Read O‘zbek tilidagi Muqaddas Kitob, 2013 Naximiyo 10 Bible Online

Naximiyo 10 - O‘zbek tilidagi Muqaddas Kitob, 2013 bible

Naximiyo 10

¹Xaxaliyo o‘g‘li, hokim Naximiyo qarorni tasdiqlab, muhrladi. Zidqiyo ham qarorga muhrini bosdi. Bulardan tashqari, qarorni muhrlaganlarning ismlari quyidagilardir:

²Sarayo, Ozariyo, Yeremiyo,

³Pashxur, Emoriyo, Malkiyo,

⁴Xattush, Shabaniyo, Mallux,

⁵Xarim, Miromo‘t, Obodiyo,

⁶Doniyor, Ginatoy, Borux,

⁷Mashullom, Abiyo, Miyomin,

⁸Maziyo, Bilgi, Shamayo. Ular ruhoniylar edilar.

⁹Levilar: Ozaniyo o‘g‘li Yeshuva, Xanadod urug‘idan Binnuy, Kadmil,

¹⁰ularning sheriklari: Shabaniyo, Xo‘diyo, Kilit, Paliyo, Xanon,

¹¹Mixa, Rexob, Xashaviyo,

¹²Zakkur, Sharaviyo, Shabaniyo,

¹³Xo‘diyo, Banix, Baninu.

¹⁴Xalq yo‘lboshchilari: Paro‘sh, Paxatmo‘ab, Elam, Zattu, Banix,

¹⁵Bo‘nax, Ozgad, Bo‘vay,

¹⁶Odoniyo, Big‘vay, Adin,

¹⁷Oter, Hizqiyo, Ozzur,

¹⁸Xo‘diyo, Xashum, Bezay,

¹⁹Xorif, Onoto‘t, Nabay,

²⁰Maxpiyosh, Mashullom, Xazir,

²¹Mashazavil, Zodo‘x, Yodduva,

²²Pilatiyo, Xanon, Onoyoh,

²³Xo‘sheya, Xanoniyo, Xashshub,

²⁴Xalloxesh, Pilxo, Sho‘vex,

²⁵Raxum, Xashavno, Masiyo,

²⁶Oxiyo, Xanon, Onon,

²⁷Mallux, Xarim, Banax.

²⁸Biz, jamiki Isroil xalqi — ruhoniylar, levilar, Ma’bad darvozabonlari, qo‘shiqchilar, Ma’bad xizmatchilari va Tavrotga muvofiq o‘zlarini mahalliy xalqlardan ayirgan hamma yahudiylar xotinlari va esini tanigan o‘g‘il–qizlari bilan birga,

²⁹yo‘lboshchilarimiz qatorida ont ichamiz. Agar ontimizni buzsak, la’nati bo‘laylik. Xudo O‘z quli Muso orqali bergan Tavrotga biz amal qilib yashaymiz. Egamiz — Rabbimizning amrlariga, qonun–qoidalariga va farmonlariga rioya qilamiz.

³⁰Biz mahalliy xalqlar bilan quda–andachilik qilmaymiz.

³¹Agar mahalliy odamlar Shabbat kuni yoki boshqa biror muqaddas kunda sotish uchun don yoki har xil mol olib kelishsa, ulardan hech narsa sotib olmaymiz. Biz har yettinchi yili yerga ishlov bermaslikka va bergan hamma qarzlarimizdan voz kechib yuborishga va’da qilamiz.

³²Bundan tashqari, shuni va’da qilamizki, Xudoyimizning uyidagi sajda marosimlari ehtiyojlari uchun har yili bir misqol kumushni topshiramiz.

³³Bu pullar quyidagi narsalar uchun sarf qilinadi: muqaddas nonlar uchun, kundalik don nazrlari uchun, kundalik kuydiriladigan qurbonliklar uchun, Shabbat kunida, yangi oy shodiyonasida, har yili o‘tkaziladigan bayramlarda keltiriladigan qurbonliklar, nazrlar va boshqa ehsonlar uchun, Isroil xalqini poklaganda qilinadigan gunoh qurbonliklari uchun, Xudoyimizning uyida qilinadigan boshqa sarf–xarajatlar uchun.

³⁴Biz qur’a tashlab, ruhoniylar, levilar va xalqning har bir xonadoni qay vaqtda Xudoning uyi uchun o‘tin olib kelishlari kerakligini aniqlab oldik. So‘ng shunday va’da berdik: biz har yili belgilangan paytda o‘tin olib kelamiz. Shu yo‘l bilan Tavrotda, Egamiz Xudoning qurbongohida doimo olov yonib tursin, deb yozilgan amrni bajaramiz.

³⁵Biz har yili yerimizning birinchi hosilini va hamma mevali daraxtlarimizning birinchi hosilini Egamizning uyiga olib kelamiz, deb va’da qilamiz.

³⁶Shuningdek, Tavrotda yozilganiga muvofiq, to‘ng‘ich o‘g‘illarimizni, mol–qo‘ylarimizning birinchi tug‘ilganlarini Xudoyimizga bag‘ishlaymiz, deb va’da qilamiz. Biz ularni Xudoyimizning uyida o‘z vazifasini o‘tayotgan ruhoniylarga olib kelamiz.

³⁷Ruhoniylarga atalgan mahsulotlarni Xudoyimizning uyidagi omborxonalarga olib kelamiz. Unimizning va boshqa don mahsulotlarimizning a’losini, mevalarimizning a’losini, yangi sharob va zaytun moyimizning a’losini omborxonalarga olib kelamiz. Biz yerimizning hosilidan levilarga ushr berishga va’da qilamiz. Dehqonchilik bilan mashg‘ul hamma shaharlarimizdan levilar ulush yig‘adilar.

³⁸Levilar ushrni olayotganlarida, Horun naslidan bo‘lgan ruhoniy ularning yonida bo‘ladi. Levilar ushrning o‘ndan birini Xudoyimizning uyiga olib kelib, omborxonalarga joylashtiradilar.

³⁹Xullas, Isroil xalqi va levilar ehson qilgan don, sharob va zaytun moylarini Ma’baddagi omborlarga olib kelishadi. Bu omborxonalar vazifasini o‘tayotgan ruhoniylar, darvozabonlar va qo‘shiqchilarning xonalari yonida joylashgan bo‘lib, u yerda Ma’bad buyumlari ham saqlanadi. Biz Xudoyimizning uyini qarovsiz qoldirmaymiz, deb va’da beramiz.”