Read O‘zbek tilidagi Muqaddas Kitob, 2013 Zabur 121 Bible Online

Zabur 121 - O‘zbek tilidagi Muqaddas Kitob, 2013 bible

Zabur 121

¹Dovudning ziyorat qo‘shig‘i. [1] “Egamizning uyiga boraylik”, deb Menga aytganlarida shod bo‘ldim.

²Mana turibmiz, ey Quddus, Darvozalaring ichkarisida.

³Quddus yaxshi qurilgan shahardir, Devorlari bir–biriga tutashtirib solingandir.

⁴Isroil xalqiga berilgan qonunga ko‘ra, Qabilalar u yerga chiqib borarlar! Ha, Egamizning qabilalari Unga shukr aytmoq uchun chiqib borarlar!

⁵U yerda hukm taxtlari o‘rnashgan, Ha, Dovud xonadonining taxtlari U yerda joylashgan.

⁶Duo qiling Quddusning tinchligi uchun: “Uni sevganlar huzur–halovat topsin.

⁷Devorlari ichida tinchlik bo‘lsin, Qal’alari bexatar bo‘lsin.”

⁸Qarindoshlarim, do‘stlarim haqi–hurmati, Quddusga tinchlik bo‘lsin, deya aytaman.

⁹Egamiz Xudoning uyi haqi–hurmati Quddusning iqbolini izlayman.