Read O‘zbek tilidagi Muqaddas Kitob, 2013 Zabur 35 Bible Online

Zabur 35 - O‘zbek tilidagi Muqaddas Kitob, 2013 bible

Zabur 35

¹Ijrochilar rahbariga. Egamizning quli Dovud sanosi.

²Fosiqlarning gunohkorligi haqida Yuragimda bir bashorat bor: Gunohkor Xudodan qo‘rqmaydi.

³O‘zining nazdida u osmonda yuradi, Xudo gunohimni ko‘rmaydi, Hukm qilmaydi, deb aytadi.

⁴Og‘zidan manfur, yolg‘on so‘zlar chiqadi, Donolikdan, yaxshi ishlar qilishdan u bosh tortadi.

⁵Hatto yotganda ham fosiqlikni o‘ylaydi, Gunoh yo‘lga o‘zini bag‘ishlaydi, Fosiqlikdan aslo yuz o‘girmaydi.

⁶Ey Egam, sodiq sevging falaklarga yetgaydir, Ey Egam, sadoqating samolarga cho‘zilgaydir.

⁷Odilliging buyuk tog‘larga o‘xshaydi, Adolating tubsiz dengizga o‘xshaydi, Ey Egam, insonu jonivorlarni Sen saqlagaysan.

⁸Sodiq sevging, ey Xudo, naqadar bebahodir! Qanotlaring soyasida insonlar panoh topadi.

⁹Ular uyingdagi ne’matlardan yeb to‘yadi, Lazzat to‘la daryongdan ularga ichirasan.

¹⁰Hayotning bulog‘i Sendadir, Ziyo olurmiz Sening nuringdan.

¹¹Seni bilganlarga sodiq sevgingni ko‘rsat, Yuragi soflarga O‘zing najot bergin.

¹²Takabburning oyog‘i meni ezmasin, Fosiqning qo‘llari meni haydamasin.

¹³Ana, badkirdorlar ag‘anab yotibdi, Qaddini ko‘tara olmay, yerga qapishib yotibdi.