Read O‘zbek tilidagi Muqaddas Kitob, 2013 Zabur 145 Bible Online

Zabur 145 - O‘zbek tilidagi Muqaddas Kitob, 2013 bible

Zabur 145

¹Egamizga hamdu sanolar bo‘lsin! Egamni madh qil, ey jonim!

²Tirik ekanman, Egamga hamdu sano aytaman, Umrim boricha Xudoyimga hamdu sano kuylayman.

³Umid bog‘lamang shahzodalarga, Najot berolmaydigan inson zotiga.

⁴Ular jon bergach, tuproqqa qaytar, O‘sha ondayoq ularning rejasi yo‘qqa chiqar.

⁵Yoqubning Xudosini madadkorim, deb aytganlar baxtlidir, O‘zlarining Egasi Xudodan umid qilganlar baxtlidir.

⁶Ha, Yoqubning Xudosi Osmonu yerni hamda dengizni yaratgan. Dengizu undagi hamma jonzotni U yaratgan, U to abad sodiq bo‘lib qoladi,

⁷Mazlumlarga adolat qiladi, Ochlarga U non beradi. Asirlarni ozod qiluvchi Egamizdir.

⁸Egamiz ko‘rning ko‘zlarini ochadi, Ikki bukilganlarning qaddini rostlaydi, Egamiz solihlarni sevadi.

⁹Egamiz musofirlarni asraydi, Yetim, bevalarni qo‘llaydi, Fosiqning yo‘llariga xalaqit beradi.

¹⁰Egamiz to abad hukmdordir, Ey Quddus [1], sening Xudoying nasllar osha hukmdordir! Egamizga hamdu sanolar bo‘lsin!