Read Библи: Сыгъдӕг Псаломтӕ 59 Bible Online

Псаломтӕ 59 - Библи: Сыгъдӕг bible

Псаломтӕ 59

¹Зарӕггӕнджыты къорды разамонӕгӕн. «Шушан едут»-ы зӕлтӕм гӕсгӕ. Давиды зарӕг — ахуыр кӕнынӕн. Фыст ӕрцыдис,

²Арам-Нахараим ӕмӕ Арам-Цовайы бӕстӕтӕ куы басаста, Йоав та, фӕстӕмӕ здӕхгӕйӕ, Цӕхджын дӕлвӕзы едомӕгтӕй дыууадӕс мины куы ныццагъта, уӕд.

³О Хуыцау! Хъоды ныл бакодтай, ныццагътай нӕ, смӕсты нӕм дӕ, фӕлӕ та нӕ Дӕ хорзӕхы аккаг скӕн.

⁴Ды ризӕг бахӕцын кодтай зӕххыл, ныскъуыдтӕ йӕ кодтай; сдзӕбӕх ын кӕн йӕ хъӕдгӕмттӕ — фезмӕлыдис йӕ бынатӕй.

⁵Дӕ адӕмӕн бавзарын кодтай фыдбылызтӕ, сӕрзилӕн сӕн нын бадардтай.

⁶Сис Дӕ тырыса, Чи Дӕ тӕрсы, уыдоны сӕрмӕ, цӕмӕй йӕ иумӕ фатты ныхмӕ айтындзой,

⁷цӕмӕй Дӕ уарзон адӕм фервӕзой. Дӕ рахиз къухӕй нӕ фервӕзын кӕн, нӕ куывд нын фехъус.

⁸Дунедарӕг Йӕ Кувӕндоны загъта: «Ӕз фӕуӕлахиз уыдзынӕн, байуардзынӕн Шехемы зӕхх, Суккоты дӕлвӕз ныддихтӕ кӕндзынӕн.

⁹Мӕн у Галаад, Менассиа дӕр — Мӕн; Ефрем у Ме згъӕрхуд, Иудӕ — Мӕ паддзахлӕдзӕг,

¹⁰Моав — Мӕ хихсӕн тас. Мӕ дзабыр аппардзынӕн Едомыл, филистимӕгты зӕххыл айзӕлдзӕни Мӕ цины хъӕр!»

¹¹Бырухгӕд сахармӕ мӕ чи бакӕндзӕн? Чи мӕ акӕндзӕн Едомы онг?

¹²Уый Ды нӕ уыдзынӕ, нӕ Хуыцау? Де ’ргом нӕ куы аздӕхтай, не ’фсадимӕ хӕстмӕ куынӕуал цӕуыс!

¹³Тыхст заманы нын баххуыс кӕн, — адӕймагыл зӕрдӕ дарӕн нӕй.

¹⁴Хуыцауимӕ уӕлахиз кӕндзыстӕм, Уый нын басӕтдзӕнис не знӕгты.