Read Хуыцауы Дзырд иронау Нуны фырт Йешуа 12 Bible Online

Нуны фырт Йешуа 12 - Хуыцауы Дзырд иронау bible

Нуны фырт Йешуа 12

¹Израилӕгтӕ Иорданӕй скӕсӕнӕрдӕм, стӕй Арноны тӕрфӕй суанг Ермоны хохы онг ӕмӕ Иорданы дӕлвӕзы скӕсӕйнаг фарс цы бӕстӕтӕ бацахстой, уыдонӕн сӕ паддзӕхтӕ, Израилы ӕфсад кӕй басаста, уыдон, хуындысты Сигон ӕмӕ Ог.

²Амораг паддзах Сигон царди Хешбоны. Йӕ паддзахады зӕххытӕ Арноны донвӕдӕй, Арноны уӕлвӕз Ароерӕй ӕххӕссыдысты Йавочы тӕрфы — аммонӕгты арӕны — онг, ахстой Галаады хуссайраг ӕмбис,

³стӕй Иорданы скӕсӕйнаг тӕрфрӕбын Киннереты денджызӕй хуссарӕрдӕм, Мард денджызы онг, Бет-Йешимотмӕ ӕмӕ Фасгайы хохы фӕхстӕм.

⁴Башаны паддзах Ог, рефаимты баззайӕггӕгтӕй, цардис Аштароты ӕмӕ Едреийы.

⁵Йӕ къухы уыдысты Ермоны хох ӕмӕ Салха, стӕй Башан ӕнӕхъӕнӕй дӕр ныгуылӕнӕрдыгӕй Гешуры ӕмӕ Маахайы онг, ноджы ма Галаады цӕгатаг ӕмбис Хешбоны паддзах Сигоны арӕнты онг.

⁶Дунедарӕджы цагъар Моисей ӕмӕ израилӕгтӕ басастой Сигоны ӕмӕ Огы, сӕ зӕхх сын Дунедарӕджы цагъар Моисей радта Рувимы ӕмӕ Гады хӕдзарвӕндӕгтӕн ӕмӕ Менассиайы хӕдзарвӕндаджы ӕмбисӕн.

⁷Йешуа ӕмӕ израилӕгтӕ Иорданы ныгуылӕнварс цы паддзӕхты басастой, уыдонӕн сӕ зӕххытӕ ӕххӕссыдысты цӕгатӕрдыгӕй Ливаны дӕлвӕзы Баал-Гады сахарӕй хуссарӕрдӕм Сеиры бӕстӕйы фарсмӕ Халакы хохы онг. Сӕ зӕххытӕ сын Йешуа Израилы хӕдзарвӕндӕгтыл байуӕрста мыггагмӕйы исбонӕн.

⁸Ноджы ма сыл байуӕрста хеттӕгты, аморӕгты, ханаанӕгты, периззӕгты, хиввӕгты ӕмӕ йевусӕгты зӕххытӕ уӕлхохы ӕмӕ йе скӕсӕйнаг фӕхстыл, Шефелайы, Иорданы дӕлвӕзы, Иудӕйы ӕдзӕрӕг быдыры ӕмӕ Негевы. Мӕнӕ сӕ паддзӕхтӕ:

⁹Йерихоны паддзах, Вефилы фарсмӕ Гайы паддзах,

¹⁰Йерусалимы паддзах, Хевроны паддзах,

¹¹Йармуты паддзах, Лахишы паддзах,

¹²Еглоны паддзах, Гезеры паддзах,

¹³Девиры паддзах, Гедеры паддзах,

¹⁴Хормайы паддзах, Арады паддзах,

¹⁵Ливнӕйы паддзах, Адулламы паддзах,

¹⁶Македайы паддзах, Вефилы паддзах,

¹⁷Таппуахы паддзах, Хеферы паддзах,

¹⁸Афекы паддзах, Шароны паддзах,

¹⁹Мадоны паддзах, Хацоры паддзах,

²⁰Шимрон-Мероны паддзах, Ахшафы паддзах,

²¹Таанахы паддзах, Мегиддойы паддзах,

²²Кедешы паддзах, Кармелы хохрӕбын Йокнеамы паддзах,

²³Зӕххастӕуы денджызы былгӕрон Доры паддзах, галилейаг сахар Гоимы паддзах,

²⁴Тирцайы паддзах — ӕдӕппӕт иуӕндӕс ӕмӕ ссӕдз паддзахы.