Read Ot Danum IBRANI 8 Bible Online

IBRANI 8 - Ot Danum bible

IBRANI 8

¹ Pu'un tahkan paring pander tuh, iorih: Ihto anai tepun Imam Hajo ijo kolourih, ijo tuot moretah homboh Pohotala Paling Hajo ang soruga.

²Io monguan gawi kolou Imam Hajo ang Ruang Palingborasih, yorih ang luwang Kemah Tuhan ijo sojahti, ijo tonombok bain Tuhan, eam bain ulun.

³Nyinong imam hajo tonuot ahkan nyorah porahpah ata'ai ponyorahan ahkan Pohotala. Kolourih ka'a Imam Hajo ihto; Io harus tepun angihco ahkan tonosorahoh.

⁴Jahkaohtou Io anai ang kolunon tuh, Io eam ahkan monjadi imam, kotului jari anai imam ijo monyorah porahpah ijo tonyawot ang hadat agama Yahudi.

⁵ Gawi ijo iro nguaioh kolou imam rih, kotu'uioh tihkas ihco gambar tutang kokolingon tahkan inon ijo anai ang soruga. Orih jari tomborihta bain Pohotala ahkan Museh lomoi, kotihka Museh kani nombok Kemah Tuhan. Pohotala nuhtui koloutuh ahkan Museh, ‘‘Ingat! Paringoh tuh harusrih ihkonguai numbun sutu ijo tongorinah ahkan'kam ang ngosan puruk.’’

⁶Tahpi huntuh Yesus dahpot tugas imam ijo mahcu labih horomat tahkanumba ijo konuan bain imam-imam rih. Kotului bowot ijo tonapa-Oh holat Pohotala tutang kolunon, anairih bowot ijo labih pios kotului hogalang bowot ahkan hal-hal ijo labih pios.

⁷Jahkatou eam anai kotahpasoh aang bowot ijo pahtuk, mahka eam gunaioh tonapa bowot ijo koduooh.

⁸ Tahpi Pohotala jari nyombang kosalaioh ang ukupoh nyiring Pohotala nuhtui: ‘‘Ingat, ahkan lombut ohkotoh, Ahku ahkan nyodia bowot ijo bohua, umba uhtus Israel, tutang umba uhtus Yuda.

⁹Eam kolou bowot ijo Ahku nguai umba tahtu ajuh iro, ang ohkot Ahku niting iro, soluka tahkan tanah Misir. Iro eam te'et umba bowot ijo Ahku napa umba iro, orihrih kotuluioh Ahku eam nohtoani iro.

¹⁰Tahpi huntuh, tuhrih bowot ijo ahkan Ahku nguai umba ukup Israel, ang ondou-ondou ijo ahkan lombut hion Tuhan: Ahku ahkan ngina hukum-Ku ahkan luwang tiruk iro tutang nyuratoh aang ahtoi iro, Ahku ahkan monjadi Pohotalan iro, tutang iro ahkan monjadi ukup-Ku.

¹¹Iro eam usah majar injah-jolahaioh ata'ai mborihta ahkan konduangoh ‘Kosono bewe Tuhan.’ Tului iro paring, hajo, koik, ahkan kosono Ahku.

¹²Ahku ahkan ngapun kosalan-kosalan iro tutang eam mingat huli dusa-dusan iro.’’

¹³Honong monyapaioh angihco bowot ijo bohua, Pohotala monapa bowot ijo pahtukoh rih, monjadi rutus tutang usang; tutang inon ijo jari rutus, ahkan jeleng hino dilap.