Read Ot Danum IBRANI 13 Bible Online

IBRANI 13 - Ot Danum bible

IBRANI 13

¹Hondakrih ihkam bokehtep hosita ihco sama 'jobohkon kolou ulun-ulun Kristen ijo hokonduang.

² Ara mihkoh norima ang lohpou'mu ulun-ulun ijo jaha ihkam kosono. Tului honong nguan ijo kolourih, pu'u ulun, earo ngorondongoh, jari norima molehkat ang lohpouoh.

³Ingatrih ulun-ulun ijo ang luwang sipir, koloujahka ihkam ka'a anai ang luwang sipir hihco iro. Tutang ulun-ulun, ijo kononguanbainulun sokohondak'ndo, hondakrih ihkam mingat umba iro, koloujahka ihkam ka'a kononguanbainulun kolourih.

⁴Paring ulun harus nunjuk sikap horomat, toharep pongawin, orih kotuluioh hondakrih bosai-oruh, te'et ihco sama'jobohkon. Ulun ijo kihal tutang ulun ijo hobandung, ahkan tomosara bain Pohotala.

⁵ Ara pombolum'kam tongowasa, bain sinta ahkan duit, tahpi hondakrih ihkam sukup umba inon ijo anai aang'kam. Kotului Pohotala ius nuhtui, ‘‘Ahku eam mohonau ata'ai ahkan nohtah ihko.’’

⁶ Tului rih ihto bohanyi nuhtui, ‘‘Tuhan orih rih anai Pondohop'ku ahku eam mihkoh. Inon ijo tou ulun nguai toharep ahku?’’

⁷Ara nolingou umba okon-okon'kam ijo monyorihta pohtoh Pohotala ahkan'kam. Nohtoani rih koloukuwoh iro bolum, tutang koloukuwoh iro mahtoi, tutang nyuturih koporocaya iro.

⁸Yesus Kristus tohtap sama, pios lomoi, uhuntuh, tutang nyiring turus-jahamoh.

⁹Ara mohonau kokaro mahcam ajaran ijo helan-helan monyosat ihkam. Ahtoi ihto harus tonomba'as bain kohinut ahtoi Pohotala, orihrih ijo pios; ara bain poroturan-poroturan tohou ukun. Ulun-ulun ijo lomoi monte'et poroturan-poroturan rih eam ngondahpot paedahoh.

¹⁰Ihto anaingina ijo kobawak mesbeh unuk monyorah porahpah ahkan Pohotala. Tutang imam-imam ijo mohalu ang luwang Kemah Tuhan, eam bohak kuman porahpah ijo anai ang ngosan mesbeh rih.

¹¹ Dahan ohcin ijo nyorah kolou porahpah ahkan pongapun dusa, konomin bain imam hajo nokuh Ruang Paling Borasih, tahpi otun ohcin rih bongoi tomahpong ang luar kemah.

¹²Orihrih kotuluioh Yesus ka'a mahtoi ang luar bauntukang lowu ahkan muhi ukup-Oh tahkan dusa umba daha-Oh bongoi.

¹³Tului rih, olai ihto tulak nokuh Io ijo ang luar puloukemah tutang umba tonohina homboh Io.

¹⁴Tului ang tana, eam aro unuk mohcon ijo kototahiu ahkan ihto; ihto ngurah unuk mohcon ijo ahkan lombut.

¹⁵Kotului rih, honong poholat Yesus, hondakrih ihto toturus monyanyi tara ahkan Pohotala; orih samakolou porahpah torimakasih ihto ahkai-Oh, ijo ihto monyorah nguha auh biwih ahkan mohoromat arai-Oh.

¹⁶Ara nolingou, nguan ang pios, tutang saling hodohop, tului jituh porahpah-porahpah, ijo ngojorih ahtoi Pohotala.

¹⁷Umba rih poretah okon-okon, tutang tunduk umba iro. Kotului iro toturus nohtoani homboruan'kam, tutang iro pahtut nanggung-jawab ahkan Pohotala. Amat ihkam te'et ahkan iro, iro dapot bogawi honong sanang ahtoi; amat eam, mahka iro ahkan bogawi umba poros ahtoi, tutang orih eam nongautung ahkan ihkam.

¹⁸Toturus iou bodo'a ahkan ihkai. Ihkai yakin ahtoi bua ihkai brasih, kotului aang karo hal ihkai turus kani nguan inon ijo morong.

¹⁹Khususoh ahku nyawot honong paham, mangat ihkam mondo'a ahku mangat Pohotala jion ngomin ahku buli umba'kam.

²⁰Pohotala ius mombalum Tuhan ihto Yesus Kristus, tahkan popahtoi. Tului popahtoi-Oh rih Io huntuh monjadi Sokahtik Hajo bagi ihto, yorih tobiri-tobiri-Oh. Popahtoi-Oh rih ka'a monsah bowot kototahiu ijo konuan Pohotala umba ihto.

²¹Keleh Pohotala tohasak kosanang orih monyuhkup ihkam umba kokaron ijo hinut ijo ihkam poruluoh ahkan nguan kohondak-Oh. Keleh hawui nguha Yesus Kristus, Pohotala bogawi ang luwang ihto, inon ijo tongojolik-Oh. Hondakrih Kristus tomohoromat turus-jahamoh. Amen.

²²Ahku nyawot mangat ihkam nohtoani tingak-tingak'ku tuh hawui sabar, bain surat'ku tuh eam dalau ombu.

²³Kopahtutoh ihkam kota'an ijo konduang ihto Timoteus jari bolua tahkan sipir. Amat io jari nokuh unuk'ku tuh ahku ahkan ngomin io ohkot ahku masap ihkam noin.

²⁴Nyiarohrih tahben ihkai ahkan paring okon'kam tutang ahkan paring ukup Pohotala. Torima ka'a tabe tahkan konduang-konduang ang Italia.

²⁵Pios Tuhan mborehkat Konduang paringoh.