Read Библи: Сыгъдӕг Псаломтӕ 94 Bible Online

Псаломтӕ 94 - Библи: Сыгъдӕг bible

Псаломтӕ 94

¹Ӕрбацӕут ӕмӕ цины зарӕгӕй Дунедарӕджы сыстауӕм, кад кӕнӕм Хуыцауӕн, нӕ ирвӕзӕн Къӕдзӕхӕн.

²Йӕ разы ӕрлӕууӕм райгондӕй, кады зарджытӕй Йӕ стауӕм,

³уымӕн ӕмӕ Стыр Хуыцау у Дунедарӕг — ӕппӕт хуыцӕутты Стыр Паддзах.

⁴Зӕххӕн йӕ бындуртыл Уый хӕцы, хӕхты бӕрзӕндтӕ Йӕ къухы сты.

⁵Уый у денджыз дӕр, Уый йӕ сфӕлдыста, ӕмӕ сур дӕр сарӕзтой Йӕ къухтӕ.

⁶Ӕрбацӕут-ма ӕмӕ бакувӕм, ӕрзоныг уӕм Дунедарӕджы, не Сфӕлдисӕджы раз.

⁷Уый нӕ Хуыцау у, мах та — Йӕ адӕм, Йӕ фысты дзуг. Абон Ын Йӕ хъӕлӕс куы фехъусат, уӕд,

⁸фӕлварӕн бон Меривайы, ӕдзӕрӕг быдыры, Массӕйы, куыд уыдыстут, уӕдау уӕ зӕрдӕтӕ ма ныддур кӕнут.

⁹Уӕ фыдӕлтӕ Мӕ уым фӕлвӕрдтой ӕмӕ, цы сарӕзтон, уый федтой.

¹⁰Дыууиссӕдз азы Ӕз мӕсты уыдтӕн сӕ фӕлтӕрмӕ. Уӕд загътон: «Ацы адӕмӕн сӕ зӕрдӕтӕ адзӕгъӕл сты, Мӕ фӕндӕгтӕ Мын нӕ зонынц».

¹¹Ӕз смӕсты дӕн ӕмӕ расомы кодтон: «Ме ’нцойадмӕ никуы бацӕудзысты уыдон».