Read O‘zbek tilidagi Muqaddas Kitob, 2013 Zabur 61 Bible Online

Zabur 61 - O‘zbek tilidagi Muqaddas Kitob, 2013 bible

Zabur 61

¹Ijrochilar rahbari Yodutunga [1]. Dovud sanosi.

²Jonim yolg‘iz Xudoga muntazirdir, Najot menga Xudodan keladi.

³Ha, Uning O‘zi suyangan qoyam, najotimdir. Qal’am Udir, shu bois aslo qoqilmasman.

⁴Ey dushmanlar, qachongacha meni turtasizlar?! Liqillab turgan chetan devorga, Qiyshaygan devorga hujum qilganday Hammangiz menga yopishaverasizlarmi?!

⁵Sizning rejangiz obro‘yimni to‘kmoqdir. Yolg‘on–yashiq gaplardan zavq olasiz, Og‘zingiz bilan duo qilasiz, Ichingizda esa la’nat o‘qiysiz.

⁶Ey jonim, yolg‘iz Xudoga muntazir bo‘lgin, Umidim manbayi Uning O‘zidir.

⁷Yolg‘iz Xudodir suyangan qoyam, najotim, Qal’am Udir, shu bois qoqilmasman.

⁸Najotimu sharafim Xudodan kelar, Qudratli qoyamu panohim Udir.

⁹Ey xalqim, umid qil Xudodan, Yuragingni ochgin doimo Unga, Bizning panohimiz Xudodir.

¹⁰Inson zoti bir nafasdir, Ha, inson zoti yolg‘ondir! Agar tarozida tortib ko‘rilsa, Hammasi birga havodan ham yengil chiqadi. Ularning aslo vazni yo‘qdir.

¹¹Yulg‘ichlikka ishonib qolma, Talonchilikka behuda umid qilma, Mabodo boyliging ko‘payib qolsa, Boyligingga ko‘ngil bog‘lama.

¹²Ey Xudo, Sen menga bir narsa aytding, Shu ikki narsa haqida menga gapirding: Sen qudratli Xudosan.

¹³Ey Rabbiy, Sening sevging cheksizdir. Shu bois Sen har bir insonni Qilgan ishlariga ko‘ra mukofotlaysan.