Read Ot Danum RUMA 14 Bible Online

RUMA 14 - Ot Danum bible

RUMA 14

¹ Ulun ijo eam yahkin ahkan inon ijo tomorocayaoh harus tonorima honong kopios ahtoi ang louk Konduang-konduang. Ara hojawab umba ulun tohou pihkir-pihkiroh.

²Anai ulun ijo ngohu ijo io tou kuman inon ka'a. Tahpi anai ulun ijo bolomu koyahkinanoh; io nanyam ijo io tihkas tou kuman ramunumo iou.

³Ulun ijo kuman saraba-barangai iou, ara ngohu randah ulun ijo kuman tihkas ukun botatu iou; tutang ulun ijo makan tihkas ukun botatu iou, ararih nosalan ulun ijo kuman saraba-barangai, kotului Pohotala jari norima oi.

⁴Iaikah Konduang, nyiring Konduang harus mosara jihpon ulun bohkon? Kuwoh jihpon rih tocahap ata'ai tombok, orihrih urusan tuan aiu. Tutang puna jihpon rih ahkan hihkat tombok, tului Tuhan sanggup nguanoh hihkat tombok.

⁵Anai ulun ijo nginyam ihco ondou botatu labih gunaioh tahkan ondou-ondou bohkon, rahatoh ulun bohkon hino ngohu ijo ondou-ondou rih sama iou. Nauhoh nyino-nyinong ulun nahtap pihkir aiu bongoi.

⁶Ulun ijo monguna ondou-ondou ijo botatu, ulun rih nguan kodorih, ahkan mohoromat Tuhan. Ulun ijo kuman boranga-rangaioh, nguan kodorih ahkan mohoromat Tuhan, kotului io norimakasih ahkan Pohotala ngosan ukun rih. Kodorih ka'a umba ulun ijo kuman tihkas ukun botatu iou; ulun rih ka'a mohoromat Tuhan tutang norimakasih ahkan Pohotala.

⁷Eam ihcobehti ka tahkan ihto ijo bolum ahkan aropoh bongoi; tutang eam ihcobehti ka tahkan ihto ijo mahtoi ahkan aropoh bongoi.

⁸Amat ihto bolum, ihto bolum ahkan Tuhan. Tutang amat ihto mahtoi, ihto ka mahtoi ahkan Tuhan. Jadi, bolum ata'ai mahtoi, ihto anai Ain Tuhan.

⁹Kristus ius mahtoi tutang bolum hoduli. Orih kotuluioh Io monjadi Tuhan ahkan ulun-ulun ijo bolum tutang ka'a ahkan ulun-ulun ijo jari mahtoi.

¹⁰ Jadi, Konduang-konduang! Ahkan inon monosalan konduang'mu ijo sokoporocaya? Tutang ahkan inon Konduang ngohu io randah? Ihto paringoh ahkan noharep Pohotala ahkan ponosara.

¹¹ Ang luwang Surat Borasih tonyurat, ‘‘Tu'u-tu'u,’’ hion Tuhan ‘‘Nyino-nyinong ulun ahkan bosembah sujud ang toharep-Ku; tutang nyinong ulun ahkan mongahku ijo Ahku tuh Tuhan, Pohotala.’’

¹²Jadi ihto nyino-nyinongoh harus nanggung-jawab kokaron gawin 'to, umba Pohotala.

¹³Bain kotului orih ararih ihto saling monosalanoh. Tombolikoh ngurah jalan ahkan ihkam eam nguan aang'co ka ijo kotuluioh ihcobehti konduang sokoporocaya togoda tutang bodusa.

¹⁴Kotului ahku hihco umba Tuhan Yesus, mahka ahku porocaya samasino ijo eam aro aang'co ka, ijo puna pali, tahpi hal rih pali ahkan ihcobehti, amat ulun rih mongohuoh pali.

¹⁵Tahpi amat umba inon ijo Konduang kumai, mahka ihcobehti konduang sokoporocaya tongoporos ahtoioh, mahka Konduang eam hino molalus hogalangoh kasih. Amat Kristus jari mahtoi ahkan ihcobehti, ararih mohanouoh ulun rih rusak bain inon ijo Konduang kumai.

¹⁶Orih kotuluioh ararih mohanouoh inon ijo pios ahkan ihkam, tongohu eam pios bain ulun bohkon.

¹⁷Tului amat Pohotala momoretah pombolum ihcobehti, inon ijo io tou kumai ata'ai ngorihoh, eam hino boguna. Ijo boguna io rih ijo ulun rih numbun konohuang Pohotala, nanyam koteneng ahtoi tutang norima kojorih ijo tonongarih bain Roh Pohotala.

¹⁸Ulun ijo mohalu Kristus cara kolourih, ulun rih ngojorih ahtoi Pohotala tutang tomorega bain ulun-ulun bohkon.

¹⁹Tului orih titun ihto harusrih toturus ahkan hal-hal ijo ngonjorian kobuah tutang saling nguanang.

²⁰Araiou tului soal ukun, Konduang morusak inon ijo jari konuan bain Pohotala. Kokaron mahcamukun uras borasih ahkan konukun, tahpi amat inon ijo Konduang kumai, kotuluioh ulun bohkon bodusa, mahka Konduang konohawotsala.

²¹Labih pios eam usah kuman usinaang, ata'ai ngorih anggur ata'ai nguan inon ka'a, amat hal orih ngotului ihcobehti konduang sokoporocaya monjadi bodosa.

²²Naohoh inon ijo Konduang morocaya rih, Konduang nguanoh ang toharep Pohotala iou ahkan Konduang bongon. Ulun ijo eam anaitepun alasan ahkan nanyam bosala ngosan inon ijo io ngohuoh morong, ulun rih sanang.

²³Tahpi ulun ijo nanyam ragu-ragu ahkan kuman aang'co, pongohuli ka tahtap kuman ukun rih, ulun rih tonosalan bain Pohotala; tului ulun rih eam botindak numbun koyahkinanoh tohou inon ijo morong tutang ijo sala. Tutang inon iou ijo konuan eam aro koporocaya, anai orih dusa.