Read Ot Danum 2 KORINTUS 13 Bible Online

2 KORINTUS 13 - Ot Danum bible

2 KORINTUS 13

¹ Tuh anairih ahkan kotolu tikatoh ahku lombut masap ihkam. A'ang Surat Borasih tonyurat, ‘‘Nyinong porokara harus konombahat bain kosaksian duo ata'ai tolu behti saksi, punan porokara orih sah.’’

²Ulun-ulun ijo ang ohkot tuh jari nguan dosa, tutang paring ulun bohkonoh, jari ahku mopingat, labih soun kotihka ahku masap ihkam ang koduo tikatoh. Huntuh, pondehan ahku hokomahcu umba'kam ahku mopingat hoduli, ijo amat ahku lombut hino, eam ihcobehti ka'a tahkan iro ijo ahkan lohpas tahkan hukum.

³Mahka ihkam ahkan nyombang paring bukti ijo ihkam jorikoh ijo Kristus moro-morong bopander nguha ahku. Amat Kristus botindak toharep ihkam, Io eam botindak bolomu-lembai, sobalikoh Io ngorinah kowasai-Oh ang louk ihkam.

⁴Puna ang ohkot Io tonahpak, Io bolomu. Tahpi huntuh Io bolum tului kowasan Pohotala. Ihkai ka'a bolumu aang pombolum ihkai ijo hihco umba Kristus, tahpi amat noharep ihkam, ihkai ka'a ba'as homboh Kristus tului kowasan Pohotala.

⁵Cuba ihkam moriksa arop bongon, inonkah ihkam tu'u-tu'u bolum hogalang porocaya umba Kristus! Musti ihkam borondong ijo Kristus Yesus anai ang luwang ihkam! — bohkon haloh amat puna ihkam eam tu'u-tu'u porocaya.

⁶Ahku harap ihkam borondong, ijo ihkai eamoh ulun ijo eam tahan uji.

⁷Ihkai bodo'a umba Pohotala, pios Io kani dohop ihkam mangat eam nguan kosalan. Eamoh ahkan pokarah, ijo ihkai tuh puna cakap nguan gawi, tahpi mangat ihkam nguan inon ijo Pohotala hondakoh — nauh topahjahoh ihkai gagal, eam ombai!

⁸Tului ihkai eam duon nguan angihco ka, ijo hokolawan umba ijo morong; ihkai harus numbun ijo morong.

⁹Ihkai sonang amat ihkai bolomu, tutang ihkam ba'as. Ihkai bodo'a ka'a, mangat ihkam monjadi soporuna.

¹⁰Orihrih kotuluioh ahku nyurat surat tuh, ang ohkot ahku jaha anai ang tohun ihkam. Honong kodorih, amat ahku lombut noin, eam usah ahku botindak karas toharep'kam, honong hapa kowasa ijo tononga Tuhan ahkak'ku. Kowasa orih tononga ahkan mangun ihkam eam ahkan morusak ihkam.

¹¹Laiuoh, Konduang-konduang, hondakih ihkam jorih tutang ngurahjalan monjadi soporuna. Torima iou karon tingak'ku. Hondakoh ihkam, hihco-ahtoi tutang bolum rukun. Pohotala Ijo Mahapongasi tutang Pongobuah rih ahkan homboh ihkam.

¹²Hotabe-tabe rih umba sama arop socara mesra kolou konduang Kristen. Hopus ukup Pohotala ngirim tabe ahkan'kam.

¹³Tuhan Yesus Kristus mborehkatrih ihkam, Pohotala ngasi ihkam, tutang Roh Pohotala ngonggulu ihkam paringoh! Horomat ihkai, Paulus