Read Библи: Сыгъдӕг Райдиан 36 Bible Online

Райдиан 36 - Библи: Сыгъдӕг bible

Райдиан 36

¹Мӕнӕ Исавы (ома Едомы) байзӕддӕгтӕ.

²Исав ӕрхаста ханаанаг устытӕ: хеттаг Елоны чызг Адайы ӕмӕ Охоливамайы — хивваг Цивоны фырт Анайы чызджы,

³ноджы ма — Измаелы чызг Басематы, Невайоты хойы.

⁴Ада Исавӕн ныййардта Елифазы, Басемат — Реуелы,

⁵Охоливама — Йеушы, Йаламы ӕмӕ Корахы. Адон — Исавы фырттӕ. Райгуырдысты йын Ханааны зӕххыл.

⁶Исав сыстад ӕмӕ йе ’фсымӕр Йаковы цурӕй ӕндӕр бӕстӕм фӕцыд ӕд устытӕ, ӕд цот, ӕд хӕдзаронтӕ, ӕд фосы дзугтӕ ӕмӕ, Ханааны зӕххыл цыдӕриддӕр бынтӕ скодта, ӕппӕт уыдонимӕ.

⁷Афтӕ сбирӕ ис сӕ мулк дыууӕ ӕфсымӕрӕн, ӕмӕ сын иумӕ цӕрынӕн фадат нал уыди. Цы зӕххыл цардысты, уый нал фаг кодта сӕ бирӕ фосы дзугтӕн.

⁸Уымӕ гӕсгӕ Исав (ома Едом) ӕрцарди Сеиры хӕхбӕсты.

⁹Мӕнӕ едомӕгты фыдӕл Исавы байзӕддӕгтӕ, Сеиры хӕхбӕсты чи царди, уыдон.

¹⁰Исавӕн йӕ фырттӕ: Елифаз ӕмӕ Реуел. Елифаз райгуырд Адайӕ, Реуел — Басематӕй.

¹¹Елифазӕн уыди фырттӕ: Теман, Омар, Цефо, Гатам, Кеназ.

¹²Тимна уыд Исавы фырт Елифазы номылус. Елифазӕн ныййардта Амалекы. Уыдон — Исавӕн йӕ ус Адайӕ цы зӕнӕг рацыд, уыдоны зӕнӕг.

¹³Реуелы фырттӕ: Нахат, Зерах, Шамма, Мизза. Адон сты Исавы ус Басематы зӕнӕджы зӕнӕг.

¹⁴Исавы фырттӕ, Цивоны фырт Анайы чызг Охоливама йын кӕй ныййардта, уыдон: Йеуш, Йалам ӕмӕ Корах.

¹⁵Мӕнӕ Исавы байзӕддӕгты мыггӕгтӕ. Исавы хистӕр фырт Елифазы байзӕддӕгтӕ: Теман, Омар, Цефо, Кеназ,

¹⁶Корах, Гатам, Амалек. Адон сты Едомы зӕххыл цӕрӕг мыггӕгты хистӕртӕ, Елифазы артӕй чи рацыди, уыдон — Адайы зӕнӕджы зӕнӕг.

¹⁷Исавы фырт Реуелы байзӕддӕгтӕ: Нахат, Зерах, Шамма, Мизза. Адон сты Едомы зӕххыл цӕрӕг мыггӕгтӕ, Регуелы артӕй чи рацыди, уыдон — Исавы ус Басематы зӕнӕджы зӕнӕг.

¹⁸Исавы байзӕддӕгтӕ, Охоливамайӕ йын чи рантысти, уыдон: Йеуш, Йалам, Корах — Исавӕн йӕ ус Охоливамайӕ, Анайы чызгӕй, чи рацыди, уыцы мыггӕгты хистӕртӕ.

¹⁹Адон сты Исавы (ома Едомы) байзӕддӕгтӕ, стӕй сӕ мыггӕгтӕ.

²⁰Хораг Сеиры фырттӕ, уыцы зӕххыл раздӕр чи царди, уыдон: Лотан, Шовал, Цивон, Ана,

²¹Дишон, Ецер, Дишан. Уыдонӕй рацыдысты, Едомы зӕххыл раздӕр чи царди, уыцы хорӕгты мыггӕгтӕ — Сеиры байзӕддӕгтӕ.

²²Лотаны фырттӕ: Хори ӕмӕ Хемам; Лотаны хо: Тимна.

²³Шовалы фырттӕ: Алван, Манахат, Эвал, Шефо, Онам.

²⁴Цивоны фырттӕ: Айа ӕмӕ Ана. Ӕдзӕрӕг быдыры, йӕ фыд Цивоны хӕрджытӕ хизгӕйӕ, тӕвд суадӕттӕ ацы Ана ссардта.

²⁵Анайы цот: Дишон ӕмӕ Охоливама, Анайы чызг.

²⁶Дишоны фырттӕ: Хемдан, Ешбан, Итран, Керан.

²⁷Ецеры фырттӕ: Билхан, Зааван, Акан.

²⁸Дишаны фырттӕ: Уц ӕмӕ Аран.

²⁹Хорӕгты мыггӕгты хистӕртӕ: Лотан, Шовал, Цивон, Ана,

³⁰Дишон, Ецер, Дишан. Уыдонӕй равзӕрдысты хорӕгты мыггӕгтӕ Сеиры зӕххыл.

³¹Мӕнӕ, Израилӕн паддзах куы нӕма уыди, уыцы заман Едомы бӕстӕйы паддзӕхтӕ.

³²Едомы паддзахиуӕг кодта Беоры фырт Бела, йӕ сахары ном — Динхава.

³³Белайы амӕлӕты фӕстӕ паддзах сси Зерахы фырт Йовав, боцрайаг.

³⁴Йовавы амӕлӕты фӕстӕ паддзах сси теманаг Хушам.

³⁵Хушамы амӕлӕты фӕстӕ паддзах сси Бедады фырт Хадад, Моавы быдыры мидианӕгты уый басаста. Йӕ сахары ном — Авит.

³⁶Хадады амӕлӕты фӕстӕ паддзах сси Самла, масрекайаг.

³⁷Самлайы амӕлӕты фӕстӕ паддзах сси Саул, Евфраты былгӕрон сахар Реховотӕй.

³⁸Саулы амӕлӕты фӕстӕ паддзах сси Ахборы фырт Баал-Ханан.

³⁹Ахборы фырт Баал-Хананы амӕлӕты фӕстӕ паддзах сси Хадар, йӕ сахары ном — Пагу. Йӕ ус уыди Матреды чызг Мехетавел. Матред йӕхӕдӕг та уыди Ме-Захавы чызг.

⁴⁰Мӕнӕ, Исавы артӕй цы мыггӕгтӕ рацыди, уыдон, алчидӕр сӕ — ӕд бинонтӕ, ӕд цӕрӕнбынӕттӕ: Тимнайы мыггаг, Алвайы мыггаг, Йететы мыггаг,

⁴¹Охоливамайы мыггаг, Елайы мыггаг, Пиноны мыггаг,

⁴²Кеназы мыггаг, Теманы мыггаг, Мивцары мыггаг,

⁴³Магдиелы мыггаг, Ирамы мыггаг. Уыдон сты Едомы мыггӕгтӕ — алкӕмӕндӕр сӕ уыди йӕхи цӕрӕнбынат сӕ исбоны зӕххыл. Едомӕгтӕн сӕ фыдӕл — Исав.