Read Библи: Сыгъдӕг 1 Азфыстытӕ 6 Bible Online

1 Азфыстытӕ 6 - Библи: Сыгъдӕг bible

1 Азфыстытӕ 6

¹Левийы фырттӕ: Гершон, Кехат ӕмӕ Мерари.

²Кехаты фырттӕ: Амрам, Ицхар, Хеврон, Уззиел.

³Амрамы цот: Аарон, Моисей ӕмӕ Мариам. Аароны фырттӕ: Надав, Авигу, Елеазар ӕмӕ Итамар.

⁴Елеазарӕй райгуырд Пинхас; Пинхасӕй райгуырд Авишуагъ;

⁵Авишуагъӕй райгуырди Букки; Буккийӕ райгуырд Уззи;

⁶Уззийӕ райгуырди Зерахи; Зерахийӕ райгуырди Мерайот;

⁷Мерайотӕй райгуырд Амариа; Амариайӕ райгуырд Ахитув;

⁸Ахитувӕй райгуырд Цадок; Цадокӕй райгуырд Ахимаац;

⁹Ахимаацӕй райгуырд Азариа; Азариайӕ райгуырд Иоханан;

¹⁰Иохананӕй райгуырд Азариа — Соломон Йерусалимы кӕй сарӕзта, уыцы Кувӕндоны сауджын;

¹¹Азариайӕ райгуырд Амариа; Амариайӕ райгуырд Ахитув;

¹²Ахитувӕй райгуырди Цадок; Цадокӕй райгуырди Шаллум;

¹³Шаллумӕй райгуырди Хилкиа; Хилкиайӕ райгуырд Азариа;

¹⁴Азариайӕ райгуырди Серай; Серайӕ райгуырд Иоцадак.

¹⁵Иоцадак ацыди уацары, Дунедарӕг Навуходоносоры къухӕй иудейӕгтӕ ӕмӕ йерусалимӕгты уырдӕм куы атардта, уӕд.

¹⁶Левийы фырттӕ: Гершон, Кехат ӕмӕ Мерари.

¹⁷Мӕнӕ Гершоны фыртты нӕмттӕ: Ливни ӕмӕ Шими.

¹⁸Кехаты фырттӕ: Амрам, Ицхар, Хеврон, Уззиел.

¹⁹Мерарийы фырттӕ: Махли ӕмӕ Муши. Мӕнӕ левитты мыггӕгтӕ сӕ фыдӕлтӕм гӕсгӕ.

²⁰Гершон: йӕ фырт Ливни, уый фырт Йахат, уый фырт Зимма,

²¹уый фырт Йоах, уый фырт Иддо, уый фырт Зерах, уый фырт Йотрай.

²²Кехаты байзӕддӕгтӕ: йӕ фырт Аминадав, уый фырт Корах, уый фырт Ассир,

²³уый фырт Елкана, уый фырт Евиасаф, уый фырт Ассир,

²⁴уый фырт Тахат, уый фырт Уриел, уый фырт Узийа, уый фырт Саул.

²⁵Елканайы фырттӕ: Амасай ӕмӕ Ахимот;

²⁶Ахимоты фырт — Елкана, уый фырт Цофай, уый фырт Нахат, уый фырт

²⁷Елиав, уый фырт Йерохам, уый фырт Елкана, уый фырт Самуел.

²⁸Самуелы фырттӕ: йӕ хистӕр зӕнӕг — Иоел, кӕстӕр — Авийа.

²⁹Мерарийы байзӕддӕгтӕ: йӕ фырт Махли, уый фырт Ливни, уый фырт Шими, уый фырт Узза,

³⁰уый фырт Шима, уый фырт Хагги, уый фырт Асайа.

³¹Дунедарӕджы хӕдзары Фидыды Чырын куы ӕрӕнцад, уый фӕстӕ дзы Давид сӕвӕрдта зарӕггӕнджыты.

³²Уыдонӕн зарыны лӕггад кодтой Фембӕлды Цатыры цур, цалынмӕ Соломон Йерусалимы Дунедарӕджы хӕдзар нӕ сарӕзта, уӕдмӕ. Се ’гъдаумӕ гӕсгӕ-иу ӕрлӕууыдысты сӕ куысты уӕлхъус.

³³Мӕнӕ, сӕ фырттимӕ лӕггад чи кодта, уыдон: Кехаты мыггагӕй: Хеман, зарӕггӕнӕг; йӕ фыдӕлтӕ кӕстӕрӕй хистӕрмӕ: Иоел, Самуел,

³⁴Елкана, Йерохам, Елиел, Тоах,

³⁵Цуф, Елкана, Махат, Амасай,

³⁶Елкана, Иоел, Азариа, Софониа,

³⁷Тахат, Ассир, Евиасаф, Корах,

³⁸Ицхар, Кехат, Левий, Израил.

³⁹Хеманӕн йӕ рахизфарс лӕууыд йе ’рвад Асаф; йӕ фыдӕлтӕ кӕстӕрӕй хистӕрмӕ: Варахи, Шима,

⁴⁰Михаел, Баасейа, Малкиа,

⁴¹Етни, Зерах, Адайа,

⁴²Етан, Зимма, Шими,

⁴³Йахат, Гершом, Левий.

⁴⁴Хеманӕн йӕ галиуфарс лӕууыдысты Мерарийы байзӕддӕгтӕ, Хеман ӕмӕ Асафы ӕрвадӕлтӕ, сӕ сӕргъы Етан, афтӕмӕй; йӕ фыдӕлтӕ кӕстӕрӕй хистӕрмӕ: Киши, Авди, Маллух,

⁴⁵Хашавиа, Амациа, Хилкиа,

⁴⁶Амци, Бани, Шемер,

⁴⁷Махли, Муши, Мерари, Левий.

⁴⁸Иннӕ левиттӕн, се ’рвадӕлтӕн, лӕвӕрд ӕрцыд алы куыст Дунедарӕджы цӕрӕны, Хуыцауы хӕдзары.

⁴⁹Аарон ӕмӕ йӕ байзӕддӕгтӕ та хастой нывӕндтӕ иууылсудзинӕгты нывондхӕссӕныл ӕмӕ будсудзӕн нывондхӕссӕныл. Кодтой уазлӕггады куыст, ӕххӕст кодтой Израилы адӕмӕн сӕ тӕригъӕдтӕ ныббарыны ӕгъдӕуттӕ — Хуыцауы цагъар Моисей куыд бафӕдзӕхста, афтӕ.

⁵⁰Мӕнӕ Аароны байзӕддӕгтӕ: йӕ фырт — Елеазар, уый фырт Пинхас, уый фырт Авишуагъ,

⁵¹уый фырт Букки, уый фырт Уззи, уый фырт Зерахи,

⁵²уый фырт Мерайот, уый фырт Амариа, уый фырт Ахитув,

⁵³уый фырт Цадок, уый фырт Ахимаац.

⁵⁴Мӕнӕ левитты цӕрӕнуӕттӕ, сӕ зӕххытӕ. Кехаты мыггаджы иу хайӕн, Аароны байзӕддӕгтӕн, сӕ хал фыццаг кӕй схаудта, уымӕ гӕсгӕ сын

⁵⁵Иудӕйы зӕххыл бахай кодтой Хеврон ӕмӕ йӕ алыварс хизӕнуӕттӕ.

⁵⁶Сахарӕн йӕ хуымтӕ ӕмӕ йӕ алыварс хъӕутӕ та радтой Иефоннейы фырт Калевӕн.

⁵⁷Аароны байзӕддӕгтӕн радтой ӕмбӕхсӕн сахартӕ: Хеврон, Ливнӕ йӕ хизӕнуӕттимӕ, Йатир, Ештемоа йӕ хизӕнуӕттимӕ,

⁵⁸Хилез ӕмӕ Девир сӕ хизӕнуӕттимӕ,

⁵⁹Ашан ӕмӕ Бет-Шемеш сӕ хизӕнуӕттимӕ;

⁶⁰Бениамины хӕдзарвӕндаджы зӕххыл та — Гевӕ, Алемет ӕмӕ Анатот сӕ хизӕнуӕттимӕ, ӕдӕппӕт ӕртындӕс сахары. Аароны байзӕддӕгтыл уӕрст ӕрцыдысты мыггаггай.

⁶¹Кехаты байзӕддӕгтӕй ма чи баззад, уыцы мыггӕгтӕм Ефрем ӕмӕ Даны хӕдзарвӕндӕгты зӕххы хӕйттыл, стӕй Менассиайы хӕдзарвӕндаджы ӕмбис кӕм цардысты, уыцы зӕххыл, хӕлттӕ сӕппаргӕйӕ, ӕрхауди дӕс сахары.

⁶²Гершоны байзӕддӕгтӕн, мыггӕгтӕм гӕсгӕ, Иссахар, Асир ӕмӕ Неффалимы хӕдзарвӕндӕгты зӕххытыл, стӕй Менассиайы хӕдзарвӕндагӕй Башаны чи царди, уыдоны зӕххыл радтой ӕртындӕс сахары.

⁶³Мерарийы байзӕддӕгтӕм, мыггӕгтӕм гӕсгӕ, Рувим, Гад ӕмӕ Зевулоны хӕдзарвӕндӕгты зӕххытыл, хӕлттӕ сӕппаргӕйӕ, ӕрхауди дыууадӕс сахары.

⁶⁴Афтӕмӕй израилӕгтӕ левиттӕн радтой ацы сахартӕ сӕ алыварс хизӕнтимӕ.

⁶⁵Хӕлттӕ сӕппаргӕйӕ, Аароны байзӕддӕгтӕн Иудӕ, Симеон ӕмӕ Бениамины хӕдзарвӕндӕгты зӕххытыл радтой уӕлдӕр ранымад сахартӕ.

⁶⁶Кехаты байзӕддӕгтӕй ма кӕцыдӕр мыггӕгтӕм, хӕлттӕ сӕппаргӕйӕ, Ефремы хӕдзарвӕндаджы зӕххыл

⁶⁷ӕрхауди мӕнӕ ацы ӕмбӕхсӕн сахартӕ дӕр: Шехем йӕ хизӕнуӕттимӕ Ефремы хӕхбӕсты, стӕй Гезер йӕ хизӕнуӕттимӕ;

⁶⁸Йокмеам, Бет-Хорон,

⁶⁹Айалон ӕмӕ Гат-Риммон сӕ хизӕнуӕттимӕ;

⁷⁰Менассиайы хӕдзарвӕндаджы ӕмбисы зӕххыл та — Анер йӕ хизӕнуӕттимӕ ӕмӕ Билам йӕ хизӕнуӕттимӕ. Адон радтой, Кехаты байзӕддӕгтӕй ма чи баззад, уыцы мыггӕгтӕн.

⁷¹Гершоны байзӕддӕгтӕн, мыггӕгтӕм гӕсгӕ, Менассиайы хӕдзарвӕндаджы ӕмбис кӕм царди, уыцы зӕххыл, Башаны, радтой Голан йӕ хизӕнуӕттимӕ, стӕй Аштарот йӕ хизӕнуӕттимӕ;

⁷²Иссахары хӕдзарвӕндаджы зӕххыл — Кедеш йӕ хизӕнуӕттимӕ, Даверат йӕ хизӕнуӕттимӕ,

⁷³Рамот йӕ хизӕнуӕттимӕ, Анем йӕ хизӕнуӕттимӕ;

⁷⁴Асиры хӕдзарвӕндаджы зӕххыл — Машал йӕ хизӕнуӕттимӕ, Авдон йӕ хизӕнуӕттимӕ,

⁷⁵Хукок йӕ хизӕнуӕттимӕ, Рехов йӕ хизӕнуӕттимӕ;

⁷⁶Неффалимы хӕдзарвӕндаджы зӕххыл — Кедеш Галилейы, йӕ хизӕнуӕттимӕ, Хаммон йӕ хизӕнуӕттимӕ, Кирйатаим йӕ хизӕнуӕттимӕ.

⁷⁷Мерарийы байзӕддӕгтӕй ма чи баззад, уыдонӕн Зевулоны хӕдзарвӕндаджы зӕххыл радтой: Риммон йӕ хизӕнуӕттимӕ, Фавор йӕ хизӕнуӕттимӕ;

⁷⁸Рувимы хӕдзарвӕндаджы зӕххыл — Иорданы скӕсӕйнаг фарс, Йерихоны ныхмӕ: Бецер ӕдзӕрӕг быдыры, йӕ хизӕнуӕттимӕ, Йахац йӕ хизӕнуӕттимӕ,

⁷⁹Кедемот йӕ хизӕнуӕттимӕ, Мефаат йӕ хизӕнуӕттимӕ;

⁸⁰Гады хӕдзарвӕндаджы зӕххыл — Рамот Галаады, йӕ хизӕнуӕттимӕ, Маханаим йӕ хизӕнуӕттимӕ,

⁸¹Хешбон йӕ хизӕнуӕттимӕ, Йазер йӕ хизӕнуӕттимӕ.