Read O‘zbek tilidagi Muqaddas Kitob, 2013 Zabur 109 Bible Online

Zabur 109 - O‘zbek tilidagi Muqaddas Kitob, 2013 bible

Zabur 109

¹Dovud sanosi. [1] Egamiz aytmoqda hazratimga: “Dushmanlaringni oyoqlaring ostiga poyandoz qilmagunimcha, Sen Mening o‘ng tomonimda [1] o‘tirgin.”

²Ey hazratim! Egamiz sening hukmronligingni Quddusdan [2] boshlab kengaytirar! Dushmanlaring o‘rtasida sen hukmronlik qil!

³Sen jang qiladigan kunda Jangchilaring o‘z xohishi bilan maydonga chiqadi. Erta tong yosh yigitlaring Shabnam kabi atrofingda to‘planadi, Ular muqaddas ulug‘vorlikka burkangan [3].

⁴Egamiz ont ichgan, qarorini o‘zgartirmas: “Sen Maliksidiq singari To abad ruhoniysan.” [4]

⁵Rabbiy o‘ng tomoningda o‘tirar, G‘azablangan kunda shohlarni ezib tashlar.

⁶U xalqlarni hukm qilib, jasadlarini uyum qilar, Butun yer yuzidagi hukmdorlarni ezib tashlar.

⁷Ey hazratim, yo‘l bo‘yidagi irmoqdan suv ichasan, Kuchga to‘lib, g‘olib bo‘lib turasan.