Read O‘zbek tilidagi Muqaddas Kitob, 2013 Zabur 135 Bible Online

Zabur 135 - O‘zbek tilidagi Muqaddas Kitob, 2013 bible

Zabur 135

¹Shukrona ayting Egamizga, U yaxshidir! Uning sodiq sevgisi abadiydir.

²Shukrona ayting xudolarning Xudosiga, Uning sodiq sevgisi abadiydir.

³Shukrona ayting egalarning Egasiga, Uning sodiq sevgisi abadiydir.

⁴Shukrona ayting Unga, Faqatgina U buyuk ajoyibotlar ko‘rsatadi. Uning sodiq sevgisi abadiydir.

⁵Shukrona ayting donolik bilan samolarni yaratganga [1], Uning sodiq sevgisi abadiydir.

⁶Shukrona ayting suvlar uzra yerni barpo qilganga [2], Uning sodiq sevgisi abadiydir.

⁷Shukrona ayting ulkan yoritqichlarni yaratganga, Uning sodiq sevgisi abadiydir.

⁸Kunduzi nur sochib tursin, deya Quyoshni yaratganga shukrona ayting. Uning sodiq sevgisi abadiydir.

⁹Tun uzra nur sochib tursin, deya Yulduzlaru oyni yaratganga shukrona ayting. Uning sodiq sevgisi abadiydir.

¹⁰Shukrona ayting Misrning to‘ng‘ichlarini urganga [3], Uning sodiq sevgisi abadiydir.

¹¹Shukrona ayting Misrdan Isroilni olib chiqqanga [4], Uning sodiq sevgisi abadiydir.

¹²Shukrona ayting yo‘g‘on bilaklariyu Kuchli qo‘li ila Isroilni olib chiqqanga, Uning sodiq sevgisi abadiydir.

¹³Shukrona ayting Qizil dengizni [5] ikkiga bo‘lganga [6], Uning sodiq sevgisi abadiydir.

¹⁴Shukrona ayting Isroilni dengiz o‘rtasidan o‘tkazganga, Uning sodiq sevgisi abadiydir.

¹⁵Shukrona ayting fir’avn va uning lashkarini Qizil Dengizga uloqtirganga, Uning sodiq sevgisi abadiydir.

¹⁶Shukrona ayting O‘z xalqini sahro bo‘ylab olib o‘tganga, Uning sodiq sevgisi abadiydir.

¹⁷Shukrona ayting buyuk shohlarni halok qilganga, Uning sodiq sevgisi abadiydir.

¹⁸Shukrona ayting qudratli shohlarni qirganga, Uning sodiq sevgisi abadiydir.

¹⁹Shukrona ayting Amor xalqining shohi Sixo‘nni o‘ldirganga, Uning sodiq sevgisi abadiydir.

²⁰Shukrona ayting Bashan shohi O‘gni o‘ldirganga [7], Uning sodiq sevgisi abadiydir.

²¹Shukrona ayting ularning yerini O‘z xalqiga mulk qilib berganga, Uning sodiq sevgisi abadiydir.

²²Shukrona ayting u yerlarni O‘z quli Isroilga mulk qilib berganga, Uning sodiq sevgisi abadiydir.

²³Shukrona ayting xor bo‘lganimizda bizni eslaganga, Uning sodiq sevgisi abadiydir.

²⁴Shukrona ayting bizni dushmanlarimizdan qutqarganga, Uning sodiq sevgisi abadiydir.

²⁵Shukrona ayting barcha jonzotlarni oziqlantiradiganga, Uning sodiq sevgisi abadiydir.

²⁶Shukrona ayting Samoviy Xudoga, Uning sodiq sevgisi abadiydir.