Read Ot Danum 2 TESALONIKA 2 Bible Online

2 TESALONIKA 2 - Ot Danum bible

2 TESALONIKA 2

¹ Tohou polombut Tuhan ihto Yesus Kristus tutang tohou ahkan tomupungoh ihto ahkan mohcon hihco Io, tuhrih ijo ahku nyawot hawui paham umba ihkam.

²A'ai jele-jeleng bingung, ata'ai golisah kotului anai borihta ijo jari johcok ondou-Oh Tuhan Yesus lombut hoduli. Punatou borihta rih pahtukoh tahkan ihco tujum; ata'ai tahkan ihco ajaran; ata'ai toujadi anai ijo nuhtui ijo ihkai pu'u nyurat ijo kodorih ang luwang ihco surat 'kai.

³Koloukuwoh ka ka'a, ara mohonou ulun monihpu ihkam. Kotului sounumba palombut Ondou Tuhan rih, harusrih nyolung hal tuh labih houn: Aro ulun ahkan murtad, ngobele Kristus, tutang kolunon Ja'at ijo tonakdir ahkan nyolong nokuh norahka, ahkan mopokarah aropoh.

⁴ Honong bojuhu io ahkan molawan tutang ngoisung arop-Oh, ang ngosan paring ijo tonyembah bain ulun, ata'ai paring hotala ijo iro ngohuoh Pohotala bain kolunon. Dahang io ahkan tuot ang luwang Lohpou Pohotala tutang momborihta ijo Io anairih pohotala.

⁵Ingatrih ijo ahku jari pu'u mborihta paringoh rih ang ohkot ahku magun hihco ihkam.

⁶Tutang ihkam kota'an, inon ijo huntuh, magun monahan nyolungoh paringoh rih. Noin aang ohkot ijo jari tonahtap bain Pohotala. Kolunon Ja'at rih ahkan lombut.

⁷Koba'as ijo monggawi koja'at orih jari nopara bogawi, cara bosuhu-suhuk, tahpi magun tonaha-nahan. Noin amat ijo monahanoh orih jari tonosaro,

⁸ punai gihtan kolunon Ja'at orih rih. Mahka mira Tuhan Yesus lombut, Io ahkan munu kolunon ja'at orih umba hasong tahkan baui-Oh, tutang morusakoh umba korolondang polombut-Oh.

⁹ Kolunon ja'at orih ahkan lombut umba ihco kowasa ijo hajo tahkan Sehtan. Io ahkan monapa kokaro mahcam kahtahelan tutang hal-hal luar biasa ijo tuwi umba karon-alik.

¹⁰Io ahkan mongguna kokaro tipu muslihat ijo ja'at, ahkan monyosat ulun-ulun ijo ahkan binasa. Iro ahkan binasa kotului nulak, tutang eam rajin umba borihta ijo tu'u tahkan Pohotala ijo dahpot nyolamat iro.

¹¹Orihrih kotuluioh Pohotala mopolombut aang iro ihco kowasa ijo monyosat nyiring iro porocaya ahkan inon ijo eam morong.

¹²Akibatoh, paring ulun ijo jolik ahkan dusa, tutang eam porocaya umba ijo morong rih, ahkan tonohukum.

¹³Konduang-konduang ijo tonokasih Tuhan! Toturus ihkai harus, ngohawot torimakasih ahkan Pohotala tohou ihkam, tului tahkan pahtuk-Oh Pohotala, jari mitih ihkam ahkan tonyolamat. Hal orih rih nyolung bain inon ijo tonguan Roh Pohotala ang ihkam, ahkan ngonjorian ihkam ukup Pohotala ijo borasih, tutang bain kotului ihkam porocaya umba Kabar ijo morong tahkan Pohotala.

¹⁴Ahkan orihrih Pohotala na'ah ihkam nguha Kabar Hinut ijo ihkai mborihta-Oh ahkan'kam. Pohotala na'ah ihkam, kotului Io kani, mangat ihkam umba nginyam kohajon Tuhan ihto Yesus Kristus.

¹⁵Bain Kotului orih, Konduang-konduang, tombok segah tutang nambit hototurus ahkan ajaran-ajaran, ijo jari ihkai nonga ahkan'kam pios socara tuhtui oluka socara surat.

¹⁶Keleh Tuhan ihto Yesus Kristus bongoi, tutang Pohotala, Amai ihto, nonga ampung tutang koba'as ang ahtoi'kam, mangat ihkam duon bogawi tutang mborihta inon ijo pios. Tului Pohotala ngasi ihto, tutang tului kohinut ahtoi-Oh, Io napa ihto tohtap tabah hawui bokoharap umba ijo hinut.