Read Ot Danum YAKOBUS 1 Bible Online

YAKOBUS 1 - Ot Danum bible

YAKOBUS 1

¹ Konduang-konduang ukup Pohotala paringoh ijo kosoburan ang sohapus kolunon! Tahbe tahkan ahku, Yakobus, jihpon Pohotala tutang jihpon Tuhan Yesus Kristus.

²Konduang-konduang! Amat ihkam nyuru mahca-mahcam ujian, hondakrih ihkam komo borutung.

³Bain ihkam ta'an, ijo amat ihkam tohtap porocaya umba Tuhan ang ohkot nyuru ujian, akibatoh, iorih; ihkam monjadi tabah.

⁴Jagarih mangat kotabah ahtoi'mu rih, turus mondahang nyiring ihkam tu'u-tu'u soporuna, hawui eam kotahpas a'ang hal inon ka.

⁵Amat anai ihcobehti ang louk'kam ijo kurang pihtar, hondakrih io nyawotoh tahkan Pohotala, mahka Pohotala ahkan nonga kopihtaran ahkaioh; kotului ahkan nyinong ulun, Pohotala nonga umba murah ahtoi tutang umba pokomo kasihsayang.

⁶Tahpi ulun ijo nyawot, harus porocaya; io eam tou ragu-ragu. Kotului ulun ijo ragu-ragu anairih kolou luhcak ang laut ijo tonahpi bahiou nokuh anan nokuh ohtoi.

⁷Ulun ijo kolourih eam tahtap tirukoh; io eam duon mongomin koputusan ino-inon a'ang kokaron ang'co ijo kunuaioh. Tului orih, eam usah ka'a io moharap ahkan duon ino-inon tahkan Tuhan.

⁹Ulun Kristen ijo porosbolum, kopiosoh nginyam kojorih, amat Pohotala ngahtangoh.

¹⁰ Tutang ulun Kristen ijo tahtou, hondakrih nginyam kojorih ka'a, amat Pohotala mopopindaoh. Bain ulun tahtou ahkan dilap kolou dolak uru.

¹¹Aang ohkot mahtanondou lombut honong kopodih ijo monyahap, mahka uru rih ahkan monjadi bolanyu nyiring ngonyahturih dolakoh, tutang nihau hino kobohinoioh. Kolorih ka'a umba ulun ijo tahtou; io ahkan luhtek, ang ohkot io hun nguan karonang gawiuoh.

¹²Kosanangrih ulun ijo tabah, ang ohkot io nyuru tihkos. Kotului uli io bohasir botahan a'ang tihkos rih, io ahkan norima upahoh, io rih pombolum ijo jari nobowot Pohotala ahkan ulun-ulun ijo ngasih Pohotala.

¹³Amat ihcobehti tobujuk bain tihkos ijo mahcam orih, ara io homouh, ‘‘Bujukan tuh lombut tahkan Pohotala,’’ tului Pohotala eam dahpot tonobujuk bain koja'at, tutang eam ka'a nihkos ihcobehti ka.

¹⁴Tahpi ulun ijo tobujuk, amat io tonguhut tutang tojorat bain kojolikoh bongoi ijo ja'at.

¹⁵Pongohuli, amat kojolik ijo ja'at rih tonumbunrih mahka nganak dusa; tutang amat dusa jari botuo, mahka akibatoh iorih popahtoi.

¹⁶Ara ihkam totihpu, Konduang-konduang'ku ijo tongasih.

¹⁷Nyinong pononga ijo pios, tutang hadiah ijo soporuna, lombutoh tahkan soruga, tonosuluh bain Pohotala, Pona'oi kokaro koloang ang langit. Io rih Pohotala ijo eam boubah, tutang eam hino kotuluirih kopindong inon ka.

¹⁸Ngosan konohuang-Oh bongoi, Io ngojorian ihto anak-anak-Oh nguha auh-Oh ijo morong. Io monguanohrih, mangat ihto ngondahpot unuk ijo mbahtang ang louk paring angbolum ijo tona'oi-Oh.

¹⁹Nohtoaniohrih tuh pio-pios, Konduang-konduang ijo tonokasih. Nyinong ulun harus bojoin ahkan ngonih, tahpi borakah ahkan nuhtui, tutang borakah ahkan bosingi.

²⁰Ulun ijo bosingi, eam dahpot nguan ijo hinut, ijo ngojorih ahtoi Pohotala.

²¹Tului rih, dianrih nyinong kopahtuh ijo kojilok tutang ja'at. Torimarih umba randah ahtoi auh ijo tonombolam bain Pohotala ang luwang ahtoi'mu, kotului auh rih anaingina koba'as ahkan nyolamat ihkam.

²²Kohandakrih ihkam nguanrih inon ijo tonuhtui bain Pohotala, ara baya ngonihoh iou, nyiring hawui kolouorih ihkam monihpu arop bongon.

²³Ulun ijo ngonih auh Pohotala, tahpi eam molalusoh, anairih kolou ulun ijo rahat nopahjah bauioh ijo komorongoh ang soramin.

²⁴Limbah io nopahjahoh pio-pios, io ka'a tulak tutang turus nolingou koloukuwoh bauioh rih.

²⁵Hukum Pohotala soporuna, tutang anaingina koba'as ahkan momorodehka kolunon. Tutang ulun ijo monoliti tutang nohtoani pio-pios hawui molalusoh hukum-hukum rih, tutang eamoh ngonih iou turus nolingouoh, ulun rih ahkan ponorehkat Pohotala a'ang nyinong hal ijo tonguaioh.

²⁶Amat anai ihcobehti, ijo ngomo aropoh ihcobehti ijo te'et boagama, tahpi io eam monjaga ilatoh, mahka io ngobula aropoh bongoi; sombayangoh eam anai gunaioh.

²⁷Kote'et boagama, ijo borasih tutang sojahti numbun topahjah Pohotala, Amai iorih; mondohop anak-anak nulo uhus tutang balu-balu ijo ngarot, tutang monjaga arop bongon mangat ara tonorusak bain kolunon tuh.