Read O‘zbek tilidagi Muqaddas Kitob, 2013 1 Solnomalar 6 Bible Online

1 Solnomalar 6 - O‘zbek tilidagi Muqaddas Kitob, 2013 bible

1 Solnomalar 6

¹Levining o‘g‘illari Gershon, Qohot va Marori edi.

²Qohotning o‘g‘illari Imrom, Izxor, Xevron va Uziyol edi.

³Imromning Horun va Muso ismli ikki o‘g‘li va Maryam ismli bir qizi bor edi. Horunning o‘g‘illari Nadov, Abihu, Elazar va Itamar edi.

⁴Elazardan Finxaz tug‘ildi, Finxazdan Abushuva tug‘ildi,

⁵Abushuvadan Bukki tug‘ildi, Bukkidan Uzzi tug‘ildi,

⁶Uzzidan Zaraxiyo tug‘ildi, Zaraxiyodan Maroyo‘t tug‘ildi,

⁷Maroyo‘tdan Emoriyo tug‘ildi, Emoriyodan Oxitob tug‘ildi,

⁸Oxitobdan Zodo‘x tug‘ildi, Zodo‘xdan Oximas tug‘ildi,

⁹Oximasdan Ozariyo tug‘ildi, Ozariyodan Yo‘xanon tug‘ildi,

¹⁰Yo‘xanondan Ozariyo tug‘ildi. Ozariyo shoh Sulaymon Quddusda qurgan Ma’badda ruhoniy bo‘lib xizmat qilgan edi.

¹¹Ozariyodan Emoriyo tug‘ildi, Emoriyodan Oxitob tug‘ildi,

¹²Oxitobdan Zodo‘x tug‘ildi, Zodo‘xdan Shallum tug‘ildi,

¹³Shallumdan Xilqiyo tug‘ildi, Xilqiyodan Ozariyo tug‘ildi,

¹⁴Ozariyodan Sarayo tug‘ildi, Sarayodan Yohuzadax tug‘ildi.

¹⁵Egamiz shoh Navuxadnazar orqali Yahudo va Quddus xalqini surgun qilganda, Yohuzadax ham badarg‘a bo‘lgan edi.

¹⁶Levining o‘g‘illari Gershon, Qohot va Marori edi.

¹⁷Gershonning o‘g‘illari ismi Lubnax va Shimax edi.

¹⁸Qohotning o‘g‘illari Imrom, Izxor, Xevron va Uziyol edi.

¹⁹Marorining o‘g‘illari Maxli va Mushi edi. Ota xonadoniga ko‘ra, ro‘yxatga olingan Levi urug‘lari quyidagilardan iborat edi:

²⁰Gershon nasli quyidagilar edi: Gershondan Lubnax tug‘ildi, Lubnaxdan Yaxat tug‘ildi, Yaxatdan Zimmo tug‘ildi,

²¹Zimmodan Yo‘x tug‘ildi, Yo‘xdan Yiddo tug‘ildi, Yiddodan Zerax tug‘ildi, Zeraxdan Yotaray tug‘ildi.

²²Qohotning nasli quyidagilar edi: Qohotdan Ominadov tug‘ildi, Ominadovdan Ko‘rax tug‘ildi, Ko‘raxdan Asir tug‘ildi,

²³Asirdan Elqana tug‘ildi, Elqanadan Ebuasaf tug‘ildi, Ebuasafdan Asir tug‘ildi,

²⁴Asirdan Taxat tug‘ildi, Taxatdan Uriyol tug‘ildi, Uriyoldan Uzziyo tug‘ildi, Uzziyodan Shovul tug‘ildi.

²⁵Elqananing Emosay va Oximo‘t degan ikki o‘g‘li bor edi.

²⁶Oximo‘tdan Elqana tug‘ildi, Elqanadan Zo‘fay tug‘ildi, Zo‘faydan Naxat tug‘ildi,

²⁷Naxatdan Eliyob tug‘ildi, Eliyobdan Yeroxam tug‘ildi, Yeroxamdan Elqana tug‘ildi, Elqanadan Shomuil tug‘ildi.

²⁸Shomuilning ikki o‘g‘li bor edi, to‘ng‘ichining ismi Yo‘el, kenjasining ismi Abiyo edi.

²⁹Marorining nasli quyidagilar edi: Maroridan Maxli tug‘ildi, Maxlidan Lubnax tug‘ildi, Lubnaxdan Shimax tug‘ildi, Shimaxdan Uzzox tug‘ildi,

³⁰Uzzoxdan Shimo tug‘ildi, Shimodan Xaggiyo tug‘ildi, Xaggiyodan Osoyoh tug‘ildi.

³¹Ahd sandig‘i Egamizning uyiga kelgandan keyin, Dovud u yerdagi xizmatga sozandalar tayinlagandi.

³²Sulaymon Quddusda Egamizning uyini qurgunga qadar, ular Uchrashuv chodiri — Muqaddas chodir oldida qo‘shiq aytib xizmat qilishardi. O‘z xizmatini berilgan ko‘rsatmalar asosida ado etishardi.

³³U yerda xizmat qilgan odamlar quyidagi urug‘lardan edi: Qohot urug‘idan — qo‘shiqchi Xaman. Xamanning nasabnomasi quyidagicha edi: Xaman — Yo‘elning o‘g‘li, Yo‘el — Shomuilning o‘g‘li,

³⁴Shomuil — Elqananing o‘g‘li, Elqana — Yeroxamning o‘g‘li, Yeroxam — Elielning o‘g‘li, Eliel — To‘vaxning o‘g‘li,

³⁵To‘vax — Zufning o‘g‘li, Zuf — Elqananing o‘g‘li, Elqana — Maxatning o‘g‘li, Maxat — Emosayning o‘g‘li,

³⁶Emosay — Elqananing o‘g‘li, Elqana — Yo‘elning o‘g‘li, Yo‘el — Ozariyoning o‘g‘li, Ozariyo — Zafaniyoning o‘g‘li,

³⁷Zafaniyo — Taxatning o‘g‘li, Taxat — Asirning o‘g‘li, Asir — Ebuasafning o‘g‘li, Ebuasaf — Ko‘raxning o‘g‘li,

³⁸Ko‘rax — Izxorning o‘g‘li, Izxor — Qohotning o‘g‘li, Qohot — Levining o‘g‘li, Levi — Yoqubning o‘g‘li.

³⁹Xamanning Osif ismli qarindoshi uning o‘ng qo‘l yordamchisi edi. Osifning nasabnomasi quyidagicha edi: Osif — Barxiyoning o‘g‘li, Barxiyo — Shimoning o‘g‘li,

⁴⁰Shimo — Mikoyilning o‘g‘li, Mikoyil — Bosiyoning o‘g‘li, Bosiyo — Malkiyoning o‘g‘li,

⁴¹Malkiyo — Itnoning o‘g‘li, Itno — Zeraxning o‘g‘li, Zerax — Odayoning o‘g‘li,

⁴²Odayo — Etxanning o‘g‘li, Etxan — Zimmoning o‘g‘li, Zimmo — Shimaxning o‘g‘li,

⁴³Shimax — Yaxatning o‘g‘li, Yaxat —Gershonning o‘g‘li, Gershon — Levining o‘g‘li.

⁴⁴Xamanning chap qo‘l yordamchisi o‘z qarindoshi Etxan edi. U Marori urug‘idan edi. Etxanning nasabnomasi quyidagicha edi: Etxan — Xishining o‘g‘li, Xishi — Abdining o‘g‘li, Abdi — Malluxning o‘g‘li,

⁴⁵Mallux — Xashaviyoning o‘g‘li, Xashaviyo — Emoziyoning o‘g‘li, Emoziyo — Xilqiyoning o‘g‘li,

⁴⁶Xilqiyo — Omzining o‘g‘li, Omzi — Banixning o‘g‘li, Banix — Shamerning o‘g‘li,

⁴⁷Shamer — Maxlining o‘g‘li, Maxli — Mushining o‘g‘li, Mushi — Marorining o‘g‘li, Marori — Levining o‘g‘li.

⁴⁸Levi qabilasining qolgan a’zolari Xudoning uyidagi boshqa hamma xizmatga tayinlangan edilar.

⁴⁹Faqat Horun va uning nasli qurbongohda qurbonlik kuydirib, xushbo‘y tutatqi qurbongohida tutatqi tutatishlari mumkin edi. Ular Eng muqaddas xonadagi barcha xizmatni ado etib, Xudoning quli Muso bergan hamma buyruqlarga ko‘ra, Isroil xalqini gunohdan poklar edilar.

⁵⁰Horunning nasli quyidagilar edi: Horunning o‘g‘li — Elazar, Elazarning o‘g‘li — Finxaz, Finxazning o‘g‘li — Abushuva,

⁵¹Abushuvaning o‘g‘li — Bukki, Bukkining o‘g‘li — Uzzi, Uzzining o‘g‘li — Zaraxiyo,

⁵²Zaraxiyoning o‘g‘li — Maroyo‘t, Maroyo‘tning o‘g‘li — Emoriyo, Emoriyoning o‘g‘li — Oxitob,

⁵³Oxitobning o‘g‘li — Zodo‘x, Zodo‘xning o‘g‘li — Oximas.

⁵⁴Levilarga ajratilgan shaharlardan birinchi bo‘lib Qohot urug‘ining Horun nasli ulush olgan edi. Ularga qur’a bo‘yicha berilgan hududga

⁵⁵Yahudo yurtidagi Xevron shahri va uning atrofidagi yaylovlar kirgan edi.

⁵⁶Ammo o‘sha shaharning atrofidagi dalalaru qishloqlar Yafunax o‘g‘li Xolibga berildi.

⁵⁷Horun nasliga quyidagi shaharlar va ularning atroflaridagi yaylovlar berildi: panoh shahar Xevron, Libna, Yatir, Eshtamo‘va,

⁵⁸Xilen, Davir,

⁵⁹Oshon va Bayt–Shamash.

⁶⁰Benyamin qabilasining hududidan quyidagi shaharlar va ularning atrofidagi yaylovlar ham berildi: G‘ibo, Elimat va Onoto‘t. Qoxot urug‘ining Horun nasliga hammasi bo‘lib o‘n uchta shahar berildi.

⁶¹Qohot naslining qolganlariga esa Iordanning g‘arb tomonidagi Manashe qabilasiga qarashli hududdan o‘nta shahar qur’a bo‘yicha taqsimlab berildi.

⁶²Gershon urug‘iga, xonadonlariga ko‘ra, Issaxor, Osher, Naftali va Bashandagi Manashe qabilalarining hududlaridan o‘n uchta shahar qur’a bo‘yicha berildi.

⁶³Marori urug‘iga, xonadonlariga ko‘ra, Ruben, Gad va Zabulun qabilalarining hududlaridan o‘n ikkita shahar qur’a bo‘yicha berildi.

⁶⁴Shunday qilib, Isroil xalqi levilarga yashash uchun shaharlarni va o‘sha shaharlar atrofidagi yaylovlarni ajratib berdi.

⁶⁵Yuqorida nomlari aytib o‘tilgan Yahudo, Shimo‘n va Benyamin qabilalari hududlaridan ajratilgan shaharlar ham qur’a bo‘yicha taqsimlangan edi.

⁶⁶Qohot urug‘ining ba’zi xonadonlariga Efrayim qabilasining hududidan quyidagi shaharlar va ularning atrofidagi yaylovlar berildi:

⁶⁷Efrayim qirlaridagi panoh shahar Shakam, Gezer,

⁶⁸Yoxmayom, Bayt–Xo‘ron,

⁶⁹Oyjavlon va Gat–Rimmon.

⁷⁰Qohot urug‘ining qolgan xonadonlariga esa Iordanning g‘arb tomonidagi Manashe qabilasining yarmiga qarashli ikki shahar berildi: Onar va Bilom. Bu shaharlarning atroflaridagi yaylovlar ham ularga berildi.

⁷¹Gershon urug‘iga quyidagi shaharlar va ularning atroflaridagi yaylovlar berildi: Iordanning sharq tomonidagi Manashe qabilasining hududidan Ashtaro‘t va Bashandagi Go‘lon,

⁷²Issaxor qabilasining hududidan Kedesh, Dovarat,

⁷³Ramo‘t va Onem,

⁷⁴Osher qabilasining hududidan Moshol, Abdo‘n,

⁷⁵Huqqoq va Rexob,

⁷⁶Naftali qabilasi hududidan Xammon, Xiratayim va Jaliladagi Kedesh.

⁷⁷Marori urug‘ining qolgan xonadonlariga quyidagi shaharlar va ularning atroflaridagi yaylovlar berildi: Zabulun qabilasining hududidan Rimmono va Tovur,

⁷⁸[78-79] Yerixo ro‘parasidagi Iordan daryosining sharq tomonida joylashgan Ruben qabilasining hududidan Yaxaz, Kadamo‘t, Mifat va cho‘ldagi Bazer,

⁷⁹

⁸⁰Gad qabilasining hududidan Moxanayim,

⁸¹Xashbon, Yazir va Giladdagi Ramo‘t.