Read O‘zbek tilidagi Muqaddas Kitob, 2013 Zabur 141 Bible Online

Zabur 141 - O‘zbek tilidagi Muqaddas Kitob, 2013 bible

Zabur 141

¹G‘orda bo‘lgan paytda [1] Dovudning aytgan qasidasi. Ibodat. [1] Ey Egam, Senga qattiq faryod qilaman, Ey Egam, Senga qattiq yolvoraman.

²Dardlarimni Senga to‘kib solaman, Qayg‘ularimni Sening oldingda aytaman.

³Ruhim so‘lg‘in bo‘lganda, Yo‘llarimni Sen bilasan. Men yuradigan so‘qmoqlarda G‘animlarim menga tuzoq qo‘yishgan.

⁴O‘ng tomonimga qarab ko‘r: Menga e’tibor beradigan biron kimsa yo‘q. Hech qayerga qochib keta olmayman, Men uchun hech kim qayg‘urmas.

⁵Senga yolvorib aytaman, ey Egam: “Sen mening panohimsan, Bu dunyodagi xavfsizligim Sensan.”

⁶Faryodimga quloq solgin, Axir, oyoq osti bo‘lib ketdim–ku. Meni ta’qib qiluvchilardan qutqar, Ular mendan g‘oyat kuchlidirlar.

⁷Meni tutqunlikdan chiqarib olgin, Toki Senga shukrona aytay. Menga ezgulik qilganing uchun Solihlar atrofimni o‘rab oladi.