Read O‘zbek tilidagi Muqaddas Kitob, 2013 Zabur 142 Bible Online

Zabur 142 - O‘zbek tilidagi Muqaddas Kitob, 2013 bible

Zabur 142

¹Dovud sanosi. [1] Eshitgin, ey Egam, ibodatlarimni, Sen sodiqsan, yolvorishlarimga quloq sol, Sen odilsan, javob ber.

²Men, O‘z qulingni hukm qilmagin, Huzuringda hech kim solih emas.

³Dushmanlar meni ta’qib qilgan, Mening tanamni tuproqqa qorgan, Azalda olamdan o‘tganlar kabi Meni zulmatda yashashga majbur qilar.

⁴Shu bois ichimda ruhim so‘lgan, Yuragim qo‘rquvdan uvishib qolgan.

⁵Men oldingi kunlarni eslayman, Sening hamma ishlaring haqida o‘ylayman, Qo‘llaring ijodini xayolimga keltiraman.

⁶Qo‘llarimni Senga ibodat uchun ochaman, Qaqragan yer kabi jonim Senga tashna.

⁷Ey Egam, menga tez javob ber, Ruhim tushib ketmoqda, Yuzlaringni mendan yashirmagin, Toki qabrga kirganlarday bo‘lib qolmay.

⁸Saharda sodiq sevgingni menga bildirgin, Umidimni Senga bog‘layman. Yuradigan yo‘limni O‘zing ko‘rsatgin, Yuragimni Senga ochaman.

⁹Ey Egam, meni g‘animlarimdan qutqar, Panoh istab Senga qochib borganman.

¹⁰Sening xohishingni qilmoqqa meni o‘rgat, Sen Xudoyimsan, Sening ezgu Ruhing Meni tekis so‘qmoqdan yetaklab borsin.

¹¹Ey Egam, O‘z noming haqi meni saqlagin, Adolating bilan meni kulfatdan qutqargin.

¹²Sodiq sevging haqi qirgin g‘animlarimni, Yo‘q qilib tashlagin hamma dushmanlarimni, Axir, men Sening qulingman–ku.