Read Библи: Сыгъдӕг Нымӕцтӕ 26 Bible Online

Нымӕцтӕ 26 - Библи: Сыгъдӕг bible

Нымӕцтӕ 26

¹Рын куы аивгъуыдта, уӕд загъта Дунедарӕг Моисей ӕмӕ сауджын Аароны фырт Елеазарӕн:

²«Сӕрӕй кӕронмӕ хӕдзаргай банымайут, ӕфсадмӕ бацӕуинаг чи у, уыцы израилӕгты, ссӕдз азы ӕмӕ уымӕй уӕлӕмӕ кӕуыл цӕуы, уыдоны се ’ппӕты дӕр».

³Моавы дӕлвӕзы, Иорданы был, Йерихоны бакомкоммӕ, Моисей ӕмӕ сауджын Елеазар, ссӕдз азы ӕмӕ уымӕй уӕлӕмӕ кӕуыл цыди, уыцы адӕмы сфыстой, Дунедарӕг Моисейӕн куыд бафӕдзӕхста, афтӕ. Израилы адӕмӕй Мысырӕй чи рацыди, уыдон уыдысты:

⁴

⁵Рувим — Израилы хистӕр фырт; Рувимы байзӕддӕгтӕ: Ханохӕй — Ханохы хӕдзарвӕндаг, Паллуйӕ — Паллуйы хӕдзарвӕндаг,

⁶Хецронӕй — Хецроны хӕдзарвӕндаг, Кармийӕ — Кармийы хӕдзарвӕндаг.

⁷Уыдон — Рувимы хӕдзарвӕндӕгтӕ; сӕ нымадмӕ гӕсгӕ — цыппор ӕртӕ мин авдсӕдӕ ӕртын.

⁸Паллуйы фырт — Елиав.

⁹Елиавы фырттӕ: Немуел, Датан ӕмӕ Авирам, дзыллӕйы ’хсӕн нымад чи уыди, уыцы Датан ӕмӕ Авирам. Корах ӕмӕ йӕ хъузӕттимӕ уыдон растадысты Моисей ӕмӕ Аароны ныхмӕ — Дунедарӕджы ныхмӕ.

¹⁰Ӕмӕ уӕд зӕхх фӕйнӕрдӕм фӕцыд ӕмӕ сӕ аныхъуырдта. Корахимӕ йӕ хъузӕттӕ дӕр бабын сты. Дыууӕсӕдӕ фӕндзай адӕймаджы басыгъдысты арты — цыдӕр кӕй ӕрцӕудзӕн, уый ӕвдисӕг рагфӕдзӕхст.

¹¹Фӕлӕ Корахы фырттӕ нӕ бабын сты.

¹²Симеоны байзӕддӕгтӕ сӕ хӕдзарвӕндӕгтӕм гӕсгӕ: Немуелӕй — Немуелы хӕдзарвӕндаг, Йаминӕй — Йамины хӕдзарвӕндаг, Йахинӕй — Йахины хӕдзарвӕндаг,

¹³Зерахӕй — Зерахы хӕдзарвӕндаг, Саулӕй — Саулы хӕдзарвӕндаг.

¹⁴Уыдон — Симеоны хӕдзарвӕндӕгтӕ: дыууын дыууӕ мин дыууӕсӕдӕ.

¹⁵Гады байзӕддӕгтӕ сӕ хӕдзарвӕндӕгтӕм гӕсгӕ: Цефонӕй — Цефоны хӕдзарвӕндаг, Хаггийӕ — Хаггийы хӕдзарвӕндаг, Шунийӕ — Шунийы хӕдзарвӕндаг,

¹⁶Ознийӕ — Ознийы хӕдзарвӕндаг, Ерийӕ — Ерийы хӕдзарвӕндаг,

¹⁷Ародӕй — Ароды хӕдзарвӕндаг, Арелийӕ — Арелийы хӕдзарвӕндаг.

¹⁸Уыдон — Гады байзӕддӕгты хӕдзарвӕндӕгтӕ, сӕ нымӕц — цыппор мин фондз сӕдӕ.

¹⁹Иудӕйы фырттӕ: Ер ӕмӕ Онан; фӕлӕ Ер ӕмӕ Онан амардысты Ханааны.

²⁰Ӕмӕ уыдысты Иудӕйы байзӕддӕгтӕ сӕ хӕдзарвӕндӕгтӕм гӕсгӕ: Шелайӕ — Шелайы хӕдзарвӕндаг, Парецӕй — Парецы хӕдзарвӕндаг, Зарахӕй — Зарахы хӕдзарвӕндаг.

²¹Ӕмӕ уыдысты Парецы фырттӕ: Есромӕй — Есромы хӕдзарвӕндаг, Хамулӕй — Хамулы хӕдзарвӕндаг.

²²Уыдон — Иудӕйы хӕдзарвӕндӕгтӕ, сӕ нымадмӕ гӕсгӕ — ӕвдай ӕхсӕз мин фондзсӕдӕ.

²³Иссахары байзӕддӕгтӕ сӕ хӕдзарвӕндӕгтӕм гӕсгӕ: Толайӕ — Толайы хӕдзарвӕндаг, Пуввайӕ — Пуввайы хӕдзарвӕндаг,

²⁴Йашувӕй — Йашувы хӕдзарвӕндаг, Шимронӕй — Шимроны хӕдзарвӕндаг.

²⁵Уыдон — Иссахары хӕдзарвӕндӕгтӕ, сӕ нымадмӕ гӕсгӕ — ӕхсай цыппар мин ӕртӕсӕдӕ.

²⁶Зевулоны байзӕддӕгтӕ сӕ хӕдзарвӕндӕгтӕм гӕсгӕ: Середӕй — Середы хӕдзарвӕндаг, Елонӕй — Елоны хӕдзарвӕндаг, Йахлеелӕй — Йахлеелы хӕдзарвӕндаг.

²⁷Уыдон — Зевулоны хӕдзарвӕндӕгтӕ, сӕ нымадмӕ гӕсгӕ — ӕхсай мин фондзсӕдӕ.

²⁸Йосефы байзӕддӕгтӕ сӕ хӕдзарвӕндӕгтӕм гӕсгӕ: Менассиа ӕмӕ Ефрем.

²⁹Менассиайы байзӕддӕгтӕ: Махирӕй — Махиры хӕдзарвӕндаг; Махирӕй райгуырд Галаад, Галаадӕй рацыд Галаады хӕдзарвӕндаг.

³⁰Галаады фырттӕ: Иезерӕй — Иезеры хӕдзарвӕндаг, Хелекӕй — Хелечы хӕдзарвӕндаг,

³¹Асриелӕй — Асриелы хӕдзарвӕндаг, Шехемӕй — Шехемы хӕдзарвӕндаг,

³²Шемидайӕ — Шемидайы хӕдзарвӕндаг, Хеферӕй — Хеферы хӕдзарвӕндаг.

³³Хеферы фырт Цалфахадӕн фырт нӕ уыд, ӕрмӕст — чызджытӕ. Цалфахады чызджыты нӕмттӕ: Махла, Ноа, Хогла, Милка, Тирца.

³⁴Уыдон — Менассиайы хӕдзарвӕндӕгтӕ, нымад та дзы ӕрцыд — фӕндзай дыууӕ мин авдсӕдӕ.

³⁵Ефремы байзӕддӕгтӕ сӕ хӕдзарвӕндӕгтӕм гӕсгӕ: Шутелахӕй — Шутелахы хӕдзарвӕндаг, Бехерӕй — Бехеры хӕдзарвӕндаг, Таханӕй — Таханы хӕдзарвӕндаг.

³⁶Шутелахы байзӕддӕгтӕ: Еранӕй — Ераны хӕдзарвӕндаг.

³⁷Уыдон — Ефремы байзӕддӕгты хӕдзарвӕндӕгтӕ, сӕ нымадмӕ гӕсгӕ — ӕртын дыууӕ мин фондзсӕдӕ. Уыдон — Йосефы байзӕддӕгтӕ сӕ хӕдзарвӕндӕгтӕм гӕсгӕ.

³⁸Бениамины байзӕддӕгтӕ сӕ хӕдзарвӕндӕгтӕм гӕсгӕ: Белайӕ — Белайы хӕдзарвӕндаг, Ашбелӕй — Ашбелы хӕдзарвӕндаг, Ахирамӕй — Ахирамы хӕдзарвӕндаг,

³⁹Шефуфамӕй — Шефуфамы хӕдзарвӕндаг, Хуфамӕй — Хуфамы хӕдзарвӕндаг.

⁴⁰Белайы фырттӕ уыдысты: Ард ӕмӕ Нааман. Ардӕй — Арды хӕдзарвӕндаг, Нааманӕй — Нааманы хӕдзарвӕндаг.

⁴¹Уыдон — Бениамины байзӕддӕгтӕ сӕ хӕдзарвӕндӕгтӕм гӕсгӕ, нымад та дзы ӕрцыд цыппор фондз мин ӕхсӕзсӕдӕ.

⁴²Даны байзӕддӕгтӕ сӕ хӕдзарвӕндӕгтӕм гӕсгӕ: Шухамӕй — Шухамы хӕдзарвӕндаг; уыдон — Даны байзӕддӕгтӕ сӕ хӕдзарвӕндӕгтӕм гӕсгӕ.

⁴³Шухамы хӕдзарвӕндӕгтӕ сӕ нымадмӕ гӕсгӕ ӕдӕппӕтӕй — ӕхсай цыппар мин ӕхсӕзсӕдӕ.

⁴⁴Асиры байзӕддӕгтӕ сӕ хӕдзарвӕндӕгтӕм гӕсгӕ: Имнайӕ — Имнайы хӕдзарвӕндаг, Ишвийӕ — Ишвийы хӕдзарвӕндаг, Бриайӕ — Бриайы хӕдзарвӕндаг.

⁴⁵Бриайы фырттӕй: Хеверӕй — Хеверы хӕдзарвӕндаг, Малкиелӕй — Малкиелы хӕдзарвӕндаг.

⁴⁶Асиры чызджы ном — Серах.

⁴⁷Уыдон — Асиры байзӕддӕгты хӕдзарвӕндӕгтӕ, сӕ нымадмӕ гӕсгӕ — фӕндзай ӕртӕ мин цыппарсӕдӕ.

⁴⁸Нафталийы байзӕддӕгтӕ сӕ хӕдзарвӕндӕгтӕм гӕсгӕ: Йахцеелӕй — Йахцеелы хӕдзарвӕндаг, Гунийӕ — Гунийы хӕдзарвӕндаг,

⁴⁹Йецерӕй — Йецеры хӕдзарвӕндаг, Шиллемӕй — Шиллемы хӕдзарвӕндаг.

⁵⁰Уыдон — Нафталийы байзӕддӕгтӕ сӕ хӕдзарвӕндӕгтӕм гӕсгӕ, сӕ нымадмӕ гӕсгӕ та цыппор фондз мин цыппарсӕдӕ.

⁵¹Израилӕгтӕй нымад чи ӕрцыд, уыдоны нымӕц — ӕхсӕсӕдӕ иу мин авдсӕдӕ ӕртын.

⁵²Ӕмӕ Дунедарӕг загъта Моисейӕн:

⁵³«Адонӕн зӕхх хайгонд ӕрцӕудзӕн нӕмттӕм гӕсгӕ.

⁵⁴Фылдӕр чи у, уыцы мыггӕгтӕн ратт стырдӕр хай, сӕ нымӕц бирӕ кӕмӕн нӕу, уыдонӕн та — къаддӕр хӕйттӕ; алкӕмӕн дӕр хайгонд ӕрцӕудзӕн, хыгъдмӕ сӕ цал адӕймаджы бацыд, уымӕ гӕсгӕ.

⁵⁵Зӕхх дихгонд ӕрцӕудзӕн хӕлттӕм гӕсгӕ, алчи йӕ хӕдзарвӕндаджы фыдӕлы номӕй исдзӕни хай.

⁵⁶Стыр у ӕви чысыл — алы мыггагӕн дӕр халмӕ гӕсгӕ хай лӕвӕрд ӕрцӕудзӕн».

⁵⁷Нымад чи ӕрцыд, уыцы левиттӕ та сӕ хӕдзарвӕндӕгтӕм гӕсгӕ: Гершонӕй — Гершоны хӕдзарвӕндаг, Кехатӕй — Кехаты хӕдзарвӕндаг, Мерарийӕ — Мерарийы хӕдзарвӕндаг.

⁵⁸Левийы байзӕддӕгтӕ: Ливнийы хӕдзарвӕндаг, Хевроны хӕдзарвӕндаг, Махлийы хӕдзарвӕндаг, Мушийы хӕдзарвӕндаг, Корахы хӕдзарвӕндаг; Кехатӕй та райгуырд Амрам.

⁵⁹Амрамы усы ном — Йохевед, Левийы усӕн Мысыры чи райгуырд, уыцы чызг. Йохевед та Амрамӕн ныййардта Аарон, Моисей ӕмӕ сӕ хо Мариамы.

⁶⁰Ааронӕн райгуырдысты Надав, Авигу, Елеазар, Итамар.

⁶¹Надав ӕмӕ Авигу амардысты, нӕфӕтчиаг зынг Дунедарӕджы размӕ куы бахастой, уӕд.

⁶²Иумӕйдзыд ӕмӕ уымӕй хистӕр нӕлгоймӕгтӕ сӕ нымадмӕ гӕсгӕ ӕдӕппӕтӕй уыдысты дыууын ӕртӕ мины; уыдонӕн израилӕгты ’хсӕн хай лӕвӕрд кӕй не ’рцыди, уымӕ гӕсгӕ израилӕгтимӕ нымад не ’рцыдысты.

⁶³Уый, Моисей ӕмӕ сауджын Елеазар Моавы дӕлвӕзы, Иорданы был, Йерихоны бакомкоммӕ кӕй банымадтой, уыдон.

⁶⁴Се ’хсӕн, Моисей ӕмӕ сауджын Аарон Синайы ӕдзӕрӕг быдыры кӕй банымадтой, уыдонӕй иу дӕр нал уыди.

⁶⁵Уымӕн ӕмӕ Дунедарӕг уыдонӕй загъта: «Амӕлдзысты ӕдзӕрӕг быдыры». Ӕмӕ сӕ ничиуал баззад, Иефоннейы фырт Калев ӕмӕ Нуны фырт Йешуайы йеддӕмӕ.