Read O‘zbek tilidagi Muqaddas Kitob, 2013 Zabur 5 Bible Online

Zabur 5 - O‘zbek tilidagi Muqaddas Kitob, 2013 bible

Zabur 5

¹Ijrochilar rahbariga. Nay jo‘rligida. Dovud sanosi.

²So‘zlarimga quloq tut, ey Egam! Diqqat qilgin nolalarimga.

³Eshitgin, madad so‘rab iltijo etaman, Sen ham Shohimsan, ham Xudoyimsan! Shu bois Senga ibodat qilaman.

⁴Ey Egam! Tong chog‘i ovozimni eshitasan, Subhidamda Senga yolvoraman [1], Sendan javob kutaman.

⁵Qabihlikdan mamnun bo‘lmaydigan Xudosan Sen, Senga mehmon bo‘lolmas gunohkor inson.

⁶Takabburlar huzuringda tura olmaydilar, Hamma badkirdorlarni Sen yomon ko‘rasan.

⁷Yolg‘on gapiradiganlarni Sen qirib tashlaysan, Ey Egam, qonxo‘r, yolg‘onchilardan Sen jirkanasan.

⁸Men esa sodiq sevging mo‘lligi sabab Sening uyingga kiraman. Muqaddas Ma’badingda ta’zim qilaman, Qo‘rquv ila Senga sajda qilaman.

⁹Naqadar dushmanlarim ko‘p, ey Egam, Odilliging bilan meni so‘qmog‘ingdan yetakla, O‘z yo‘llaringni menga ravshan qil.

¹⁰Dushmanlarim og‘zidan haqiqat chiqmaydi, Ularning yuraklari balo–ofatdir. Og‘izlari ochilgan qabr kabidir, Tillari xushomad qiladi.

¹¹Ey Xudo, ular gunohkordir, jazolagin! Niyatlari o‘zlarining boshiga yetsin. Ular Senga qarshi isyon qilganlar. Gunohlari ko‘pligi uchun ularni haydab yuborgin.

¹²Senda panoh topganlarning hammasi sevinsin, To abad shodlikdan ular kuylasin. Ularni Sen himoya qilganing uchun, Seni sevganlar sevinch ila jo‘shsin.

¹³Ey Egam! Sen solih kishilarga baraka berasan, Sening himmating ularni qalqonday himoya qiladi.