Read Ot Danum 1 TESALONIKA 1 Bible Online

1 TESALONIKA 1 - Ot Danum bible

1 TESALONIKA 1

¹ Konduang-konduang ukup ang Tesalonika, ijo monjadi ukup ain Pohotala, Amai, tutang Tuhan Yesus Kristus. Ihkai, yorih Paulus, Silas tutang Timoteus moharap, keleh Pohotala nonga berkat tutang kosanang ahkan ihkam.

²Ihkai toturus norimakasih ahkan Pohotala, tului Konduang paringoh. Nyinong tikat ihkai bodo'a ahkan Pohotala tutang, Amai ihto, ihkai toturus mingat ihkam. Ihkai toturus mondo'akan'kam. Ihkai ngingat koloukuwoh ihkam pokarah a'ang konuan, ijo ihkam porocaya ahkan Kristus, koloukuwoh ihkam ngasi ulun bohkon nyiring mohalu iro. Tutang koloukuwoh ihkam boharap honong tehen ahkan Tuhan ihto Yesus Kristus.

⁴Ihkai ta'an, Konduang-konduang, ijo Pohotala mongasih ihkam tutang ius mitih ihkam monjadi ulun-Aiu ijo khusus.

⁵Kotului ihkai monyiar Kabar Hinut ahkan'kam, eam hapan tuhtui-tuhtui iou, tahpi ka'a umba kowasa tutang umba Roh Pohotala. Tutang ihkai yahkin sino ahkan komorong tahkan Kabar Hinut rih. Ihkam ta'an koloukuwoh ihkai bolum ahkan kogunan'kam, kotihka ihkai anai ang tohun-tohun ihkam.

⁶ Ihkam nutut sutun ihkai tutang sutun Tuhan. Oluka ihkam paham ngarot, ihkam noharang hawui jorih borihta ijo ihkai mborihtaoh ahkan'kam. Kojorih orih tononga bain Roh Pohotala.

⁷Umba orih ihkam monjadi sutu ahkan paring ulun Kristen ijo ang Makedonia tutang Akhaya.

⁸Kotului nopara tahkan ihkam, borihta tohou Tuhan, jari tosiar nyiring nokuh Makedonia tutang Akhaya. Tutang eam tihkas orih iou, mahihino borihta tohou koloukuwoh ihkam porocaya, umba Pohotala jari johcok nokuh umoh-umoh, nyiring ihkai eam porulu hino nuhtui ino-inon.

⁹Paring ulun rih bopander, tohou koloukuwoh ihkam monorima ihkai, kotihka ihkai lomoi lombut ahkan'kam. Iro mander tohou koloukuwoh ihkam nohtah dewa-dewa, tutang lombut ahkan tihkas-ihcooh Pohotala ijo bolum ahkan tehen umba Io.

¹⁰Iro mander ka'a, tohou koloukuwoh ihkam moharapoh polombut Anak Pohotala tahkan soruga, yorih Yesus, ijo jari tonombolum bain Pohotala tahkan popahtoi. Yesus orihrih ka'a ijo monyolamat ihto tahkan kosingin Pohotala ijo ahkan lombut.