Read O‘zbek tilidagi Muqaddas Kitob, 2013 1 Solnomalar 4 Bible Online

1 Solnomalar 4 - O‘zbek tilidagi Muqaddas Kitob, 2013 bible

1 Solnomalar 4

¹Yahudoning Paraz, Xazron, Karmi, Xur va Sho‘val degan o‘g‘illari bor edi.

²Sho‘val o‘g‘li Rayodan Yaxat tug‘ildi. Yaxatdan Oximay va Lo‘had tug‘ildilar. Bular Zorox shahri aholisining ajdodlari edilar.

³[3-4] Xolib xotini Efratdan Xur ismli o‘g‘lini ko‘rdi. Xur onasi Efratning to‘ng‘ich o‘g‘li edi. Xurning avlodlari Baytlahm shahriga asos solgan edilar. Xurning Etom, Panuval va Eyzar degan o‘g‘illari bor edi. Etomning Yizril, Yishmo va Yidbosh ismli uch o‘g‘li va Xazaleylpo‘n ismli bir qizi bor edi. Panuval Gado‘r shahriga, Eyzar esa Xusha shahriga asos soldi.

⁵Taxuva shahriga asos solgan Ashxurning Xela va Naro ismli ikkita xotini bor edi.

⁶Ashxur Narodan to‘rtta o‘g‘il ko‘rdi. Ularning ismlari Oxizam, Xafer, Tamanax va Xaxashtori edi.

⁷Xotini Xeladan esa Zaret, Izxor va Etnan ismli uch o‘g‘il ko‘rdi.

⁸Kozning Onib va Zobeba degan o‘g‘illari bor edi. Koz Xarum o‘g‘li Oxarxel urug‘larining ajdodi edi.

⁹Yabiz ismli bir odam birodarlariga qaraganda baland obro‘ga ega edi. Onasi “Uni dard chekib tuqqanman”, deb ismini Yabiz qo‘ygan edi.

¹⁰Yabiz Isroilning Xudosiga shunday deb yolvordi: “Koshkiydi, Sen meni muborak qilib, hududimni kengaytirsang. Yonimda bo‘lib, meni dardga yo‘liqtirmay, kulfatdan saqlasang.” Xudo uning iltijolarini bajo qildi.

¹¹Shuxoning akasi Xalubdan Maxir tug‘ildi. Maxirdan Eshtun tug‘ildi.

¹²Eshtundan Baytrafa, Posiyox va Taxinno tug‘ildilar. Taxinno Naxosh shahriga asos soldi. Bularning avlodlari Raxada istiqomat qilardilar.

¹³Xanazning O‘tniyol bilan Sarayo degan ikki o‘g‘li bor edi. O‘tniyolning ham Xatat bilan Miyono‘tay degan ikki o‘g‘li bor edi.

¹⁴Miyono‘taydan O‘fra tug‘ildi. Sarayodan Yo‘ab tug‘ildi. Yo‘ab Hunarmandlar vodiysiga asos soldi. U yerda yashagan odamlarning hammasi hunarmand edi.

¹⁵Yafunax o‘g‘li Xolib uch o‘g‘il ko‘rdi. Ularning ismlari Iru, Elox va Nayam edi. Eloxdan Xanaz tug‘ildi.

¹⁶Yoxalilning Zif, Zifo, Tirayo va Osoriyol degan o‘g‘illari bor edi.

¹⁷Ezraxning Eter, Mirod, Ifar va Yolun degan o‘g‘illari bor edi. Mirod fir’avnning qizi Bitiyoga uylandi, ular Maryam ismli bir qiz hamda Shammay va Yishbox ismli ikki o‘g‘il ko‘rishdi. Yishbox Eshtamo‘va shahriga asos soldi.

¹⁸Mirod Yahudo qabilasidan o‘ziga yana bir xotin oldi. Bu xotinidan u Yored, Xaber va Yohutal ismli uch o‘g‘il ko‘rdi. Yored Gado‘r shahriga, Xaber So‘xu shahriga va Yohutal Zono‘vax shahriga asos soldilar.

¹⁹Xo‘diyo Naxamning singlisiga uylandi. Ulardan Keylaxda istiqomat qilgan Xarm urug‘i va Eshtamo‘vada istiqomat qilgan Maxo urug‘lari kelib chiqdi.

²⁰Shimonning Omno‘n, Rina, Banxanon va Tilo‘n degan o‘g‘illari bor edi. Yishining Zo‘xit va Banzo‘xit degan o‘g‘illari bor edi.

²¹Yahudoning Shelo ismli o‘g‘li ham bor edi. Sheloning nasli quyidagilardan tashkil topgan edi: Lexa shahrini qurgan G‘ur, Morisho shahrini qurgan Lado, Bayt–Ashbiya shahrida yashagan zig‘ir to‘quvchilarning urug‘i,

²²Yo‘xim va Xozeba shahrining aholisi. Yo‘sh va Soraf ham Sheloning naslidan kelib chiqqan edilar. Ular Mo‘ablik ayollarga uylanib, Baytlahm shahriga o‘rnashib olgan edilar. Bu ma’lumotlar qadimgi yozuvlardan olingan.

²³Shu naslga tegishli odamlar shoh saroyida kulollar sifatida xizmat qilib, Natayim va Gedera shaharlarida yashashardi.

²⁴Shimo‘nning Namuvol, Yomin, Yoriv, Zerax va Shovul ismli o‘g‘illari bor edi.

²⁵Shovulning Shallum degan o‘g‘li, Mivsom degan nabirasi va Mishmo degan chevarasi bor edi.

²⁶Mishmoning Xammuvol degan o‘g‘li, Zakkur ismli nabirasi va Shimax degan chevarasi bor edi.

²⁷Shimax o‘n olti o‘g‘il va olti qiz ko‘rdi. Lekin aka–ukalarining farzandlari kam bo‘lgani uchun Shimo‘n qabilasi, Yahudo qabilasi kabi, ko‘paymadi.

²⁸Shimo‘n nasli Bersheva, Mo‘lodax, Xazor–Shuval,

²⁹Bilxax, Ezam, To‘lad,

³⁰Batuval, Xo‘rmax, Zixlax,

³¹Bayt–Markobo‘t, Xazor–Susum, Bayt–Biriy va Sharayim shaharlarida istiqomat qilardilar. Dovud shoh bo‘lgunga qadar mana shu shaharlar Shimo‘n nasliga qarashli edi.

³²Ular yana Etom, Oyin, Rimmon, To‘xan va Oshon nomli beshta shaharda ham istiqomat qilardilar.

³³Janubi–g‘arbdagi Baal shahrigacha cho‘zilgan bu shaharlaru ularning atrofidagi hamma qishloqlar Shimo‘n nasliga qarashli edi. Ular shu joylarda yashab, o‘z nasabnoma ma’lumotlarini yozib qo‘ygan edilar.

³⁴[34-38] Quyidagilar Shimo‘n naslining urug‘boshilari edi: Mashuvov, Yamlax, Emoziyo o‘g‘li Yo‘sha, Yo‘el va Yo‘shyiviyo o‘g‘li Yohu. Yohu Sarayoning nevarasi, Osiyolning evarasi edi. Eliyo‘nay, Yaqo‘vo, Yoshuxayo, Osoyoh, Odil, Yesimil, Binayo va Shifi o‘g‘li Zizo ham Shimo‘n naslining urug‘boshilari edi. Zizo Elonning nevarasi, Yodiyoning evarasi, Shamayo o‘g‘li Shimrining chevarasi edi. Ularning urug‘lari nihoyatda ko‘paygani uchun

³⁹ular qo‘y–echkilariga yaylov axtarib, vodiyning sharqiy chetida joylashgan Gado‘r shahrigacha bordilar.

⁴⁰U yerdagi keng, tinch va osoyishta joylar ko‘m–ko‘k yaylovlarga boy ekanini ko‘rdilar. Bu yerlar azaldan Xom nasliga qarashli edi.

⁴¹Yahudo shohi Hizqiyo hukmronlik qilgan davrda yuqorida nomlari ro‘yxat qilingan Shimo‘n nasli Xom nasliga va ular orasida o‘rnashib olgan Munim urug‘iga hujum qildilar. Ularning hammasini bitta qoldirmay qirib tashladilar. U yerda qo‘ylar uchun yaylovlar ko‘p bo‘lgani uchun ularning joyiga o‘zlari o‘rnashib oldilar.

⁴²So‘ng Shimo‘n naslidan besh yuz kishi Yishining Pilatiyo, Nariyo, Rafiyo va Uziyol ismli to‘rt o‘g‘li boshchiligida Seir tog‘lariga borib,

⁴³Omolek naslining qolganlarini qirib tashladilar. Shimo‘n nasli bugunga qadar o‘sha joylarda yashab kelyapti.