Read O‘zbek tilidagi Muqaddas Kitob, 2013 Naximiyo 7 Bible Online

Naximiyo 7 - O‘zbek tilidagi Muqaddas Kitob, 2013 bible

Naximiyo 7

¹Devor qurilib, men darvozalarning qanotlarini o‘rnattirib bo‘lganimdan keyin, Ma’bad darvozabonlari, qo‘shiqchilar va levilar tayinlandi.

²Men ukam Xoninni va qal’a qo‘mondoni Xanoniyoni Quddus ustidan hokimlar qilib tayinladim. Xanoniyo sodiq odam bo‘lib, boshqalarga qaraganda Xudodan qo‘rqardi.

³Men ularga shunday deb aytdim: “Kun issiq paytida Quddus darvozalarini ochiq qoldirmanglar. O‘sha paytda navbatchilikda turgan soqchilar darvozalarni berkitib, qulflab qo‘ysinlar. Quddus aholisi orasidan ham qo‘riqchilarni tayinlanglar. Ularning ba’zilari maxsus joylarni, boshqalari esa o‘zlarining uylari atrofini qo‘riqlashsin.”

⁴Quddus keng, katta shahar edi. Lekin shaharda ko‘p odam yashamas, hali uylar ko‘p qurilmagan edi.

⁵Shunda yo‘lboshchilarni, amaldorlarni va xalqni to‘plab, urug‘lari bo‘yicha ro‘yxat tuzishni Xudoyim ko‘nglimga soldi. Men Yahudoga asirlikdan birinchi bo‘lib qaytib kelganlarning nasabnomasi ro‘yxatini topdim. Nasabnoma kitobida quyidagilar yozilgan edi:

⁶[6-7] Bobil shohi Navuxadnazar asir qilib olib ketgan yahudiylarning bir qismi Quddusga va Yahudo yurtidagi o‘zlarining shaharlariga qaytib kelib, o‘rnashdilar. Ular Zarubabel, Yoshua, Naximiyo, Ozariyo, Ramiyo, Naxamonax, Mordaxay, Bilshon, Mispar, Big‘vay, Nixum va Banax boshchiligida qaytib kelgan edilar. Asirlikdan qaytib kelgan Isroil erkaklarining soni quyidagicha edi:

⁷

⁸Paro‘sh urug‘idan — 2172 ta erkak.

⁹Shafatiyo urug‘idan — 372 ta erkak.

¹⁰Orax urug‘idan — 652 ta erkak.

¹¹Paxatmo‘ab, ya’ni Eshuva hamda Yo‘ab urug‘laridan — 2818 ta erkak.

¹²Elam urug‘idan — 1254 ta erkak.

¹³Zattu urug‘idan — 845 ta erkak.

¹⁴Zakkay urug‘idan — 760 ta erkak.

¹⁵Binnuy urug‘idan — 648 ta erkak.

¹⁶Bo‘vay urug‘idan — 628 ta erkak.

¹⁷Ozgad urug‘idan — 2322 ta erkak.

¹⁸Odonixam urug‘idan — 667 ta erkak.

¹⁹Big‘vay urug‘idan — 2067 ta erkak.

²⁰Adin urug‘idan — 655 ta erkak.

²¹Oter, ya’ni Hizqiyo urug‘idan — 98 ta erkak.

²²Xashum urug‘idan — 328 ta erkak.

²³Bezay urug‘idan — 324 ta erkak.

²⁴Xorif urug‘idan — 112 ta erkak.

²⁵Givon urug‘idan — 95 ta erkak.

²⁶Baytlahmlik va Natufolik — 188 ta erkak.

²⁷Onoto‘tlik — 128 ta erkak.

²⁸Bayt–Ozmobitlik — 42 ta erkak.

²⁹Xirat–Yorimlik, Xafiralik va Bero‘tlik — 743 ta erkak.

³⁰Ramalik va G‘ibolik — 621 ta erkak.

³¹Mixmashlik — 122 ta erkak.

³²Baytillik va Aylik — 223 ta erkak.

³³Navolik — 52 ta erkak.

³⁴Elamlik — 1254 ta erkak.

³⁵Xarimlik — 320 ta erkak.

³⁶Yerixolik — 345 ta erkak.

³⁷Lo‘dlik, Hodidlik va Ono‘lik — 721 ta erkak.

³⁸Sanolik — 3.930 ta erkak.

³⁹Asirlikdan qaytib kelgan ruhoniylarning soni quyidagicha edi: Yoshua naslidan, aniqrog‘i Yodiyo urug‘idan — 973 ta erkak.

⁴⁰Immar urug‘idan — 1052 ta erkak.

⁴¹Pashxur urug‘idan — 1247 ta erkak.

⁴²Xarim urug‘idan — 1017 ta erkak.

⁴³Asirlikdan qaytib kelgan levilar urug‘larining soni quyidagicha edi: Xo‘davo naslidan bo‘lgan Yeshuva, aniqrog‘i Kadmil urug‘idan — 74 ta erkak.

⁴⁴Osif urug‘idan bo‘lgan qo‘shiqchilar — 148 ta erkak.

⁴⁵Shallum, Oter, Talmo‘n, Oqquv, Xatita va Sho‘vay urug‘laridan bo‘lgan Ma’bad darvozabonlari — 138 ta erkak.

⁴⁶Asirlikdan qaytib kelgan Ma’bad xizmatkorlarining urug‘lari quyidagilar edi: Zixo, Xasufa, Tabbayo‘t,

⁴⁷Kerosh, Siyo, Pado‘n,

⁴⁸Lavon, Xagava, Shalmay,

⁴⁹Xanon, Giddol, Gaxar,

⁵⁰Rayo, Ratan, Nakudo,

⁵¹G‘azzom, Uzzo, Posiyox,

⁵²Besay, Munim, Nafusim,

⁵³Bobuh, Xakufa, Xorxur,

⁵⁴Bazulat, Maxido, Xarsha,

⁵⁵Borkis, Sisaro, Tamax,

⁵⁶Naziyo, Xatifa.

⁵⁷Sulaymon qarollarining asirlikdan qaytib kelgan urug‘lari quyidagilar edi: So‘tay, So‘farat, Paridax,

⁵⁸Yalox, Darxun, Giddol,

⁵⁹Shafatiyo, Xattil, Paxarathazzavoyim, Omon.

⁶⁰Ma’bad xizmatkorlari va Sulaymonning qarollari urug‘laridan bo‘lganlarning jami 392 kishi edi.

⁶¹Quyidagilar Tel–Malax, Tel–Xarsha, Xarub, Ado‘n va Immar shaharlaridan kelgan edilar, lekin o‘zlarining urug‘boshisi Isroil nasliga mansubligini isbotlay olmasdilar:

⁶²Daloyo, To‘viyo va Nakudo urug‘lari — 642 kishi.

⁶³[63-64] Quyidagi ruhoniylar urug‘lari o‘z nasabnomasini topa olmadilar: Xavayo, Xakko‘z va Borzulay urug‘lari (Borzulayning bobosi Giladlik Borzulay degan odamning qiziga uylangan bo‘lib, bu urug‘ o‘sha ayolning urug‘i nomi bilan yuritilar edi.) Shu sababdan ular xizmat qilishga nopok hisoblanib, ruhoniylikka qabul qilinmadilar.

⁶⁴

⁶⁵Yahudo hokimi ularga shunday dedi: “Birorta ruhoniy Xudodan Urim va Tummim orqali ruhoniy ekanligingizni so‘rab, tasdiqlamaguncha, sizlar nazrlarning ruhoniylarga tegishli ulushidan tanovul qilmaysizlar.”

⁶⁶Bu jamoa jami 42.360 kishidan iborat edi.

⁶⁷Bulardan tashqari, qul va cho‘rilari — 7.337 kishi, qul va cho‘ri qo‘shiqchilar 245 kishi edi.

⁶⁸Jamoaning 736 ta oti, 245 ta xachiri,

⁶⁹435 ta tuyasi, 6.720 ta eshagi bor edi.

⁷⁰Ba’zi urug‘boshilar qurilish ishlari uchun in’omlar berdilar. Hokim ham xazinaga 1000 oltin tanga, 50 ta tog‘oracha va ruhoniylar uchun 530 ta ko‘ylak berdi.

⁷¹Ba’zi urug‘boshilar inshoot qurilishi uchun xazinaga 20.000 oltin tanga, 80 pud kumush berdilar.

⁷²Qolgan xalq jami 20.000 oltin tanga, 75 pud kumush va ruhoniylar uchun 67 ta ko‘ylak berdilar.

⁷³Shunday qilib, ruhoniylar, levilar, Ma’bad darvozabonlari, qo‘shiqchilar, Ma’bad xizmatkorlari va xalqning qolganlari o‘z shaharlariga borib joylashdilar.