Read O‘zbek tilidagi Muqaddas Kitob, 2013 Zabur 45 Bible Online

Zabur 45 - O‘zbek tilidagi Muqaddas Kitob, 2013 bible

Zabur 45

¹Ijrochilar rahbariga. Ko‘rax naslining [1] qo‘shig‘i. “Qizlar” kuyiga aytilgan.

²Xudo bizning panohimiz, qudratimizdir, Kulfatda qolganimizda doim madadkorimizdir.

³Shu bois biz qo‘rqmaymiz hech ham Yer ostin–ustin bo‘lib ketsa ham, Dengiz bag‘riga tog‘lar qulab tushsa ham.

⁴Dengizlar o‘kirib, toshib ketsa ham, Shiddatli to‘lqinlar tog‘larni titratsa ham Biz qo‘rqmaymiz hech ham.

⁵Bir daryo bor, uning suvlari Olib kelar shodlik Xudo shahriga [2], Xudoyi Taoloning muqaddas makoniga.

⁶Shaharda Xudo turgani uchun, Shahar hech ham yiqilmasdan turadi, Tong otganda, Xudo yordamga keladi.

⁷Xalqlar alg‘ov–dalg‘ov bo‘ladi, Shohliklar qulaydi. Xudo ovozi guldiraydi, yer erib ketadi.

⁸Sarvari Olam biz bilandir, Yoqubning Xudosi qal’amizdir.

⁹Keling, Egamizning ishlarini ko‘ring, Yer yuziga keltirgan kulfatni ko‘ring.

¹⁰Butun olamda U jangni to‘xtatadi, Yoyni parchalaydi, nayzani sindiradi, Qalqonlarni [3] olovda yoqib, shunday deydi:

¹¹“To‘xtang, biling, Men Xudoman, Xalqlar orasida Men yuksalgayman, Yer yuzida Men yuksalgayman.”

¹²Sarvari Olam biz bilandir, Yoqubning Xudosi qal’amizdir.