Read O‘zbek tilidagi Muqaddas Kitob, 2013 Zabur 51 Bible Online

Zabur 51 - O‘zbek tilidagi Muqaddas Kitob, 2013 bible

Zabur 51

¹[1-2] Ijrochilar rahbariga. Edomlik Doyeg Shoulning oldiga borib: “Dovud Oximalekning uyiga kiribdi”, deb xabar bergan paytda [1] Dovudning aytgan qasidasi.

³Nechun maqtanasan yovuzliging ila, ey zo‘ravon?! Xudoning sodiqligi doim men bilan, axir!

⁴Balo keltiraman, deya reja qilasan, O‘tkir ustaraga o‘xshaydi tiling. Aldashga sen mohirsan.

⁵Ezgulikdan ko‘ra, yovuzlikni yoqtirasan, Haqiqatni so‘ylashdan ko‘ra, yolg‘onni afzal bilasan.

⁶Halok qiladigan so‘zlarni yaxshi ko‘rasan, Yolg‘onchi tilni sevasan.

⁷Xudo esa seni to abad vayron qiladi, Seni ushlab, chodiringdan tortib chiqaradi, Tiriklar yurtidan yo‘q qilib tashlaydi.

⁸Solihlar buni ko‘rib, qo‘rqadi, Fosiqning ustidan kuladi:

⁹“Qarang, o‘sha odam Xudoni panohim deb bilmadi, Mo‘l–ko‘l boyligiga umid bog‘ladi, Boshqalarni qirish tufayli kuchaydi.”

¹⁰Men–chi, o‘xshayman Xudoning uyidagi Ko‘m–ko‘k zaytun daraxtiga. Xudoning sodiq sevgisiga Men to abad umidimni bog‘layman.

¹¹Ey Xudo, Sening hamma qilganlaring uchun Senga to abad shukr aytaman. Taqvodorlaringning huzurida Senga umid bog‘layman, Axir, O‘zing yaxshisan!