Read Библи: Сыгъдӕг Ӕмбисӕндтӕ 1 Bible Online

Ӕмбисӕндтӕ 1 - Библи: Сыгъдӕг bible

Ӕмбисӕндтӕ 1

¹Соломоны, Израилы паддзах Давиды фырты, ӕмбисӕндтӕ:

²уӕлзонд ӕмӕ зондамындмӕ сӕххӕссын кӕй фӕнды, уыдонӕн; куырыхонты ныхӕсты мидис бамбарынӕн;

³зонд, рӕстад, рӕстдзинад ӕмӕ ӕууӕнчы уагӕвӕрдтӕ ӕххӕст кӕнынӕн;

⁴ӕнӕхинты арфуынӕг скӕндзысты, зонынад сын ратдзысты, зондӕй сӕ схайджын кӕндзысты.

⁵Куырыхонтӕ дӕр, куы байхъусой, уӕд сӕ зондыл бафтаудзысты, ӕмбаргӕтӕ дӕр сӕхицӕн уынаффӕтӕ ссардзысты,

⁶ӕмбисӕндтӕ, куырыхонты зыниртасӕн ныхӕстӕ, уыци-уыцитӕ бамбардзысты.

⁷Уӕлзонды райдиан — Хуыцауы тас; зондамындыл ӕлгъ чи кӕны, уый ӕдылы у.

⁸Мӕ лӕппу, дӕ фыды зондамындмӕ байхъус, ма ферох кӕн дӕ мады фӕдзӕхст;

⁹уый дӕ сӕрӕн — диссаджы кады худ, дӕ хъуырӕн — фӕрдгуытӕ.

¹⁰Мӕ лӕппу! Тӕригъӕдджынтӕ дӕ сӕ фӕдыл куы сайой, уӕд-иу сын ды ма баком.

¹¹Цыбӕл дӕ кӕндзысты: «Цом немӕ, ӕмӕ ӕнаххосты бахъахъхъӕнӕм, сӕ размӕ бабадӕм, сӕ туг сын ныккалӕм;

¹²удӕгасӕй сӕ аныхъуырӕм мӕрдтыбӕстау, ӕд хъуын, ӕд хъис сӕ фӕдӕле кӕнӕм, ингӕнмӕ чи ныххауы, уыдонау;

¹³алыхуызон зынаргъ дзауматӕ байсдзыстӕм, нӕ хӕдзӕрттӕ ӕфтиагӕй байдзаг кӕндзыстӕм.

¹⁴Немӕ хӕлттӕ сӕппардзынӕ, не ’мхуызон хай айсдзынӕ».

¹⁵Мӕ лӕппу, ма-иу ацу семӕ, дӕхи хиз сӕ фӕндагӕй,

¹⁶уымӕн ӕмӕ уыдон фыдбылыз саразынмӕ, искӕй туг ныккалынмӕ тагъд кӕнынц.

¹⁷Мӕргътӕн сӕ цӕстыты раз ахсӕн хыз сӕвӕрынӕй куыд ницы пайда ис, афтӕ уыдон дӕр, искӕй размӕ бабадгӕйӕ, сӕхи туг ныккалынц, сӕхи фӕхъахъхъӕнынц.

¹⁹Ахӕм сты, искӕй мулкмӕ чи бӕллы, уыдоны фӕндӕгтӕ: сӕхӕдӕг сӕхи бабын кӕнынц.

²⁰Сахары уынгты Уӕлзонды хъӕлӕс хъуысы, фӕзты хъӕр кӕны,

²¹адӕм арӕхдӕр кӕм ӕмбырд кӕнынц, уым лӕгъстӕйӕ куры, сахары кулдуары раз райхъуысы йӕ ныхас:

²²«Ницыфенджытӕ! Кӕдмӕ цӕрдзыстут ницы зонгӕйӕ? Ӕдзӕсгӕмттӕ! Уӕ къӕйных митӕй уӕ мондӕгтӕ кӕдмӕ исдзыстут? Ӕдылытӕ! Зонынад уын ӕнӕуынон кӕдмӕ уыдзӕн?

²³Мӕ уайдзӕфтӕм мын уе ’ргом куы раздахиккат, уӕд уӕ ӕз схайджын кӕнин мӕ монӕй, мӕ ныхас уын фехъусын кӕнин.

²⁴Куы уӕм сидтӕн, уӕд мыл уӕхи атигъ кодтат, мӕ къух уӕм фӕивӕзтон, фӕлӕ мӕм хъусӕг нӕ уыди.

²⁵Мӕ уынаффӕтӕ мын ницӕмӕ ’рдардтат, мӕ уайдзӕфтӕ мын ничи айста йӕ зӕрдӕмӕ.

²⁶Уӕдӕ уын ӕз дӕр уӕ фыдбылызыл фӕхуддзынӕн, ӕвирхъау тас уыл куы бахӕца, уӕд хынджылӕг кӕндзынӕн.

²⁷Уадтымыгъау уӕм бӕллӕх куы фӕзына, зилгӕ дымгӕйау уӕм куы ’рбабырса, маст ӕмӕ хъыджы бын куы фӕуат,

²⁸уӕд ма мӕм сиддзысты, фӕлӕ дзуапп нӕ ратдзынӕн, агурдзысты мӕ, фӕлӕ мӕ нал ссардзысты.

²⁹Зонынад сын ӕнӕуынон кӕй сси, Дунедарӕджы раз сӕм тас кӕй хъуамӕ уа, уый сӕм нымады дӕр кӕй нӕ уыд,

³⁰мӕ уынаффӕ мын йӕ зӕрдӕмӕ кӕй ничи айста, мӕ уайдзӕфтыл мын ӕлгъ кӕй кодтой,

³¹уый аххосӕй сӕ хъуыддӕгты дыргътӕй бафсӕддзысты, ӕмӕ сӕ фӕндтӕ бафтдзысты сӕ къухы.

³²Ӕнӕзӕндтӕ сӕ хивӕнды тыххӕй фесӕфдзысты, ӕдылыты се ’нӕмӕтдзинад бабын кӕндзӕн.

³³Чи мӕм хъусы, уый та цӕрдзӕн сабыр ӕмӕ ӕдасӕй, фыдбылызӕй нӕ тӕрсдзӕн».