Read O‘zbek tilidagi Muqaddas Kitob, 2013 Ibtido 36 Bible Online

Ibtido 36 - O‘zbek tilidagi Muqaddas Kitob, 2013 bible

Ibtido 36

¹Esovning nasl–nasabi tarixi quyidagichadir (u Edom ismi bilan taniqli):

²Esov Kan’onlik qizlarga uylangan edi. Birinchi xotinining ismi Oida bo‘lib, Xet xalqidan Elo‘n deganning qizi edi. Ikkinchisiniki Oxolibom bo‘lib, Xiv xalqidan Anah deganning qizi edi. Bobosining ismi Zibo‘n edi.

³Uchinchi xotinining ismi Bosimat bo‘lib, Ismoilning qizi edi. Qizning Navayot degan akasi bor edi.

⁴Esov Oidadan Elifaz degan o‘g‘lini ko‘rdi. Bosimatdan Ruvel degan o‘g‘lini ko‘rdi.

⁵Oxolibomdan Yoush, Yalom va Ko‘rax degan o‘g‘illarini ko‘rdi. Esovning Kan’on yurtida tug‘ilgan o‘g‘illari ana shulardir.

⁶So‘ngra Esov xotinlarini, bolalarini, xonadonidagi hamma odamlarini, podasiyu suruvlarini, Kan’on yurtida topgan jamiki boyliklarini olib, ukasi Yoqubdan uzoqroq yerga ko‘chib ketdi.

⁷Ikkovining podalari va suruvlari benihoya ko‘p bo‘lganidan, yer torlik qilib qolgan edi.

⁸Shuning uchun Esov, ya’ni Edom, Seir tog‘lariga [1] borib o‘rnashdi.

⁹Seir tog‘laridagi Edom xalqining ota–bobosi Esovning nasl–nasabi mana bulardir:

¹⁰Esovning o‘g‘illari quyidagilardir: xotini Oidadan tug‘ilgan o‘g‘li Elifaz, Bosimatdan tug‘ilgan o‘g‘li Ruvel.

¹¹Elifazning o‘g‘illari ismi Temon, O‘mar, Zafo‘, Gatam va Xanaz edi.

¹²Elifazning Timna degan cho‘risi [2] bor edi. O‘sha cho‘risidan ham o‘g‘il ko‘rib, ismini Omolek qo‘ydi. Esovning Oidadan ko‘rgan nabiralari ana shular edi.

¹³Ruvelning o‘g‘illari ismi Naxat, Zerax, Shammox va Mizzo edi. Bular Esovning xotini Bosimatning nabiralari edi.

¹⁴Esov Anahning qizi Oxolibomdan ham uchta o‘g‘il ko‘rgan edi. O‘g‘illarining ismi Yoush, Yalom va Ko‘rax edi.

¹⁵Esovning o‘g‘illari va nabiralari quyidagi urug‘larning yo‘lboshchilari bo‘ldilar: Esovning to‘ng‘ich o‘g‘li Elifazning o‘g‘illari quyidagi urug‘larning yo‘lboshchilari bo‘ldilar: Temon, O‘mar, Zafo‘, Xanaz,

¹⁶Ko‘rax, Gatam va Omolek urug‘lari. Edom yurtidagi bu urug‘lar Esovning xotini Oidadan paydo bo‘lgan edi.

¹⁷Esov o‘g‘li Ruvelning o‘g‘illari quyidagi urug‘larning yo‘lboshchilari bo‘ldilar: Naxat, Zerax, Shammox va Mizzo urug‘lari. Edom yurtidagi bu urug‘lar Esovning xotini Bosimatdan paydo bo‘lgan edi.

¹⁸Esovning xotini Oxolibomdan ko‘rgan o‘g‘illari quyidagi urug‘larning yo‘lboshchilari bo‘ldilar: Yoush, Yalom va Ko‘rax urug‘lari. Oxolibomning otasi Anah edi.

¹⁹Esovdan (ya’ni Edom) kelib chiqqan urug‘larning hammasi ana shulardir.

²⁰[20-21] Edom yurtining tub aholisi qabilalarga bo‘lingan edi. Bu qabilalarning ota–bobosi Seir degan odam bo‘lib, u Xorim xalqidan edi. Seirning quyidagi nasllari urug‘larga asos soldi: Lo‘ton, Sho‘val, Zibo‘n, Anah, Dishon, Ezer va Dishan.

²²Lo‘tonning o‘g‘illari ismi Xo‘ri va Xo‘mam [3] edi. Lo‘tonning Timna degan singlisi ham bor edi.

²³Sho‘valning o‘g‘illari ismi Elvon, Monaxat, Ebal, Shafo va O‘nam edi.

²⁴Zibo‘nning o‘g‘illari ismi Oyo va Anah edi. Anah otasi Zibo‘nning eshaklarini boqib yurganda, sahroda issiq buloqlar [4] topgan edi.

²⁵Anahning o‘g‘li ismi Dishon edi. Anahning Oxolibom degan qizi ham bor edi.

²⁶Dishonning o‘g‘illari ismi Xamdon, Eshbon, Yitron va Xeron edi.

²⁷Ezerning o‘g‘illari ismi Bilxan, Zavon va Oqon edi.

²⁸Dishanning o‘g‘illari ismi Uz va Oron edi.

²⁹Shunday qilib, quyidagilar Xorim xalqi urug‘larining yo‘lboshchilari bo‘ldi: Lo‘ton, Sho‘val, Zibo‘n, Anah,

³⁰Dishon, Ezer va Dishan. Xorim xalqining urug‘lari Seir yurtida yashagan urug‘ yo‘lboshchilari nomi bilan yuritilgan.

³¹Isroilda shohlar bo‘lmasdan oldin, Edomda shohlar hukmronlik qilgan edi. Bu shohlar quyidagilardir:

³²Bavo‘r o‘g‘li Belax, u Dinxaba shahridan edi.

³³Belax vafot etgach, uning o‘rniga Zerax o‘g‘li Yo‘vov shoh bo‘ldi. U Bozrax shahridan edi.

³⁴Yo‘vov vafot etgandan keyin, uning o‘rniga Xushom shoh bo‘ldi. U Temon yurtidan edi.

³⁵Xushom vafot etgach, uning o‘rniga Badad o‘g‘li Hadad shoh bo‘ldi. U Obit shahridan edi. Hadad Mo‘ab yurtida Midiyon lashkarini qirib tashlagan edi.

³⁶Hadad vafot etgandan keyin, uning o‘rniga Samlo shoh bo‘ldi. U Masrixo shahridan edi.

³⁷Samlo vafot etgandan keyin, uning o‘rniga Shovul shoh bo‘ldi. U Furot daryosi [5] bo‘yidagi Rexobo‘t shahridan edi.

³⁸Shovul vafot etgandan keyin, uning o‘rniga Axbor o‘g‘li Baalxanon shoh bo‘ldi.

³⁹Baalxanon vafot etgandan keyin, uning o‘rniga Hadad [6] shoh bo‘ldi. U Pog‘u shahridan edi. Hadadning xotini Maxitaval edi, Maxitavalning otasi Matrid, bobosi Mezaxab edi.

⁴⁰Esov urug‘larining yo‘lboshchilari nomlari quyidagichadir: Timno, Elvo, Yetet,

⁴¹Oxolibom, Elox, Pinon,

⁴²Xanaz, Temon, Mivzar,

⁴³Maxdiyol va Irom. Edom xalqining ota–bobosi Esov urug‘larining nomlari ana shulardir. Har bir urug‘ o‘zi egallagan hududga o‘zining nomini bergan.