Read O‘zbek tilidagi Muqaddas Kitob, 2013 Zabur 56 Bible Online

Zabur 56 - O‘zbek tilidagi Muqaddas Kitob, 2013 bible

Zabur 56

¹Ijrochilar rahbariga. “Xarob etma” kuyiga aytilgan. Dovudning Shouldan qochib, g‘orga kirganda [1] aytgan qo‘shig‘i.

²Ey Xudo, rahm qilgin menga, rahm qil, Mening jonim Senda panoh topadi. Halokatli ofatlar o‘tib ketguncha Men qanotlaring soyasida panoh topaman.

³Yolvoraman Xudoyi Taologa, Men uchun qasos oluvchi Xudoga [2].

⁴Samodan najot yuborib, U meni qutqaradi, Meni toptaydiganlarni sharmanda qiladi. Xudo O‘z sevgiyu sadoqatini yuboradi.

⁵Men odam yeydigan sherlar [3] orasida yotgandayman. Ularning tishlari nayzayu o‘q kabidir, Ularning tillari keskir qilichdaydir.

⁶Ey Egam, falakdan ham yuqorida yuksalaver! Shuhrating butun zamin uzra yoyilsin.

⁷Dushmanlarim oyoqlarimga tuzoq qo‘ygan, Qayg‘u–kulfatdan ruhim cho‘kkan. Ular so‘qmoqlarimda chuqur qazidi, O‘zlari qazigan chuqurga o‘zlari quladi.

⁸Ey Xudo, yuragim Senga sodiq, Ha, yuragim Senga sodiqdir! Seni kuylab, qo‘shiq aytaman.

⁹Uyg‘ongin, ey jonim! Uyg‘on, ey arfa, lira! Tongni ham men uyg‘otaman!

¹⁰Ey Rabbiy, xalqlar orasida Senga shukrona aytaman, Ellar orasida Senga hamdu sano kuylayman.

¹¹Sodiq sevging samolarday yuksakdir, Sadoqating bulutlarga cho‘zilgandir.

¹²Ey Xudo, falakdan ham yuqorida yuksalaver! Shuhrating butun zamin uzra yoyilsin.