕригъӕд сусӕг кодтон, уӕдмӕ ме ’рвылбоны хъӕрзынӕй бастадтӕн.

⁴Уымӕн ӕмӕ Дӕ къухы уӕз ӕхсӕвӕй-бонӕй ӕнкъарын мӕхиуыл. Мӕ тых байсысти, раст цыма — сӕрды ӕнтӕфӕй.

⁵Ӕз Дын мӕ тӕригъӕдыл басастӕн ӕмӕ нӕ бамбӕхстон мӕ азым. Ӕз загътон: «Дунедарӕгӕн раргом кӕнон мӕ фыдракӕндтӕ», ӕмӕ мын Ды мӕ тӕригъӕд ныббарстай.

⁶Алы рӕстуд Дӕм бӕллӕхы заман скувӕд, ӕмӕ йӕм доны хъаймӕт нӕ бахӕццӕ уыдзӕн.

⁷Ды — ме ’мбӕхсӕн фидар, фыдбылызӕй мӕ хъахъхъӕныс. Фервӕзын мӕ кодтай, ӕмӕ дуне мӕ алыварс байдзаг ис цинӕй.

⁸«Ӕз дӕ зонды къахыл сӕвӕрдзынӕн фӕндаг дын бацамондзынӕн. Ӕз дӕ размӕ кӕндзынӕн, Мӕ цӕст дӕм дардзынӕн.

⁹Ӕнӕзонд ма ут, цӕмӕй коммӕ кӕса, уый тыххӕй йе ’фсӕртыл идон ӕмӕ идоны къӕбӕлтӕй кӕмӕн ныххӕцынц, уыцы бӕх кӕнӕ хӕргӕфсау».

¹⁰Ӕнӕхуыцау бирӕ фыдбылызтӕ ’взары, Дунедарӕгыл йӕ зӕрдӕ чи дары, уымӕн та йӕ алыварс — Йӕ хорзӕхтӕ.

¹¹Дунедарӕджы цинӕй райут ӕмӕ цин кӕнут, рӕстудтӕ! Фыр цинӕй райут, сыгъдӕгзӕрдӕтӕ!