Read O‘zbek tilidagi Muqaddas Kitob, 2013 Zabur 15 Bible Online

Zabur 15 - O‘zbek tilidagi Muqaddas Kitob, 2013 bible

Zabur 15

¹Dovud qo‘shig‘i. [1] O‘zing saqla meni, ey Xudo! Men Senda panoh topaman.

²Egamga aytdim: “Mening Rabbimsan, Sendan boshqa mening buyuk baxtim yo‘q.”

³Naqadar ulug‘vordir yurtdagi taqvodorlar, Ulardan men g‘oyat zavq olaman.

⁴Soxta xudolarga ergashganlarning kulfati ortadi. Ularning ichimlik nazri qon ekan, Men ularning bu nazrlariga qo‘shilmayman, Soxta xudolarning ismlarini tilga olmayman.

⁵Ey Egam! Barqarorligim Sensan, Muvaffaqiyatim ham O‘zingdirsan, Kelajagimni Sen ta’minlaysan.

⁶Chegara chiziqlari tushgan Men uchun huzurbaxsh joylarga, Naqadar ajoyib mulkim bor!

⁷Egamni olqishlayman, U menga yo‘l ko‘rsatadi, Tunda ham qalbim menga o‘git beradi.

⁸Men doim Egamni birinchi o‘ringa qo‘yaman, U o‘ng tomonimda bo‘lgani uchun Meni hech narsa qo‘zg‘ata olmas.

⁹Shu bois, ey Egam, yuragim quvonchga to‘la, Jonim ham quvonadi. Tanam xavf–xatarsiz yashaydi.

¹⁰Meni o‘liklar diyoriga [1] tashlab ketmaysan, Bu taqvodoringni [2] qabrda chiritmaysan.

¹¹Menga hayot so‘qmog‘ini O‘zing ko‘rsatasan, Huzuringda shodlik meni qamrab oladi, Menga boqiy huzur–halovatni Sen berasan.