Read Хуыцауы Дзырд иронау Псаломттӕ 40 Bible Online

Псаломттӕ 40 - Хуыцауы Дзырд иронау bible

Псаломттӕ 40

¹Зарӕггӕнджыты къорды разамонӕгӕн. Давиды псалом.

²Тӕхудиаг у мӕгуырыл аудӕг — бӕллӕхы бон ӕй Дунедарӕг фервӕзын кӕндзӕн.

³Дунедарӕг ӕй бахъахъхъӕндзӕн, мӕлӕтӕй йӕ бахиздзӕн, цардамонд ын схай кӕндзӕн, знаджы къухтӕм ӕй нӕ ратдзӕн.

⁴Куы ’руатон уа, уӕд ын Дунедарӕг хъару ратдзӕни, рынчыны уат ӕнӕниз цардӕй раивдзӕни.

⁵Кувын ӕз: «О Дунедарӕг! Батӕригъӕд мын кӕн! Сдзӕбӕх мӕ кӕн, уымӕн ӕмӕ тӕригъӕдджын дӕн Дӕ разы!»

⁶Мӕ фыдгултӕ, ме сӕфтмӕ бӕлгӕйӕ, дзурынц: «Цымӕ кӕд ныммӕлдзӕни, кӕд фесӕфдзӕни йӕ кой?»

⁷Рынчынфӕрсджытӕ мын цурон ныхӕстӕ акӕнынц, сӕ зӕрдӕты та — марг: мӕ разӕй куы ацӕуынц, уӕд ракӕнынц мӕ фыдгой.

⁸Хъус-хъус кӕнынц, сӕ марг калынц:

⁹«Низ ыл фӕтых ис, ӕмӕ нал рабаддзӕни».

¹⁰Хӕларӕй кӕимӕ цардтӕн, ӕмӕ ӕууӕндгӕ дӕр кӕуыл кодтон, мемӕ къӕбӕр чи хордта, уый дӕр мӕ ныхмӕ рацыди.

¹¹О Дунедарӕг! Батӕригъӕд мын кӕн! Мӕ къӕхтыл мӕ слӕууын кӕн, ӕмӕ дзы алкӕмӕн дӕр аккаг фӕуон!

¹²Ме знӕгты мыл куынӕ фӕуӕлахиз уой, уӕд ӕй зондзынӕн, Ды мыл кӕй аудыс, уый.

¹³Мӕн та Ды бахиздзынӕ фыдбылызӕй, мыггагмӕ Дӕ разы куыд уон, афтӕ.

¹⁴Арфӕгонд у Дунедарӕг, Израилы Хуыцау, мыггагӕй-мыггагмӕ! Аммен! Аммен!