Read Библи: Сыгъдӕг Неемиа 7 Bible Online

Неемиа 7 - Библи: Сыгъдӕг bible

Неемиа 7

¹Къул куы срӕвдз ӕмӕ кулдуары хӕйттӕ сӕ бынӕттӕ куы ссардтой, уӕд дуаргӕстӕ, зарӕггӕнджытӕ ӕмӕ левиттӕ нысангонд ӕрцыдысты.

²Ме ’фсымӕр Ханани ӕмӕ фидары хицау Хананиайы (Хуыцауы тас кӕмӕ уыд, ахӕм ӕууӕнкджын лӕджы) Йерусалимы сӕргъы сӕвӕрдтон.

³Загътон сын: цалынмӕ хур дзӕбӕх ӕндавы, уӕдмӕ Йерусалимы кулдуӕрттӕ ма гом кӕнут. Адӕм цалынмӕ бадгӕ кӕнынц, уӕдмӕ дуӕрттӕ ӕхгӕнут ӕмӕ гуыдыртӕ ӕвӕрут. Хъахъхъӕнджытӕй сӕвӕрдтон Йерусалимы цӕрджыты, алкӕй дӕр — йӕ хӕдзары акомкоммӕ.

⁴Фӕлӕ сахар парахат ӕмӕ егъау уыд, адӕм та дзы — хӕрз чысыл, хӕдзӕрттӕ дӕр арӕзт нӕ уыдысты.

⁵Уӕд Хуыцауы фӕндӕй мӕ зӕрдыл ӕрӕфтыд номдзыддӕртӕ, хицӕуттӕ ӕмӕ иннӕ адӕмы ӕрӕмбырд кӕнын ӕмӕ сын ӕрфыст саразын. Ссардтон, уацарӕй раздӕр чи ӕрбаздӕхт, уыдоны хӕдзарвӕндаггай номхыгъд. Фыст дзы уыди:

⁶«Вавилоны паддзах Навуходоносор уацары кӕй акодта, уыцы израилӕгтӕй фӕстӕмӕ Йерусалиммӕ ӕмӕ Иудеймӕ, алчидӕр йӕхи сахармӕ,

⁷Зоровавелимӕ, Йешуаимӕ, Неемиаимӕ, Азариаимӕ, Раамиаимӕ, Нахаманиаимӕ, Мардохеимӕ, Билшанимӕ, Миспаримӕ, Бигваимӕ, Нехумимӕ, Ваанаимӕ ӕрбаздӕхти. Мӕнӕ Израилы адӕмы номхыгъд:

⁸Парошы мыггагӕй — дыууӕ мин сӕдӕ ӕвдай дыууӕ;

⁹Шефатийы мыггагӕй — ӕртӕсӕдӕ ӕвдай дыууӕ;

¹⁰Арахы мыггагӕй — ӕхсӕзсӕдӕ фӕндзай дыууӕ;

¹¹Пахат-Моавы мыггагӕй (Йешуа ӕмӕ Йоавы байзӕддӕгтӕ) — дыууӕ мин астсӕдӕ ӕстдӕс;

¹²Еламы мыггагӕй — иу мин дыууӕсӕдӕ фӕндзай цыппар;

¹³Заттуйы мыггагӕй — астсӕдӕ цыппор фондз;

¹⁴Заккайы мыггагӕй — авдсӕдӕ ӕхсай;

¹⁵Биннуйы мыггагӕй — ӕхсӕзсӕдӕ цыппор аст;

¹⁶Бевайы мыггагӕй — ӕхсӕзсӕдӕ дыууын аст;

¹⁷Азгады мыггагӕй — дыууӕ мин ӕртӕсӕдӕ дыууын дыууӕ;

¹⁸Адоникамы мыггагӕй — ӕхсӕзсӕдӕ ӕхсай авд;

¹⁹Бигвайы мыггагӕй — дыууӕ мин ӕхсай авд;

²⁰Адины мыггагӕй — ӕхсӕзсӕдӕ фӕндзай фондз;

²¹Атеры мыггагӕй (Езекиайы хӕдзарӕй) — нӕуӕдз аст;

²²Хашумы мыггагӕй — ӕртӕсӕдӕ дыууын аст;

²³Бецайы мыггагӕй — ӕртӕсӕдӕ дыууын цыппар;

²⁴Харифы мыггагӕй — сӕдӕ дыууадӕс;

²⁵Гивоны мыггагӕй — нӕуӕдз фондз;

²⁶Вифлеем ӕмӕ Нетофы цӕрджытӕй — сӕдӕ ӕстай аст;

²⁷Анатоты цӕрджытӕй — сӕдӕ дыууын аст;

²⁸Бет-Азмаветы цӕрджытӕй — цыппор дыууӕ;

²⁹Кирйат-Иарим, Кефира ӕмӕ Беероты цӕрджытӕй — авдсӕдӕ цыппор ӕртӕ;

³⁰Рама ӕмӕ Гевӕйы цӕрджытӕй — ӕхсӕзсӕдӕ дыууын иу;

³¹Михмасы цӕрджытӕй — сӕдӕ дыууын дыууӕ;

³²Вефил ӕмӕ Гайы цӕрджытӕй — сӕдӕ дыууын ӕртӕ;

³³иннӕ Невойы цӕрджытӕй — фӕндзай дыууӕ;

³⁴иннӕ Еламы мыггагӕй — иу мин дыууӕсӕдӕ фӕндзай цыппар;

³⁵Харимы мыггагӕй — ӕртӕсӕдӕ дыууын;

³⁶Йерихоны мыггагӕй — ӕртӕсӕдӕ цыппор фондз;

³⁷Лод, Хадид ӕмӕ Онойы мыггӕгтӕй — авдсӕдӕ дыууын иу;

³⁸Сенаайы мыггагӕй — ӕртӕ мин фарастсӕдӕ ӕртын.

³⁹Сауджынтӕ: Иедайайы мыггагӕй (Йешуайы байзӕддӕгтӕй) — фарастсӕдӕ ӕвдай ӕртӕ;

⁴⁰Иммеры мыггагӕй — иу мин фӕндзай дыууӕ;

⁴¹Пашхуры мыггагӕй — иу мин цыппор авд;

⁴²Харимы мыггагӕй — иу мин ӕвддӕс.

⁴³Левиттӕ: Йешуа ӕмӕ Кадмиелы байзӕддӕгтӕй (Ходевайы хӕдзарӕй) — ӕвдай цыппар.

⁴⁴Зарӕггӕнджытӕ: Асафы байзӕддӕгтӕй — сӕдӕ цыппор аст.

⁴⁵Аргъуанхъахъхъӕнджытӕ: Шаллумы, Атеры, Талмоны, Аккувы, Хатитайы, Шовайы байзӕддӕгтӕй — сӕдӕ ӕртын аст.

⁴⁶Кувӕндоны кусджытӕ: Цихайы, Хасуфайы, Таббаоты фырттӕ;

⁴⁷Керосы, Сиайы, Падоны фырттӕ;

⁴⁸Леванайы, Хагавайы, Шалмайы фырттӕ;

⁴⁹Хананы, Гидделы, Гахары фырттӕ;

⁵⁰Реаиайы, Рецины, Некодайы фырттӕ;

⁵¹Газамы, Уззайы, Пасеахы фырттӕ;

⁵²Бесайы, Меунимы, Нефушсимы фырттӕ;

⁵³Бакбукы, Хакуфайы, Хархуры фырттӕ;

⁵⁴Бацлиты, Мехидайы, Харшайы фырттӕ;

⁵⁵Баркосы, Сисерайы, Темахы фырттӕ;

⁵⁶Нециахы, Хатифайы фырттӕ.

⁵⁷Соломоны лӕггадгӕнджыты байзӕддӕгтӕй: Сотайы, Софереты, Феридайы фырттӕ;

⁵⁸Иалайы, Дарконы, Гидделы фырттӕ;

⁵⁹Шефатийы, Хаттилы фырттӕ, Покерет-Цеваимы, Амоны фырттӕ.

⁶⁰Кувӕндоны кусджытӕ ӕмӕ Соломоны цагъарты байзӕддӕгтӕ ӕдӕппӕтӕй — ӕртӕсӕдӕ нӕуӕдз дыууӕ.

⁶¹Мӕнӕ, Тел-Мелах, Тел-Харша, Керув, Аддон ӕмӕ Иммерӕй чи ӕрбацыд, фӕлӕ израилаг сты ӕви нӕ, уый тыххӕй сӕ бон ӕвдисӕнтӕ ’рхӕссын кӕмӕн нӕ баци, уыдон:

⁶²Делаи, Товиа ӕмӕ Некодайы байзӕддӕгтӕ — ӕхсӕзсӕдӕ цыппор дыууӕ.

⁶³Сауджынтӕй: Ховайайы, Хакоцы ӕмӕ, йӕ галаадаг каисты ном хӕссын чи райдыдта, уыцы Барзиллайы байзӕддӕгтӕ.

⁶⁴Сӕ фыдӕлты тыххӕй исты фыст кӕм ис, ахӕм ӕрмӕг фӕцагуырдтой, фӕлӕ ницы ссардтой, ӕмӕ сӕ уымӕ гӕсгӕ сауджынтыл нал банымадтой.

⁶⁵Иудейы хицау сын загъта, цалынмӕ, дам, урим ӕмӕ туммимимӕ кувӕг сауджын фӕзына, уӕдмӕ сыгъдӕг нывондагӕй ма хӕрут, зӕгъгӕ.

⁶⁶Чи ӕрбаздӕхти, уыцы дзыллӕ ӕдӕппӕтӕй иумӕ уыдысты цыппор дыууӕ мин ӕртӕсӕдӕ ӕхсай адӕймаджы.

⁶⁷Уыдонимӕ нымад не ’рцыдысты сӕ лӕггадгӕнӕг нӕлгоймӕгтӕ ӕмӕ сылгоймӕгтӕ — авд мин ӕртӕсӕдӕ ӕртын авд, стӕй зарӕггӕнджытӕ — нӕлгоймӕгтӕ ӕмӕ сылгоймӕгтӕ — дыууӕсӕдӕ цыппор фондз.

⁶⁸Бӕхтӕ сӕм уыдис авдсӕдӕ ӕртын ӕхсӕз, хайуантӕ — дыууӕсӕдӕ цыппор ӕртӕ,

⁶⁹теуатӕ — цыппарсӕдӕ ӕртын фондз, хӕрджытӕ — ӕхсӕз мин авдсӕдӕ дыууын.

⁷⁰Хӕдзарвӕндӕгты хистӕртӕй иуӕй-иутӕ, цӕмӕй куыст размӕ цӕуа, уымӕн стыр ахъаз бакодтой. Тиршата хӕзнадонмӕ радта: сыгъзӕрин — мин драхмӕйы; кӕхцытӕ — фӕндзай; сауджыны фӕлыст — фӕндзай ӕртын фӕлтӕры.

⁷¹Хӕдзарвӕндӕгты хистӕртӕй чидӕртӕ хӕзнадонмӕ радтой: сыгъзӕрин — ссӕдз мин драхмӕйы; ӕвзист — дыууӕ мин дыууӕсӕдӕ минӕйы.

⁷²Иннӕ адӕмӕй чидӕртӕ радтой: сыгъзӕрин — ссӕдз мин драхмӕйы; ӕвзист — дыууӕ мин минӕйы; сауджыны фӕлыст — ӕхсай авд фӕлтӕры.

⁷³Сауджынтӕ ӕмӕ левиттӕ, дуаргӕстӕ ӕмӕ зарӕггӕнджытӕ, адӕм ӕмӕ Кувӕндоны кусджытӕ, израилӕгтӕ иууылдӕр ӕрбынӕттон сты сӕ сахарты».