Read O‘zbek tilidagi Muqaddas Kitob, 2013 Zabur 11 Bible Online

Zabur 11 - O‘zbek tilidagi Muqaddas Kitob, 2013 bible

Zabur 11

¹Ijrochilar rahbariga. Sakkiz torli asbob jo‘rligida. Dovud sanosi.

²Najot bergin bizga, ey Egam! Taqvodor bir inson qolmadi, Senga sodiq inson yo‘q bo‘lib ketdi.

³Hamma bir–biriga yolg‘on so‘zlaydi, Xushomadgo‘ylik bilan bir–birini aldaydi.

⁴Xushomadgo‘y tillarni Egamiz kesib tashlasin, Maqtanchoq og‘izlarni U qirib tashlasin.

⁵Axir, ular: “Og‘zimiz bilan erishamiz har narsaga, Tilimiz o‘zimizniki, kim xo‘jayin bizga?!” — deb aytadi.

⁶Egamiz aytmoqda: “Muhtoj ezilib ketdi, Bechora nola qildi. Endi qo‘zg‘alaman, O‘zlari intilgan najotga yetkazaman.”

⁷Egamizning va’dalari g‘oyatda pokdir, Uning so‘zlari o‘choqda Yetti karra tozalangan kumushga o‘xshaydi.

⁸[8-9] Har tarafda qabihlar daydib yuradi, Har yoqda odamlar yomonlikni maqtab yuradi. Ey Egam! Bulardan bizlarni saqlagaysan, To abad bu nasldan bizni himoya qilgaysan.