Read Ot Danum RUMA 2 Bible Online

RUMA 2 - Ot Danum bible

RUMA 2

¹ Bain tului orih, Konduang-konduang, Iairih Konduang, nyiring Konduang nosalanoh ulun bohkon? Konduang eam tepun ino-inon ahkan mombela arop! Tului amat Konduang nosalanoh ulun bohkon, podahar Konduang bongon nguanoh gawi ijo sama kolou iro; mahka Konduang ngohtunohhukum ngosan arop'mu bongor ka'a.

²Ihto ta'an ijo amat Pohotala pomuat hukum nokuh ngosan ulun, ijo nguan gawi-gawi ijo kolouorih, koputusan Pohotala rih morong.

³Tahpi ihkam, Konduang-konduang, nguanoh bongor ka'a hal-hal ijo ihkam ndawaoh ahkan ulun-ulun bohkon! Tutang ihkam niruk ihkam duon liwus tahkan hukum Pohotala?

⁴Ata'ai ihkam nopahjah eambakaoh kotoun Pohotala tutang koboluhang ahtoi, hawui kosabar-Oh ijo kodorih kohajoi? Musti ihkam ta'an ijo Pohotala pokarahoh kohinut ahtoi-Oh, tului Io kani mangat ihkam hubah tahkan dusa-dusan'kam.

⁵Tahpi ihkam mahang kuhung tutang eam kani hubah. Bain tului orih ihkam bongomrih ijo ngambot hukum'mu monjadi tambah bahat aang Ondou Kiamat, amat Pohotala ngorinah kosangit-Oh tutang momuatoh hukum ijo adil.

⁶ Tului Pohotala ahkan malos nyinong ulun sotimpal umba karon aanggawiuoh.

⁷Pohotala nongaoh pombolum sojati tutang kototahiou ahkan iro ijo te'et nguan kopios ahkan dahpotoh ijo hinutbolega, ijo tomohoromat tutang ijo tohtapkototahiu.

⁸Tahpi ulun-ulun ijo kogunan aropoh bongoi tutang eam kani te'et umba Pohotala, molekan nitoi jalan ijo ja'at, ulun-ulun orih ahkan paham kononyingi Pohotala.

⁹Nyinong ulun ijo jolik nguan aangja'at, ahkan tongo poros tutang mongarot; ijo-pahtuk ulun Yahudi tutang ka'a, ahkan ulun-ulun uhtus bohkon.

¹⁰Tahpi paring ulun ijo jolik nguan angpios, ahkan tononga kohajoi tutang tonohoromat hawui kosanang bain Pohotala; ijo-pahtukoh ahkan ulun-ulun Yahudi, kodorih ka'a ahkan ulun-ulun uhtus bohkon.

¹¹ Tului Pohotala monguan paring ulun sama.

¹²Ulun-ulun uhtus bohkon bodusa, earo ngota'an hukum agama Yahudi. Jadi iro tomohukum ang luar hukum orih. Tahpi ulun-ulun Yahudi bodusa, ulijari ngota'an hukum orih; tului orih iro tongohasu ka'a numbun hukum rih.

¹³Tului ulun ijo hokohinut hoduli umba Pohotala, eam tului ulun orih jari kota'an hukum agama Yahudi, molekan tului io nguanoh inon ijo tomihtik ang hukum rih.

¹⁴Ulun-ulun uhtus bohkon, eam ngosono hukum agama Yahudi. Tahpi amat iro ngosan konohuang bongoi, nguan inon ijo tomoretah bain hukum rih, ahtoi iro bongoirih ijo monjadi hukum rih ahkan iro, oluka iro eam ngosono hukum agama Yahudi.

¹⁵Hadatdasar'ndo ngorinahoh, ijo inon ijo tomoretah bain hukum orih, sonurat aang ahtoi'ndo. Ahtoi bua'ndo ka mbukti hal rih, tului iro bongoi anai matmiraoh ponosalan, tutang anai matmiraoh konomorong tului tiruk'ndo.

¹⁶Kodorih rih ijo ahkan nyolung noin aang ondou ijo jari tonahtapoh rih. Aang ondou orih — numbun Kabar Hinut ijo ahku mborihtaoh — Pohotala nguha Yesus Kristus, ahkan mosara kokaron kulim ahtoi, tutang tiruk paring ulun.

¹⁷Tahpi huntuh koloukuwoh umba Konduang-konduang bongon? Konduang ngahku arop ulun Yahudi. Konduang ngahtung arop umba hukum agama Yahudi tutang Konduang tamam tului kohihco Konduang umba Pohotala.

¹⁸Konduang norima ponunjuk-ponunjuk tahkan hukum rih, nyiring Konduang ngota'an konohuang Pohotala tutang ngota'an nuhkas, umoh ijo morong.

¹⁹Konduang yakin ijo Konduang anai okon ulun bobulen tutang koloang bagi iro ijo mohcon ang luwang kopindong.

²⁰Konduang gurun ulun-ulun ijo bohadat randah, tutang gurun ulun-ulun ijo uong. Konduang yakin ijo ang luwang hukum agama Yahudi. Konduang tepun kokaron pongotaan tutang ajaran ihco morong.

²¹Konduang majar ulun bohkon; Ho, ombai Konduang eam majar arop'mu bongom? Konduang majar ulun mangat a'ai nahkou, podahar Konduang bongon, nahkou!

²²Konduang majar ulun mangat a'ai hobandung! Podahar Konduang bongon, hobandung! Konduang bosingi umba dewa, podahar Konduang bongon, ngomin ramu-ramu tahkan pasah-pasah dewa.

²³Konduang monamam-namam, ijo Konduang nambit hukum Museh, podahar Konduang mohina Pohotala hawui eam numbun hukum-Oh.

²⁴ Ang luwang Surat Borasih tonyurat koloutuh, ‘‘Tului ihkam, ulun-ulun Yahudi, mahka aran Pohotala kononja'at aang louk, uhtus-uhtus bohkon.’’

²⁵Amat Konduang tehen umba hukum agama Yahudi mahka sunat Konduang anai gunaioh ka'a. Tahpi amat Konduang eam duon tehen umba hal-hal ijo ponoretahoh aang hukum rih, mahka sunat Konduang eam aro gunai samasino.

²⁶Amat ihcobehti bohkon ulun Yahudi ijo eam tonyunat numbun hukum agama Yahudi, eamkah Pohotala jari ngohu kolou ulun rih ijo jari tonyunat?

²⁷Tutang ulun-ulun ijo eam tonyunat rih ahkan nosalan Konduang ulun Yahudi, tului Konduang anaingina hukum agama Yahudi, tutang Konduang tonyunat, tahpi Konduang molanggar hukum orih. Iro eam tonyunat, tahpi puna iro rih ijo tehentu'u umba hukum agama Yahudi.

²⁸Tului ulun Yahudi ijo sojahti, eamrih ulun ijo tihkas araioh iou ulun Yahudi; tutang ulun ijo tu'u-tu'u tonyunat, eamrih kolou ulun ijo tonyunat cara behtioh iou.

²⁹ Tobalikoh ihcobehti Yahudi ijo sojahti anairih ulun ijo ahtoioh bohomboruan Yahudi; tutang sunat ijo sojahti, anairih sunat ang ahtoi ijo tonguan bain Roh Pohotala, eam ijo tonyurat ang buhku ih. Ulun somahcam orih monorima taraoh tahkan Pohotala, eam tahkan ulun.