Read O‘zbek tilidagi Muqaddas Kitob, 2013 Ibtido 5 Bible Online

Ibtido 5 - O‘zbek tilidagi Muqaddas Kitob, 2013 bible

Ibtido 5

¹Odam Atoning nasl–nasabi tarixi quyidagichadir. Xudo inson zotini yaratganda, ularni O‘ziga o‘xshagan qilib yaratgan edi.

²Xudo insonlarni erkak va ayol qilib yaratdi. Xudo ularni yaratgandan keyin Inson, deb nom qo‘yib, ularga baraka berdi.

³Odam Ato 130 yoshida o‘g‘il ko‘rgan edi [1]. O‘g‘li otasining suratiday bo‘lib, unga o‘xshagan edi. Odam Ato o‘g‘liga Shis, deb ism qo‘ygan edi.

⁴Shis tug‘ilgandan keyin, Odam Ato 800 yil yashab, yana o‘g‘il–qizlar ko‘rdi.

⁵Odam Ato 930 yoshida olamdan o‘tdi.

⁶Shis 105 yoshida o‘g‘li Eno‘shni ko‘rgan edi [2].

⁷Eno‘sh tug‘ilgandan keyin, Shis 807 yil yashab, yana o‘g‘il–qizlar ko‘rdi.

⁸Shis 912 yoshida olamdan o‘tdi.

⁹Eno‘sh 90 yoshida o‘g‘li Xenanni ko‘rdi.

¹⁰Xenan tug‘ilgandan keyin, Eno‘sh 815 yil yashab, yana o‘g‘il–qizlar ko‘rdi.

¹¹Eno‘sh 905 yoshida olamdan o‘tdi.

¹²Xenan 70 yoshida o‘g‘li Maxaliyolni ko‘rdi.

¹³Maxaliyol tug‘ilgandan keyin, Xenan 840 yil yashab, yana o‘g‘il–qizlar ko‘rdi.

¹⁴Xenan 910 yoshida olamdan o‘tdi.

¹⁵Maxaliyol 65 yoshida o‘g‘li Yoredni ko‘rdi.

¹⁶Yored tug‘ilgandan keyin, Maxaliyol 830 yil yashab, yana o‘g‘il–qizlar ko‘rdi.

¹⁷Maxaliyol 895 yoshida olamdan o‘tdi.

¹⁸Yored 162 yoshida o‘g‘li Xano‘xni ko‘rdi.

¹⁹Xano‘x tug‘ilgandan keyin, Yored 800 yil yashab, yana o‘g‘il–qizlar ko‘rdi.

²⁰Yored 962 yoshida olamdan o‘tdi.

²¹Xano‘x 65 yoshida o‘g‘li Matushalohni ko‘rdi.

²²Matushaloh tug‘ilgandan keyin, Xano‘x 300 yil yashab, yana o‘g‘il–qizlar ko‘rdi. U umr bo‘yi Xudoga hamroh bo‘lib yashadi.

²³Xano‘x 365 yil umr ko‘rdi.

²⁴U butun umri davomida Xudoga hamroh bo‘lib yashab, oxiri, birdaniga g‘oyib bo‘lib qoldi, chunki Xudo uni olib ketgan edi.

²⁵Matushaloh 187 yoshida o‘g‘li Lamakni ko‘rdi.

²⁶Lamak tug‘ilgandan keyin, Matushaloh 782 yil yashab, yana o‘g‘il–qizlar ko‘rdi.

²⁷Matushaloh 969 yoshida olamdan o‘tdi.

²⁸Lamak 182 yoshida bir o‘g‘il ko‘rdi.

²⁹Lamak: “Egamiz bu yerni la’natlagan, endi yerga ishlov berganimizda, og‘ir ishlarimizni shu bola yengillashtirsin”, deb o‘g‘lining otini Nuh [3] qo‘ydi.

³⁰Nuh tug‘ilgandan keyin, Lamak 595 yil yashab, yana o‘g‘il–qizlar ko‘rdi.

³¹Lamak 777 yoshida olamdan o‘tdi.

³²Nuh 500 yoshdan o‘tgandan keyin Som, Xom va Yofas degan o‘g‘illarini ko‘rdi.