Read O‘zbek tilidagi Muqaddas Kitob, 2013 Zabur 28 Bible Online

Zabur 28 - O‘zbek tilidagi Muqaddas Kitob, 2013 bible

Zabur 28

¹Dovud sanosi. [1] Egamizga hamdlar ayting, ey ilohiy zotlar [1], Egamizning qudratiyu shuhratiga hamdlar o‘qing.

²Egamizning sharafiga hamdlar o‘qing, Muqaddas libosda [2] Egamizga sajda qiling!

³Egamizning ovozi suvlar uzra eshitiladi, Ulug‘vor Xudo guldirab sado beradi. Ha, azim suvlar uzra Egamiz guldirab sado beradi.

⁴Egamizning ovozi qudratlidir, Egamizning ovozi haybatlidir.

⁵Egamizning ovozi sadr daraxtlarini qulatadi, Hatto Lubnondagi sadr daraxtlarini [3] parchalab tashlaydi.

⁶Lubnon tog‘larini Egamiz buqaday sakratadi, Ha, Xermon tog‘ini [4] yovvoyi buzoqday sakratadi.

⁷Egamizning ovozi chaqmoq chaqtiradi,

⁸Egamizning ovozi sahroni titratadi, Egamiz Kadesh sahrosini [5] larzaga soladi.

⁹Egamizning ovozi ulkan daraxtlarni egib yuboradi [6], O‘rmonlarni yalang‘ochlab, shilib yuboradi, “Egamiz ulug‘vordir”, deb Ma’badida hamma kuylaydi.

¹⁰Egamiz to‘fon [7] uzra taxt qurgan edi, Egamiz abadiy Shoh kabi taxt qurgan.

¹¹Egamiz O‘z xalqiga kuch ato etsin, O‘z xalqiga tinchlik bilan baraka bersin.