Read Ot Danum 1 TIMOTEUS 2 Bible Online

1 TIMOTEUS 2 - Ot Danum bible

1 TIMOTEUS 2

¹Pahtu-pahtukoh, ahku nyawot honong paham, mangat sawot, sombayang, tutang do'a sapa'at hawui kohawot torimakasih tonyapai ahkan Pohotala ahkan paring ulun,

²ahkan lahca-lahca, tutang ahkan paring ulun ijo nambit kowasa. Nyawotrih, mangat ihto duon bolum teneng tutang tentram ahkan Pohotala umba hadat ijo pahtut.

³Orihrih ijo pios tutang ngojorih ahtoi Pohotala, Ponyolamat ihto.

⁴Io kani, mangat paring ulun tonyolamat, tutang ngota'an ijo morong.

⁵Kotului, tihkas anai ihco Pohotala, tutang tihkas anai ihco ulun poholat, holat Pohotala umba ulunkolunon, yorih Kristus Yesus.

⁶Io ihcobehti kolunon, ijo jari monyarah arop-Oh ahkan momordehka paring ulun, tahkan kahut dusa-dusan iro. Umba orih Pohotala ngorinah aang ohkot ijo metuk, ijo Io jolik mangat paring ulun tonyolamatrih.

⁷ Tutang orihrih kotuluioh, ahku tonyuhu tulak nokuh ulun-ulun bohkon Yahudi mangat mborihta ahkan iro borihta tohou koporocaya ijo morong. Ijo ahku monyiaroh tuh anairih morong, ahku eam ngobalik.

⁸Ahku kani mangat ang umoh ka ka'a barih bahkas bodo'a umba ahtoi ijo borasih, earo kosangit ata'ai kopaut.

⁹ Hondakrih ka'a barih bawi mokahjan aropoh honong sederhana, tutang hapa pokahjan ijo pantas. Ara hapa tohtok balou ijo molobien, ata'ai pokahjan-pokahjan bulou ata'ai itan, ata'ai pokahjan ijo hajo regaioh.

¹⁰Sobalikoh ulunbawi pios mokahjan aropoh umba gawi-gawi ijo pios, koloukuwoh ijo pahtut ahkan ulunbawi ijo sombayang ahkan Pohotala.

¹¹Ulunbawi harus bajar, hawui nonih aropoh, tutang ponumbun.

¹²Ahku eam ngomorong ulunbawi majar, ata'ai ka moretah ulunbahkas; iro harus tonih.

¹³ Tului ijo pahtu-pahtuk tonapa bain Pohotala anairih Adam, pongohuli punai Hawa.

¹⁴ Tutang eamoh Adam, molekan ulunbawi ijo totihpu, nyiring molanggar poretah Pohotala.

¹⁵Oluka kodorih, ulunbawi ahkan solamat kotului nganak anak, asar io honong randah ahtoi, tehtep porocaya umba Kristus, tutang tehtep ngasih ulun bohkon, hawui bolum khusus ahkan Pohotala.