Read O‘zbek tilidagi Muqaddas Kitob, 2013 Zabur 137 Bible Online

Zabur 137 - O‘zbek tilidagi Muqaddas Kitob, 2013 bible

Zabur 137

¹Dovud sanosi. [1] Ey Egam, chin dildan Senga shukrona aytaman, Farishtalar [1] oldida Sening madhingni kuylayman.

²Muqaddas Ma’bading oldida sajda qilaman, Sodiq sevging, sadoqating uchun O‘zingga shukrona aytaman, Nomingni ham, so‘zingni ham har narsadan yuqori qo‘ygansan.

³Chaqirganimda, menga javob bergansan, Qudrating bilan meni jasur qilgansan.

⁴Ey Egam, zamin shohlari Senga shukr aytadi, Og‘zingdan chiqqan so‘zlarni ular eshitganlar.

⁵Ey Egam, qilganlaringni ular kuylasinlar! Sening shuhrating buyukdir!

⁶Garchi Sen yuksak bo‘lsang–da, xor bo‘lganlarga boqasan, Kiborlarni Sen uzoqdan ham bilasan.

⁷Kulfatda yursam ham, dushmanlarim g‘azabidan saqlaysan, O‘ng qo‘lingni uzatib, meni qutqarasan.

⁸Ey Egam, men uchun qasos olasan [2]. Sodiq sevging to abad davom etar, O‘zing yaratganlarni tark etmagin.