Read O‘zbek tilidagi Muqaddas Kitob, 2013 Zabur 110 Bible Online

Zabur 110 - O‘zbek tilidagi Muqaddas Kitob, 2013 bible

Zabur 110

¹[1]Egamizga hamdu sanolar bo‘lsin! To‘g‘ri insonlar jamoasida bo‘lganimda, Butun qalbimdan Egamga shukr aytaman.

²Egamizning ishlari buyukdir, Ulardan lazzat oluvchilar ular haqda fikr yuritadilar.

³Egamizning ishlari muhtasham, haybatlidir, Uning adolati to abad davom etadi.

⁴Egamiz unutilmas ajoyibotlarni yaratdi, U rahmdil va shafqatlidir.

⁵O‘zidan qo‘rqqanlarga rizq–ro‘zini beradi, O‘z ahdini doimo yodida tutadi.

⁶Xalqiga qudratli ishlarini ko‘rsatdi, Boshqa xalqlar yerini ularga berdi.

⁷Hamma ishlarida sodiq, adolatlidir, Uning hamma amrlari ishonchlidir.

⁸Ularning hammasi to abad mustahkam turadi, Egamiz ularni sadoqat, to‘g‘rilik ila ijro qildi [2].

⁹U xalqini qutqardi, To abad ahdi bilan ularni O‘ziga bog‘ladi. Uning nomi muqaddas, qo‘rqinchlidir.

¹⁰Egamizdan qo‘rqish donolikning boshidir, Bunday yo‘l tutganlarning aqli rasodir, Uning hamdu sanolari to abad davom etadi.