Read Ot Danum KOLOSE 2 Bible Online

KOLOSE 2 - Ot Danum bible

KOLOSE 2

¹Ahku jolik ihkam mongota'an koloukuwoh kohebatoh ahku ngokolahi ahkan'kam, tutang ahkan iro ijo ang Laodekia, hawui paring ijo eam ngosono ahku socara porobadi.

²Paringoh tuh ahku nguaioh, mangat ahtoi iro monjadi ba'as tutang iro saling mongasih, nyiring iro lehket hihco. Umba kodorih iro tu'u-tu'u horahti tutang yahkin hawui ngosono rahasia Pohotala, yorih Kristus bongoi.

³Kristusrih ijo monguapoh kokaro kopihtar tutang kohorahtin Pohotala ijo jamanlomoi tosuhuk.

⁴Ahku monyorihtaoh tuh, mangat ihkam a'ai tonihpu bain iaika ka'a ijo baui manih ahkan'kam.

⁵Kotului oluka ahku mahcu tahkan ihkam, ngohurih ijo ahku anaiumba ang louk ihkam. Tutang ahku jorih nohto ihkam hihcoahtoi tutang tehen porocaya umba Yesus Kristus.

⁶Konduang-konduang jari norima Kristus Yesus monjadi Tuhan. Bain orih hondakrih ihkam bolum hihco umba Io,

⁷tutang muhat ang a'ang Io. Kohondakrih ihkam nombok pombolum'kam umba Kristus kolou galangoh. Kohondakrih ihkam mahi porocaya umba Kristus, numbun inon ijo jari tongajar ahkan'kam. Tutang hondakrih ahtoi'kam nopusak-pusak hawui ngohawot torimakasih.

⁸Hondakrih ihkam harus hati-hati a'ai nyiring anai ijo njorat ihkam umba pilsapat-pilsapat kolunon ijo eam boguna, molekan baya nyosatih. Pilsapat-pilsapat orih eam tahkan Kristus molekan tahkan tiruk ulun iou, tutang tahkan roh-roh pongowasa kolunon.

⁹Kotului paring porobadi Pohotala mohcon ang Kristus, yorih aang kolunoi-Oh.

¹⁰Tutang tului bolum hihco umba Kristus ihkam ka tononga pombolum sotuwioh. Kotului Kristus anai kopala ngosan nyinong roh, ijo bokowasa tutang ijo moretah.

¹¹Kotului hihco umba Kristus, ihkam jari tonyunat, eam umba sunat ijo tonguan bain longon ulun, molekan umba sunat ijo konuan bain Kristus, ijo momorodehka ihkam tahkan kowasan tobiat ijo bodusa.

¹² Kotului ang ohkot ihkam ponopondus, ihkam tonanom homboh Kristus; tutang hawui popondus orih ka'a, ihkam umba tonombolum hoduli hombo-homboh Kristus, kotului ihkam porocaya ahkan kowasan Pohotala ijo jari ngombolum Kristus tahkan popahtoi.

¹³ Lomoi, ihkam jari mahtoi socara rohani, tului ihkam jari bodusa, tutang tului ihkam eam tonyunat socara koulun. Tahpi huntuh Pohotala ngombolum ihkam hombo-homboh umba Kristus, Pohotala jari mongapun dusa-dusan ihto,

¹⁴ tutang ngobalang surat-surat uhtang toharep ihto, ijo toturus mongancam ihto, umba sarat-sarat ijo bahat. Hawui nyopolahki surat rih ang kahju sopolahki, Pohotala ngudap paring dawa toharep ihto.

¹⁵Aang sopolahki rih, Kristus nguan kokaro roh-roh ijo moretah tutang bokowasa monjadi eam bodaya hino. Iro jadi tutunan ulun aro, ang ohkot Kristus mongiring iro kolou tawanan a'ang pawai komanang-Oh.

¹⁶ Kobain rih a'airih mohonau ulun nosalan ihkam tohou ukun ata'ai korih, ata'ai tohou ondou-ondou pesta agama, ata'ai pesta-pesta bulan bohua, ata'ai tohou ondou Sabat.

¹⁷Paringoh rih tihkas kokolingon iou, tahkan hal-hal ijo ahkan lombut, tahpi korinah tahkan hal-hal rih, iorih Kristus.

¹⁸A'airih ihkam mohonau arop'kam, tonorugi bain ulun ijo pura-pura ngominda aropoh, tutang ijo nyembah molehkat-molehkat. Ulun rih bojuhu umba tiruk-tirukoh ijo cara kolunonoh, tutang monamam-namam pongorinah-pongorinah ijo khusus,

¹⁹ nyiring eam hino monambit aang Kristus, ijo monjadi kopala A'ang pinda totiring Kristus sohopus behtiu tonohaga tutang tonohihco bain sahpan-sahpanoh, hawui bolum numbun konohuang Pohotala.

²⁰Ihkam ius mahtoi hombo-homboh Kristus, tutang jari tomorodehka tahkan roh-roh ijo bokowasa ang pindalangit tuh. Nah, ombai ihkam bolum kolou ulun ijo magun konowasa bain kolunon tuh? Ombai ihkam tunduk umba poroturan-poroturan koloutuh?

²¹‘‘Ara nambit tuh’’, ‘‘Ara nginyam orih’’, ‘‘Ara nigung tuh’’?

²²Paring poroturan rih, anairih tohou hal-hal ijo kodorih tohapa, eam aro boguna hino. Orih baya poroturan-poroturan tutang pongajaran-pongajaran ijo tonapa bain kolunon.

²³Puna topahjahoh, hal rih kopihtar, hawui anjuranoh, mangat ulun nyembah molehkat, ngominda rih arop, tutang nyiksa arop; tahpi paringoh rih eam boguna ahkan ngomburi kojolikbolai kolunon.