Read O‘zbek tilidagi Muqaddas Kitob, 2013 1 Solnomalar 7 Bible Online

1 Solnomalar 7 - O‘zbek tilidagi Muqaddas Kitob, 2013 bible

1 Solnomalar 7

¹Issaxorning To‘lo, Puvax, Yoshuv va Shimron degan to‘rtta o‘g‘li bor edi.

²To‘loning oltita o‘g‘li bor edi: Uzzi, Rafiyo, Yoriyol, Yaxmay, Yibsam va Shomuil. Ular o‘z xonadonlarining urug‘boshilari edilar. Shoh Dovud davrida To‘loning nasabnomasida 22.600 ta jangchi qayd etilgan edi.

³Uzzining Yizraxiyo degan o‘g‘li bor edi. Yizraxiyoning to‘rtta o‘g‘li bo‘lib, ismlari Mikoyil, Obodiyo, Yo‘el va Ishshiyo edi. Yizraxiyo va uning o‘g‘illari urug‘boshilar edi.

⁴Ularning xotinlari va bolalari nihoyatda ko‘p bo‘lgani uchun, nasabnomasiga ko‘ra, jang qilishga qodir 36.000 ta odami bor edi.

⁵Issaxor qabilasining nasabnomasida hammasi bo‘lib 87.000 ta jangchi qayd etilgan edi.

⁶Benyaminning Belax, Boxir va Yodiyol degan uch o‘g‘li bor edi.

⁷Belaxning Ezbo‘n, Uzzi, Uziyol, Yarimo‘t va Iri degan beshta o‘g‘li bor edi. Ularning beshovi ham urug‘boshilar bo‘lib, nasabnomasida 22.034 ta bahodir jangchi qayd etilgan edi.

⁸Boxirning Zomiro, Yo‘sh, Eliazar, Eliyo‘nay, Omri, Yorimo‘t, Abiyo, Onoto‘t va Elimat degan o‘g‘illari bor edi. Bularning hammalari Boxirning o‘g‘illari edi.

⁹Ularning nasabnomasida urug‘boshilardan tashqari 22.200 ta jangchi qayd etilgan edi.

¹⁰Yodiyolning Bilxan degan bitta o‘g‘li, Bilxanning esa Yoush, Benyamin, Ehud, Xanano, Zaton, Tarshish va Oxishar degan yetti o‘g‘li bor edi.

¹¹Ularning hammasi urug‘boshilar bo‘lib, nasabnomasiga ko‘ra, jang qilishga tayyor 17.200 ta odami bor edi.

¹²Shupim va Xupim xalqlari Irdan, Xushim xalqi esa Oxerdan kelib chiqqandi.

¹³Naftalining Yaxziyol, Go‘no, Izar va Shallum degan to‘rtta o‘g‘li bor edi. Ular Bilxaxning naslidan edi.

¹⁴Manashe Oramlik cho‘risidan Osriyol va Moxir ismli ikki o‘g‘il ko‘rdi. Moxir Giladning otasi edi.

¹⁵Moxir Xupim va Shupimga xotinlar olib berdi. Moxirning Maxo ismli bir singlisi bor edi. Zalofoxod Moxirning avlodlaridan biri bo‘lib, faqat qizlar ko‘rgan edi.

¹⁶Moxirning xotini Maxo ikki o‘g‘il tug‘di. Ularning ismini Parash va Sharash qo‘ydilar. Parash Ulom va Rahem ismli ikki o‘g‘il ko‘rdi.

¹⁷Ulomning Badon degan o‘g‘li bor edi. Manashe nevarasi Moxir o‘g‘li Giladning nasli mana shulardan iboratdir.

¹⁸Giladning singlisi Xammalekadan Ishxo‘d, Abuazar va Maxlo tug‘ildi.

¹⁹Shamidoning Oxiyon, Shakam, Lixi va Oniyom degan o‘g‘illari bor edi.

²⁰Efrayimning Shutalax degan o‘g‘li bor edi. Shutalaxdan Barid tug‘ildi, Bariddan Taxat, Taxatdan Eladax, Eladaxdan Taxat,

²¹Taxatdan Zobod, Zoboddan Shutalax tug‘ildilar. Efrayimning Shutalaxdan tashqari yana Eyzar va Elad ismli ikki o‘g‘li ham bor edi. Ular Gat shahrining tub aholisiga qarashli chorvani o‘g‘irlamoqchi bo‘lganlarida Gatliklar ularni o‘ldirgan edilar.

²²Ularning otasi Efrayim ko‘p kunlar aza tutdi. Qarindoshlari unga tasalli bergani keldilar.

²³Efrayim xotini bilan yana qovushgan edi, xotini homilador bo‘lib, o‘g‘il tug‘di. Efrayim, uyimda baxtsizlik yuz bergan edi, deb o‘g‘lining ismini Bariyo qo‘ydi.

²⁴Efrayimning Shero degan bir qizi bor edi. Shero tepadagi Bayt–Xo‘ron va pastdagi Bayt–Xo‘ron shaharlarini hamda Uzan–Shero shahrini qurdi.

²⁵Efrayimning Refax ismli bir o‘g‘li ham bor edi. Refaxdan Rashaf tug‘ildi, Rashafdan Telax, Telaxdan Taxan,

²⁶Taxandan Laden, Ladendan Omihud, Omihuddan Elishama,

²⁷Elishamadan Nun, Nundan Yoshua tug‘ildilar.

²⁸Efrayim nasli janubdagi Baytil shahri, sharqdagi Naron shahri va g‘arbdagi Gezer shahrigacha cho‘zilgan hududni qo‘lga kiritib, o‘sha yerga o‘rnashib olgan edilar. Ularning hududiga o‘sha shaharlar atrofidagi barcha qishloqlar, Shakam va Oya shaharlari hamda ular atrofidagi qishloqlar kirgan edi.

²⁹Manashe qabilasi Bayt–Shan, Tanax, Maxido‘ va Do‘r shaharlari va o‘sha shaharlar atrofidagi qishloqlarida o‘rnashib olgan edi. Bu joylarda Yoqubning o‘g‘li Yusuf avlodlari yashagan edi.

³⁰Osherning o‘g‘illari quyidagilardir: Yimnax, Yishvo, Yishvi va Bariyo. Osherning Serax ismli bir qizi ham bor edi.

³¹Bariyoning Xaber va Malxiyol ismli ikki o‘g‘li bo‘lib, Malxiyol Birzayit shahrini qurgan edi.

³²Xaberning Yaflet, Sho‘mer va Xo‘tam ismli uch o‘g‘li va Shuva ismli bir qizi bor edi.

³³Yafletning o‘g‘illari — Po‘sax, Bimxal va Oshvot.

³⁴Sho‘merning o‘g‘illari — Oxi, Roxgax, Xubbo va Oram.

³⁵Sho‘merning ukasi Xo‘tamning o‘g‘illari — Zo‘fax, Yimno, Shalash va Amal.

³⁶Zo‘faxning o‘g‘illari — Suvax, Xarnatar, Shuvol, Beri, Yimra,

³⁷Bazer, Xo‘d, Shammo, Shilsho, Yitron va Bera.

³⁸Eterning o‘g‘illari — Yafunax, Fispa va Orro.

³⁹Ulloning o‘g‘illari — Orax, Xanniel va Riziyo.

⁴⁰Osher nasli ana shulardan iborat bo‘lib, ular urug‘boshilar, mashhur bahodir jangchilar, obro‘li yo‘lboshchilar edilar. Osher qabilasining nasabnomasida jang qilishga qodir 26.000 kishi qayd etilgan edi.