Read O‘zbek tilidagi Muqaddas Kitob, 2013 Zabur 25 Bible Online

Zabur 25 - O‘zbek tilidagi Muqaddas Kitob, 2013 bible

Zabur 25

¹Dovud sanosi. [1] Ey Egam, to‘g‘ri yurganim uchun Meni oqlagin. Qoqilmasdan Senga tayandim.

²Sinab, imtihon qil meni, ey Egam! Yuragimni, niyatimni sinab ko‘r!

³Sening sodiq sevging ko‘z o‘ngimdadir, Senga doim sodiqman [1].

⁴Yolg‘onchilarga men sherik bo‘lmayman, Munofiqlar bilan do‘st bo‘lmayman.

⁵Fosiqlar to‘dasidan nafrat etaman, Qabihlarga men sherik bo‘lmayman.

⁶Namoyon qilmoq uchun aybsizligimni Qo‘llarimni yuvaman, ey Egam. Qurbongohing atrofida yuraman,

⁷Baland ovoz ila shukrona qo‘shig‘ini kuylayman, Jamiki mo‘jizalaring haqida aytaman.

⁸Ey Egam, sevaman Sen maskan qilgan uyni, Ulug‘vorliging porlagan joyni.

⁹Gunohkorlar qatori jonimni olma, Qonxo‘rlar qatori hayotimga chek qo‘yma.

¹⁰Ularning qo‘llari tuzadi yovuz reja, O‘ng qo‘llari poraga to‘la.

¹¹Men esa pok hayot kechiraman, Qutqar meni, qil menga shafqat.

¹²Oyoqlarimni chakki bosmayman, Ey Egam, ulug‘ yig‘inlarda Seni olqishlayman.