Read Ot Danum PONGORINAH 10 Bible Online

PONGORINAH 10 - Ot Danum bible

PONGORINAH 10

¹Turus ahku nohto ihcobehti molehkat mamut ijo bohkon nosuluh tahkan soruga. Io tongolindung bounondou tutang 'cobarih liu ngolikang kuhungoh. Bauioh momancar kolou mahtanondou, tutang pa'ai kolou buhtup baho.

²Ang longoioh, anai ihco kobalun surat koik ijo bokuap. Pa'ai koto'uioh botihcak ang tasik, tutang pa'ai komuloioh botihcak ang diangtana.

³Turus io na'ah umba auh ijo muhing kolou mongaumoh singa-singa. Uli molehkat rih na'ah, kopihtu duhung mutah umba auh ngorutung.

⁴Kolourih kopihtu duhung rih homauh, ahku kani moncatatoh, tahpi ahku ngonih auh tahkan soruga nuhtui, ‘‘Rahasiaohrih inon ijo tonuhtui bain kopihtu duhung rih; ara moncatatoh!’’

⁵ Turus molehkat ijo ahku nohtooh botihcak ang tasik tutang ang diangtana rih, ngahtang longoi koto'uioh nokuh langit.

⁶Io botulut hapa aran Pohotala ijo bolum turus-jahamoh, ijo naoi langit, tana tutang tasik, umba kokaro ang'co, ijo anai ang luwangoh. Molehkat rih nuhtui, ‘‘Ohkotoh eam ahkan tonguhut hino!

⁷Tahpi amatmira molehkat kopihtuoh mohpos sorunaioh, Pohotala ahkan molalus rancana rahasia-Oh, kolou ijo jari Io mborihtaoh ahkan jihpoi-jihpoi-Oh, yorih dolang nabi.’’

⁸ Pongohuli auh ijo jari ahku ngonih tahkan soruga rih, pander hino umba ahku. Io nuhtui, ‘‘Tulakiou, omin balun buhku ijo bokuap, ang longon molehkat ijo monihcak ang tasik tutang ang diangtana rih.’’

⁹Mahka ahku ka tulak, nokuh molehkat rih, tutang nyawot, mangat io nonga balun koik rih ahkak'ku. Io mutah, ‘‘Ominrih tutang kumairih tuh. Ang luwang butui'mu io ahkan monjadi poit, tahpi ang luwang nyaman'mu io manih kolou oling.’’

¹⁰Ahku ngomin balun koik rih tahkan longoioh turus kumaioh. Ang nyamak anyamoh kolou oling, tahpi uli ahku nolonoh, ang luwang butui'ku io monjadi poit.

¹¹Pongohino ahku tonyuhu, ‘‘Nyiariourih sino hino borihta tahkan Pohotala tohou uhtus-uhtus, nogara-nogara, basa-basa, tutang lahca-lahca.’’