Read Библи: Сыгъдӕг Нуны фырт Йешуа 15 Bible Online

Нуны фырт Йешуа 15 - Библи: Сыгъдӕг bible

Нуны фырт Йешуа 15

¹Иудӕйы хӕдзарвӕндаджы мыггӕгтӕм цы зӕхх ӕрхауди халӕппӕрстӕй, уый Едомы ныгуылӕнвӕрсты цыди Цины ӕдзӕрӕг быдыры хуссайраг арӕны онг.

²Сӕ хуссайраг арӕн райдыдта Мард денджызӕн йӕ хуссар былгӕронӕй

³ӕмӕ Акрабимы хӕрдӕй хуссарӕрдӕм ацыди Цины ӕдзӕрӕг быдырыл, хуссарӕрдыгӕй схызти Кадеш-Барнеамӕ, стӕй, Хецроны сахарыл ахизгӕйӕ, схызти Аддармӕ, уырдыгӕй фӕзылди Каркамӕ,

⁴бахӕццӕ Ацмонмӕ, рахызти Мысыры арӕныл тӕрфмӕ ӕмӕ йӕ кӕрон Зӕххастӕуы денджызы былгӕрӕттӕм бахаста. Ахӕм уыдис Иудӕйы хуссайраг арӕн.

⁵Скӕсӕйнаг арӕн у Мард денджыз, Иордан ӕм кӕм бакӕлы, уый онг. Цӕгатаг арӕн райдыдта, Иордан денджызмӕ кӕм бакӕлы, уырдыгӕй

⁶ӕмӕ схызти Бет-Хогламӕ, ацыди Бет-Аравӕйӕ цӕгатӕрдӕм, фӕхӕрд кодта Рувимы фырт Боханы къӕдзӕхы ’рдӕм,

⁷стӕй Ахоры тъӕпӕнӕй схызти Девирмӕ, цӕгатӕрдӕм фӕзылди Гилгалмӕ (уый та ис Хуыскъададжы хуссарварсы Адуммимы хӕрды акомкоммӕ). Дарддӕр арӕн ацыд Ен-Шемешы донгуырӕны ’рдӕм ӕмӕ бахӕццӕ Ен-Рогелы донгуырӕнмӕ.

⁸Дарддӕр ахызт йевусӕгты (ома Йерусалимы) къуылдымыл, хуссарварс Хинномы фырты дӕлвӕзыл, ӕмӕ схызти, Хинномы дӕлвӕзы ныгуылӕнӕрдыгӕй цы хох ис, уый сӕрмӕ (уыцы хох лӕууы Рефаимы дӕлвӕзы цӕгатварс).

⁹Хохы сӕрӕй арӕн фӕзылди Нефтоахы донгуырӕнмӕ ӕмӕ рахызт Ефроны хӕхбӕсты сахартӕм, уырдыгӕй та фӕзылди Бааламӕ (ома Кирйат-Иариммӕ).

¹⁰Баалайӕ фӕзылди ныгуылӕнӕрдӕм, Сеиры[5] хӕхбӕстӕм, ӕрзылд Иаримы (ома Кесалоны) хохы цӕгатгӕрӕтты, ӕрхызти Бет-Шемешмӕ ӕмӕ ахызти Тимнайыл.

¹¹Дарддӕр арӕн рахызт Екроны цӕгатвахсмӕ ӕмӕ фӕзылди Шиккероны ’рдӕм, ахызти Баалайы хӕхбӕстыл ӕмӕ бахӕццӕ Йавнелмӕ, уырдыгӕй та йӕхи айтыгъта суанг денджызы онг.

¹²Ныгуылӕйнаг арӕн у Зӕххастӕуы денджыз йӕ былгӕронимӕ. Ахӕм арӕнтӕ уыд Иудӕйы байзӕддаджы мыггӕгты зӕххытӕн.

¹³Дунедарӕджы фӕдзӕхстмӕ гӕсгӕ Йешуа Иефоннейы фырт Калевӕн Иудӕйы байзӕддӕгты ’хсӕн радта хай: Кирйат-Арба — Анакы фырт Арбайы сахар (ома Хеврон).

¹⁴Калев уырдыгӕй фӕсырдта Анакы байзӕддӕгты — Шешайы, Ахиманы ӕмӕ Талмайы мыггӕгты.

¹⁵Хевронӕй ацыди Девиры ныхмӕ хӕцынмӕ. Девир раздӕр Кирйат-Сефер хуынди.

¹⁶Калев загъта: «Кирйат-Сефермӕ чи бабырса ӕмӕ йӕ чи бацахса, уымӕн мӕ чызг Ахсайы ратдзынӕн».

¹⁷Сахар бацахста Гофниел, Калевы ӕфсымӕр Кеназы фырт, ӕмӕ йын Калев йӕ чызг Ахсайы радта.

¹⁸Чызг бынатыл куы сӕмбӕлди, уӕд ӕй йӕ мой бацардыдта, дӕ фыдӕй зӕххы хай ракур, зӕгъгӕ. Чызг хӕрӕгӕй куы ӕрхызти, уӕд ӕй Калев бафарста: «Цы дӕ хъӕуы?»

¹⁹Уый загъта: «Дӕ хорзӕх мӕ уӕд, Негевы мын зӕххы хай радтай, ӕмӕ мын ӕххӕст донгуырӕнтӕ дӕр ратт». Ӕмӕ йын Калев уӕллаг ӕмӕ дӕллаг донгуырӕнтӕ радта.

²⁰Мӕнӕ Иудӕйы хӕдзарвӕндаджы зӕххы хӕйттӕ: хуссаргӕроны сахартӕ Негевы, Едомы арӕнмӕ хӕстӕг: Кавцеел, Едер, Йагур,

²¹

²²Кина, Димона, Адада,

²³Кедеш, Хацор, Итнан,

²⁴Зиф, Телем, Беалот,

²⁵Хацор-Хадатта, Керийот-Хецрон (ома Хацор)

²⁶Амам, Шема, Молада,

²⁷Хацар-Гадда, Хешмон, Бет-Пелет,

²⁸Хацар-Шуал, Беер-Шевӕ йӕ сахаргӕрӕттимӕ,

²⁹Баала, Ийим, Эцем,

³⁰Елтолад, Кесил, Хорма,

³¹Циклаг, Мадманна, Сансанна,

³²Леваот, Шилхим, Аин ӕмӕ Риммон — ӕдӕппӕт фараст ӕмӕ ссӕдз сахары сӕ алыварс хъӕутимӕ.

³³Шефелайы: Ештаол, Цора, Ашна,

³⁴Заноах, Ен-Ганним, Таппуах, Енам,

³⁵Йармут, Адуллам, Сохо, Азека,

³⁶Шаараим, Адитаим, Гедера ӕмӕ Гедеротаим — цыппӕрдӕс сахары сӕ алыварс хъӕутимӕ.

³⁷Ценан, Хадаша, Мигдал-Гад,

³⁸Дилан, Мицпе, Йоктеел,

³⁹Лахиш, Боцкат, Еглон,

⁴⁰Каббон, Лахмас, Китлиш,

⁴¹Гедерот, Бет-Дагон, Наама, Македа — ӕхсӕрдӕс сахары сӕ алыварс хъӕутимӕ.

⁴²Ливнӕ, Етер, Ашан,

⁴³Ифтах, Ашна, Нецив,

⁴⁴Кеила, Ахзив ӕмӕ Мареша — фараст сахары сӕ алыварс хъӕутимӕ.

⁴⁵Екрон йӕ сахаргӕрӕттимӕ ӕмӕ йӕ алыварс хъӕутимӕ;

⁴⁶Екронӕй Зӕххастӕуы денджызы ’рдӕм Ашдоды цур сахартӕ иууылдӕр сӕ алыварс хъӕутимӕ;

⁴⁷Ашдод йӕ сахаргӕрӕттимӕ ӕмӕ йӕ алыварс хъӕутимӕ; Газӕ йӕ сахаргӕрӕттимӕ ӕмӕ йӕ алыварс хъӕутимӕ суанг Мысыры арӕныл тӕрфы онг ӕмӕ Зӕххастӕуы денджызы онг йӕ былгӕронимӕ.

⁴⁸Хӕхбӕсты: Шамир, Йатир, Сохо,

⁴⁹Данна, Кирйат-Санна (ома Девир),

⁵⁰Анав, Ештемо, Аним,

⁵¹Гошен, Холон ӕмӕ Гило — иуӕндӕс сахары сӕ алыварс хъӕутимӕ.

⁵²Арав, Дума, Эшан,

⁵³Йанум, Бет-Таппуах, Афека,

⁵⁴Хумта, Кирйат-Арба (ома Хеврон) ӕмӕ Циор — фараст сахары сӕ алыварс хъӕутимӕ.

⁵⁵Маон, Кармел, Зиф, Ютта,

⁵⁶Изреел, Иокдеам, Заноах,

⁵⁷Каин, Гевӕ ӕмӕ Тимна — дӕс сахары сӕ алыварс хъӕутимӕ.

⁵⁸Халхул, Бет-Цур, Гедор,

⁵⁹Маарат, Бет-Анот ӕмӕ Елтекон — ӕхсӕз сахары сӕ алыварс хъӕутимӕ. [Текоа, Евфратӕ (ома Вифлеем), Пеор, Етам, Кулон, Татам, Сорес, Карем, Галлим, Бетер ӕмӕ Манохо — иуӕндӕс сахары сӕ алыварс хъӕутимӕ.

⁶⁰Кирйат-Баал (ома Кирйат-Иарим) ӕмӕ Равва — дыууӕ сахары сӕ алыварс хъӕутимӕ.]

⁶¹Ӕдзӕрӕг быдыры: Бет-Аравӕ, Миддин, Сехаха,

⁶²Нившан, Ир-Мелах ӕмӕ Ен-Геди — ӕхсӕз сахары сӕ алыварс хъӕутимӕ.

⁶³Фӕлӕ Иудӕйы байзӕддӕгтӕм Йерусалимӕй йевусӕгты фӕсурыны хъомыс нӕ разынд, ӕмӕ абон дӕр сӕ фарсмӕ цӕрынц Йерусалимы.